|
ماشفنا اي شي جديد ماشفنا اي جديد او تغيير لحد الحين اللي شفناه مجاملة لاعبين تعدو عمر الثلاثين واعطاهم فرصه على حساب النادي ومشاعر الجماهير اسكات الجماهير بصفقتين السي في عادي جداً ونسأل الله لهم التوفيق الهلال للمره مليار يحتاج لصفقه صفقتين او حتى ثلاث محليه ويستحسن تكون وسط واظهره الهلال يحتاج محور ثابت نوعية خميس وعزيز ورادوي ويحتاج ايضاً تصريف اكثر من لاعب واعارات البلوي في خلال عشره ايام وقع مع فريق كامل اكثرهم لاعبين وسط ومن انديه عاديه وكأنه يعلم ان لاعبي الوسط مطلب وهم الاساس اقسم بالله اني هلالي واعشق الهلال اكثر من نفسي ويؤلمني اشوف لاعبين منتهين ومستهترين في المعسكر الان بنهاية الكلام الله يوفق حمد الحمد ويجعله افضل لاعب سعودي قريباً يارب |
مو بلازم تشوف خل المدرب والاداره يشوفون شغلهم |
لا يحتاج ان تقسم فما ذكرته يدور بخاطر الجماهير للاسف هناك لاعبيين يتم مجاملتهم على حساب الكيان ولن اذكر ولكنهم معروفيين من الدفاع والوسط والهجوم اذا لم تستطيع الادارة التعاقد مع محليين فيجب عليها اعطاء شباب النادي المميزين فرصة لعل وعسى نجد كم لاعب يخدمنا بالقريب العاجل |
الحين يجونك يقولون كلامك ماله داعي وموفي وقته ابد انت تبي تشتت الادارة واللاعبين ويقصفون اللي ينتقدون بشكل هادف ويدخلون بالذمم ويجردونا من هلالنا وعشقنا موضوعك قد اصاب الحقيقة ونحن نتكلم وياما تكلمنا الاندية بدأت بشراسه وبدأت تستعد اقوى من العام سنستصدم بفرق شرسة ومتعطشة البطولات وقد لاحضنا النصر والاهلي فما بالكم ببقية الفرق نبي روح الشباب نبي ناس لياقتهم كنترولهم حماسهم نبي ناس تستلم وتسلم الكور صح يعني بأمانه ماذا سننتظر بعد هذا الجيل واكثر لاعبينا تخطو حاجز الثلاثين ولنقل الاساسيين اين تصعيد الشباب بالفئات السنية اين التعاقدات المحلية تكلمنا كثيرا لابد ان يكون لديك فريق ثاني لايقل عن الاساسي في الجاهزية واللياقة والقوة والحماس لانريد فوز يأتي بشق الانفس نريد فريق الكل يخشاة لا اعلم لماذا هاذا الصمت الرهيب هل نقول وداعا لاجيال كنا نتغنى بها ليتها تعود وتحقق ولو قليلاً مما حققوه ما شاء الله عندنا اعضاء يملكون المال الوفير لشراء مايمكن شراءه نتغنى بكثر الاعضاء داخل الادارة ولا نجد منهم المنفعة ايعقل ان تكون للمصالح والاستثمار فقط في خصوصيات النادي ام هي الترزز والشهرة اصحو ياعالم فهلالنا ليس كما تعتقدون فالمشاركات كثيرة والفرق استسأدت والاصابات والتغيير كلها لاتصب في مصلحتنا تكفى ياوجهه السعد هلالنا في خطر وفي محك الا مبالاه ولا يعيبني ان نصحح الخطأ فأنا عاشق لهذا الكيان العظيم ولا أرضى بغير فريق يجهز الخصوم ويتوج البطولات |
نعم كفيت ووفيت فعلا فيه للاعبين موجودين يتم مجاملتهم على حساب النادي وكبار في السن وكلنا نحبهم ونعشقهم بس الان هم منتهين ماراح يفيدون النادي ونحتاج بعض الخانات مثل المحور الدفاعي والظهير ولم يتم جلب للاعبين لتغطيتها |
السلام عليكم بالنسبه لكلام أكثر الاعضاء يبون لاعبين من نوعية عزيز وخميس حتى المدرب و الاداره وكلنا ونبي من نوعيتهم بس المشكله ان ما عاد فيه مثل هالنوعيه من وين نجيب لك |
مافيه غرابه الا في وجود عبدالعزيز الدوسري فقط والصفقات الهلاليه ممتازه بنسبة 80 % باذن الله علي الاقل في مراكز يحتاجها الفريق والفريق الي يصعد ثلاث لعيبه من درجة الشباب هذا فريق كثر خيره اقوي الفرق الاوربيه مايصعدون لاعبين بالسنه وفريقنا هالسنه ثلاث لعيبه واضح انه شال من راسه فكرت التعاقدات مع لعيبه ممكن ينجحون وممكن لا مثل الحمد الي كلف خزينة النادي وصناعة دكه قويه من شباب النادي |
كلامك فيه الظلم الكبير... بظروفنا المادية... الادارة شغلها ممتاز جداً... |
