إقتباس الرسالة الأصلية كتبت بواسطة mxo السالفة ماهي سالفة اساسي واحتياط يوم كان حسن معاذ احتياط وصالح القميزي اساسي رفضوا بيعه طيب هزازي اساسي معهم ووقع معه النصر غصباً عن خشومهم شخصيا ارفض انتقاله للشباب مع احترامي لهم مايستاهلون يكفي اللي سبقوه ذهبوا ببلاش الدعيع لو نستثمره في المحور الدفاعي افضل لنا من المطامر خلف الفتح و الاتفاق

اخوي سبب انتقال النجوم للنصر وغيره من الانديه من الشباب بسهوله ، هو الرئيس الفخري الامير خالد بن سلطان ، لانه لايحب الهلال ، وهذا شي طبيعي ، لان الشي اللي مو طبيعي ان الانديه الاخرى تكون تحب الهلال ، وقتها اعرف ان فريقك اصبح حمل وديع لايهش ولا ينش ، الله لايقوله ، لو تذكر مثلا الشباب في مبارة النهائي الشهير،و الملك فهد رحمه الله جالس بالمنصه ، وخالد بن سلطان ينتظر نص دقيقه ويستلم الكاس من الملك الا ويطلع له المجرم سامي الجابر ويقتل املهم ، نفس الشي النصر يفحط عشر سنوات في كاس ولي العهد والهلال يطلعه كل سنه ، وايضا في كاس الملك ، فيصل بن تركي جايبين له العوده والدخون والرجال واقف بالبشت على المدخنه عشان يتطيب والدخون يملاء البشت قبل لا يطلع يستلم الكاس من الملك سلمان ، الا ويطلع له الجاني الاكبر اللي المفروض يقدم للعداله ويعدم ( جحفلي 14'119) ، ويذبحهم من الوريد الى الوريد ، واللي يذكر الاهلي يوم يتقدم بالنهائي في الدوري بهدف قهوجي الا ويطلع لهم خط الصعيد والمجرم الدولي الهارب من محكمتهم سامي الجابر ويقلب النتيجه ويسجل هدفين ، وانا اعييييييط ،والاتحاد يخسر الدوري بجده بهدف الشعره للقاتل ياسر القحطاني ، وانا اعيييط ،وايضا الاتفاق يصل للنهائي امام الهلال ويخسر الحلم ، الوحده كذلك ، وقس عليها انتماءات رؤساء الفرق الاخرى اللي اغلبهم ينتمي للاصفرين او الاهلي ، اكيد الكل بيكره الهلال .