وجه السعد ؟؟ امن الاخير هالوضع مو عاجبني
 

تم رفع الأسماء المشاركة في بطولة اسيا
والي الان أيضا لم يتم تدعيم الفريق في الخانات اللي محتاج دعم
( الظهير و المحورالدفاعي )
البريك والشامخ ليسوا بتلك الأسماء اللي ممكن تسد الخانه .. في حالة تعرض الشهراني او الزوري لاسمح الله لاي شي
استغرب التأخر هذا بكل صراحه وعدم حسم الأمور مع كذا لاعب سواء ظهير او محور
( الخراع , معاذ, العبيد , كنو , الفهيد , باجندوح , ) كل هالاسماء ماقدرت الإدارة توفر واحد في كل خانه !!
الأهلي قرب من معاذ والنصر وقع من زمان مع ظهير الاتفاق والشباب وقع مع كذا لاعب والاتحاد ,,, كل الأندية هذي ماعندها مشاركات حساسة وكثيرة زينا ومع ذالك شغالين ...

____________________________________

الاتحاد السعودي ذكر قبل فتره ان الأندية موافقه على تحويل المباراة للندن ؟؟؟
وان لولا موافقة الأندية كلهم مانقلوها ؟؟؟؟؟؟؟؟؟؟؟؟؟
مدري هل تعلم إدارة النادي ان ملعب السوبر اخس ملعب بلندن وممكن نطلع منه بإصابات قبل موقعة اللخويا!!!!!


والان والي هذي اللحظه لم تتعاقد إدارة وجه السعد مع احتياجات الفريق ؟؟
__________________________

في عمل في الفئات السنية .. برافو
بس احتياجات الفريق الأول الي الان لم توفر ... وهي الأهم

له له يابوتاكي ويش ودك يساوي هالزنمه ماعليش قلبت اردني وبقولك السالفه وما فيها تعنت ادارات تلك الانديه المتكاتفه ضد الهلال وعلى الهلال الاهتمام بالقاعدة من الان لمستقبل الزعيم

أعتقد أن عنوانك غير موفق ، الرئيس لسه جديد ومحتاج الدعم ..

كلام سليم وصحيح جدا
اتوقع مع شبيه شبيه الريح كل شئ ع وضعه رخيص وكويس
الله يستر ع الزعيم

نرفض عنوانك وجرى التنبيه عليه

وش يضرك ادفع واجلب الفلوس من اجل الزعيم تهوووووون
الا يوجد عاشق للزعيم يملك المادة القوية؟؟؟

الاخوان معترضين على العنوان !!
ونسوا النظر او التعليق على المضمون
_______

واللي ذكر ان الأندية تبالغ في المبالغ
ياخي هذي ضريبة كل الأندية الكبار مو نحنا بس أوروبياً وحتى محليا
عرض الأهلي لمعاذ بمبلغ وقدره وعرض النصر لهزازي مبلغ وقدره
الخلاصة انتقد اذا اخطأت او تطاولات بألفاظ خارجه عن المألوف وهذي ماتجي مني
مانبغى بكره نقول ياليت سوينا وفعلنا مدام عندنا الوقت لتنجب وتصحيح الأوضاع
ومالها دخل رئيس جديد او قديم انت محتاج تدعم هذي الخانتين وفورا
انت عندك مباراة سوبر وآسيا ودوري ومابعدها ( عندك تخمة من البطولات ولازم ترمم بعض الخانات )

لان ازياد في محبتي الشخصية لوجه السعد لكن مانبغى في كل مباراة نقول ان شاء الله الشهراني او الزوري او كريري ماتجيهم إصابات لان البديل ليس بالمستوى خاصة الاظهرة .

والله كلامك سليم يا كاتب الموضوع
المشكلة عندنا مشاركة مهمة جدا تفوق بطولة السوبر
وان كنت اطمع لتحقيق الكل ولكن الاسيوية اهم اولوياتنا
بتنا قريباً جدا من حلم طال انتظارة والادارة لم تشتغل
شغل جبار ياخي ابيهم يضحون بموسم واحد فقط
حط كل جهدك فيه من صفقات مدوية وراح يمشي معاك
هالرتم لسنوات موصعبة ابد وماشاء الله عندنا اعضاء
يملكون المادة والفكر وكل مقومات النجاح"
وبقية الاعضاء راح للعنوان وتركو المضمون نبي الفايدة والنقد الصحيح
متا تبونا نتكلم لاشفنا فريقنا ع بعد خطوات بدون فاعلية
متى تبونا نعدل الصح من الخطأ

اتفق معك في الحاجه الملحه لجلب ظهير ايمن ومحور
معاذ أو القميزي او برناوي الفيصلي للظهير الأيمن وتصعيد محمد البقعاوي ويعود الشهراني مع الزوري لليسار وبذلك تنتفي الحاجه للعبيد رغم أنه جيد
أما المحور سابقا عتين محور دفاعي و كنو محور مساند مستواهم جيد ولا أعلم حاليا ولو كان لي من الأمر شي لطالبت بمنح محاور المنتخب الأولمبي حسين القحطاني وعبدالعزيز الشريد وسلطان الفرحان فرصة المشاركة وراهنت عليهم ولكن بقاء الشامخ والواكد والسالم والشلهوب بالقائمة يحول دون حصولهم على الفرصة رغم احقيتهم

الخراع قلب دفاع تم تكليفه بالظهير الأيمن ولن يفيد الهلال أيضا الفهيد لن يستطيع تمثيل الهلال لذا لا أتمنى جلبهم باي مبلغ

وشكرا

اخي الكريم اتفق معك في حاجه الخانتين المحور الدفاعي والظهير الايسر وليس بخافي على احد حاجه الهلال لهم بشهاده المدرب وطلبه ولكن ترفق قليلاً ولنعترف ان ما حصل في ضعف في هاتين الخانتين نتيجه مواسم من العناد والمكابره وقله الفهم الرياضي لدى الادارة السابقه ولك ان تتخيل كيف تم تفريغ وسط الهلال من كل محاوره الدفاعيه وبدون التفكير في ايجاد بديل الهلال الي كان يتميز بافضل محاور دفاعيه على مستوى الخليج مثل عزيز والعويران الادارة السابقه فرطت في عمر الغامدي وابقت على الغنام المعطوب ورادوي رحل بسبب العرض المغري بل حتى جلب كريري كان قصراً وبجهود احمد بن سلطان وحتى الظهير بجهود الناقور واصلاح هذا العبث السابق يحتاج الي وقت ومادام ان فكر هذه الادارة الحاليه رياضي وليس معاند او مكابر فلاخوف ولكن نصبر قليلاً

اهم شي التركيز عالفئات السنية هذي هي الحل الجذري
لمشكلة الهلال والكرة السعودية عموما
موضوعك مهم وفيه نقاط اتفق فيها معك
بس كنت اتمنى عدم ذكر لاعبين بعينهم خصوصا انهم لاعبين في مقتبل العمر
تقديري لك وكل عام وانتم بخير

محور يصد الهجمه قبل الوصول للدفاع + ظهير ايمن ممتاز = آسيا