اخوي الفاضل صاحب الموضوع اتفق معك في نقطة واحدة فقط وهي ان الهلال بحاجة ماسة لمحور قوي لكن انك تقول صفقات الهلال سيئة أسف غير صحيح اخوي للأسباب التالية: إدواردو عمره خمس وعشرين وليس ثلاثين الميدا صحيح عمره ثلاثين لكن لاعب مميز في اخر ثلاث مواسم يتضح من عشرات المقاطع للميدا انه فنان ومهاري وضارب رأس وصاحب قدم قوية ادواردو مميز في تسديد الفاولات عموماً اخوي الفاضل الصفقات تمت وادواردو والميدا في المعسكر الآن يتدربون لذلك يجب ان نقف معهم ومع الزعيم وبأذن الله يكون التميز فالهم والتوفيق حليفهم واذا ثبت العكس لكل حادث حديث |
مشكلتكم تستعجلون .. انتظروا وبتشوفون اللي يرضيكم |
حسب ما سمعنا ان الادارة فاوضت كنو والفهيد وحاولت في الشباب انه يسمح للاسطى بالاعاره ولكن فوجئت بالرفض القاطع علما ان الادارة لا تمانع في طلب بعض الانديه للسماح بلاعبي الهلال للاعاره لهم يجب ان نضع هذا في الحسبان اخي الكريم ونحن مثلك قلقون بشان الصفقات المحليه وارجع واعيد واكرر ما يحدث الان من مشاكل في خانات حساسه نتيجه عبث لمواسم متتاليه من الادارة السابقه واصلاحه يحتاج الي وقت كم لنا واحنا نشتكي من عدم وجود محور محلي دفاعي ؟؟؟ كم لنا واحنا نطالب بظهير ايسر بديلا للزوري في حال توقف او اصيب لنا سنين ولو اصغت قليلا الادارة السابقه لتلك المطالب بعين العقل لكانت على الاقل خلصت مع لاعب او اثنين في كل خانه ومن العيار الثقيل بدلا من الهدر المالي على لاعبين منتهين |
و مين في غير محمد كنو و باجندوح يستاهل؟؟؟ بالنسبة للاظهرة انا اشوف اعطاء الفرصة لشباب النادي افضل من الاسطا و غيره لان الاساسيين ممتازين... الحمد لله فريقنا متكامل فقط ينقصنا محور دفاعي احتياط لكريري |
الهلال يحتاج ظهير أيمن ومحور والموجودين محليا مستواهم متقارب ممكن التعاقد مع برناوي ظهير أيمن الفيصلي وتصعيد ومشاركة البقعاوي وتنتهي مشكلة الاظهره أما المحور فأتمنى منح محاور المنتخب الأولمبي حسين القحطاني وعبدالعزيز الشريد وسلطان الفرحان فرصة اللعب والمشاركة مع كريري وعطيف والقرني الذي عليه إثبات نفسه أو بيع عقده ولو تم تصعيد الثلاثي الشاب لما احتجنا مفاوض الآخرين القائمة المعلنه جيده فقط ينقصها من سبق واعارة الواكد والشامخ والسالم واعتزال الشلهوب |
اشكر الاخ غيام... وكل الاخوه المشاركين .. لكن الحكم مبكر ثانيا في الدفاع لايوجد لاعب مجامل جحفلي وكواك وديقاو متميزين والحافظ وشراحيلي لاعبين صغار في السن .. الوسط اكبر لاعب كريري لكنه في مركزه الاميز ... في الهجوم ناصر ممتاز والسالم لاعب مهم حتى لو لم يحبه اويقتنع به البعض ومحترف وياسر الذي كان يعاني من اصابه ونجم جديد منظم وهو العليوي.. والحراسه تملك ثلاث حراس مميزين وحارس له مستقبل (الواكد) نعود للوسط قد يكون الكل متفق على عزوز انه الاقل لكن كان عائد من اصابه مزمنه تطلب حلها لتدخل جراحي عودته كان الموسم الماضي من غير الممكن ان تكون قويه بسبب نوع الاصابه والتدخل الجراحي الخطير ... هذا الموسم اجزم باحد امرين اما ابداعه اورحيله .. كل انسان له وجهة نظر تحترم ومن المعيب مصادرتها مهما كانت مخالفه .. الان وفي هذا التوقيت بامكان اي شخص الانتقاد وابداء رؤيته ورأيه بكل اريحيه بل على العكس هذا هو الوقت المناسب ... لكن وسط الهلال يعج باللاعبين المهاريين ولايوجد نادي سعودي يملك هذا الكم من النجوم من اراد ان يحكم فعليه مشاهدة لقطات ومقاطع للهلال آخر ثلاث مواسم ... يجب الفصل بين تحقيق البطولات وجودة اللاعبين لان البطولات تحتاج عمل مختلف خارج الملعب كرة القدم تحتاج روح والفه وتعاون وتعزيز للجوانب الايجابيه ومعالجة السلبيات والعيش في جو مختلف عن ما كان عليه الفريق في المواسم القليله الماضيه .. كما ان البطولات تحتاج الى عمل اداري جبار ...فالمال لايحقق شيئ.. انا هنا لا احكم ولا اعد بشيئ لكن الهلال الحالي وبلاعبيه الحاليين ومدربه وادارته اشاهد فيهم اشياء لم اشاهدها من مواسم عده .. ودي وتحياتي للجميع ... |
لاصرت افهم من المدرب وجيش المستشارين الهلاليين من لاعبين قدامى واداريين ..... قدرت اوافقك او اختلف معك |
| الوقت المعتمد في المنتدى بتوقيت جرينتش +3.
الوقت الان » 10:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd