من يريد يعرف شعور الشبابيين تجاه الهلال اذا صارت مباراه بيننا وبينهم يقرب من الاداريين الشبابيين ويشوف انفعالاتهم وتصرفاتهم بالمباراه
زمان وانا صغير بالعشرينات راقبت اداري عنهم بالمدرج والله ماكانهم يبارون فريق مسلم ...قلت له وش فيك يالاخو تراها كوره لايطق فيك عرق يكاد يموت من الحسرات بضياع فرصه ويسخط ويلعن والعياذ بالله منها كرهتهم اول اتعاطف معهم الان مااواطنهم

اقول مافيه مثل البلطان كان تعاونه مع الهلال مثالي واللي يقول انه اعطى النصر الداؤد والواكد وفواد انور في تلك الفترة البلطان لم يعرفه الشباب ولم يكون موجود اصلا ويكفينا منه قولته المشهوره بالمنصه

يقولون اعاره ولهم احقيه اشراء

الهلال بكبره قضية وقصة لاتنتهي مسبب لهم عقدة نفسية ...!!
مااشبه الهلال الا بريال مدريد في الشموخ والعزة ...
والدليل شوف الاندية كلها حتى الاندية الضغيرة لما تلعب قدام الهلال !!
ليه لا والهلال هو زعيم كل الاندية وزعيم آسيا بكبرها ..
اعلمكم ليه يكرهون الهلال ! ؟ لان الهلال مسقيهم المر وجايب لهم الضغط والسكر

صحيح اخوي ، مع اني فبداية خبر الانتقال انرفع ضغطي ولكن لو ترجع تفكر فيها ، من مصلحة الهلال اولا ثم اللاعب الانتقال لفريق مثل الشباب فرصة المشاركة فيه حتكون اكبر للاعب ، والهلال لايحتاج اللاعب الان ، فاما يثبت نفسه ويرجع اساسي بالهلال ونستغني عن احد الاجانب بالدفاع واما يكون اخذ فرصته كامله وانكشف مستواه الحقيقي، وبكذا النادي يكون استفاد ماديا من مبلغ الاعارة وبعدها مبلغ الانتقال ، وايضا فوق كذا وفر رواتب الدعيع ، ولو اعار الهلال كذا لاعب لو مايجي من الاعاره الا تقليص مصروفات النادي فالهلال ربحان .

اخوي خذها مني ، مافي اي مدافع سعودي ( لا اقصد الاظهره ) اذا رحل تتأسف على رحيله بعد اسامه المولد ، اما الباقين فلا اسامه هوساوي ولا المرشدي ولاعمر هوساوي ولامحمد عيد ، ولا اي قلب دفاع موجود بالدوري السعودي من اللاعبين السعودين ذهابهم يعتبر خساره ، لان هذا المركز اصبح اكبر نقطة ضعف في الكره السعوديه ،

اخوي سبب انتقال النجوم للنصر وغيره من الانديه من الشباب بسهوله ، هو الرئيس الفخري الامير خالد بن سلطان ، لانه لايحب الهلال ، وهذا شي طبيعي ، لان الشي اللي مو طبيعي ان الانديه الاخرى تكون تحب الهلال ، وقتها اعرف ان فريقك اصبح حمل وديع لايهش ولا ينش ، الله لايقوله ، لو تذكر مثلا الشباب في مبارة النهائي الشهير،و الملك فهد رحمه الله جالس بالمنصه ، وخالد بن سلطان ينتظر نص دقيقه ويستلم الكاس من الملك الا ويطلع له المجرم سامي الجابر ويقتل املهم ، نفس الشي النصر يفحط عشر سنوات في كاس ولي العهد والهلال يطلعه كل سنه ، وايضا في كاس الملك ، فيصل بن تركي جايبين له العوده والدخون والرجال واقف بالبشت على المدخنه عشان يتطيب والدخون يملاء البشت قبل لا يطلع يستلم الكاس من الملك سلمان ، الا ويطلع له الجاني الاكبر اللي المفروض يقدم للعداله ويعدم ( جحفلي 14'119) ، ويذبحهم من الوريد الى الوريد ، واللي يذكر الاهلي يوم يتقدم بالنهائي في الدوري بهدف قهوجي الا ويطلع لهم خط الصعيد والمجرم الدولي الهارب من محكمتهم سامي الجابر ويقلب النتيجه ويسجل هدفين ، وانا اعييييييط ،والاتحاد يخسر الدوري بجده بهدف الشعره للقاتل ياسر القحطاني ، وانا اعيييط ،وايضا الاتفاق يصل للنهائي امام الهلال ويخسر الحلم ، الوحده كذلك ، وقس عليها انتماءات رؤساء الفرق الاخرى اللي اغلبهم ينتمي للاصفرين او الاهلي ، اكيد الكل بيكره الهلال .

عجيب !

الله يستر من الجاي



كنت متعشم خير في وجه السعد ،، بالذات ع الجانب الإداري والمعامله مع الأنديه الأخرى



اتفق معك اخوي ، والمشكله الأمثله اللي تدين هالتصرف كثير وانت ذكرت اهمها ( معاذ + الأسطا )

لاهنت





يارب وفق الزعيم ~

سلطان الدعيع عبر تقييم طويل الأجل عندما كان مع شباب و أولمبي الهلال لاعب في درجة المقبول و الجيد جدا في نواحي : فرغم إنه في أول موسم الصعود له للفريق الأول قدم بعض المباريات التي لا باس بها , و لكن العيب ليس من الدعيع بل بعدم تواجد نظره مستكشفه في الهلال تدرك بأن هذا اللاعب يصلح للمحور و الظهير الأيمن و بدرجه مقبوله إلى جيده جداً: بالطبع حصل لسلطان الدعيع في هذا الموسم ثقل في الحركه بعد أن تم تحييده عن الأول والأولمبي بنظام 3 لاعبين فوق السن ثم بعد أن أشرك مع الأولمبي وفي خانة قلب الدفاع!!!! ظهر منه ثقل حركه غير معتاد منه و لكن وضعيته الأخيره لا تبرر لنا بأن ندين الرجل و نحكم عليه بلا إنصاف و نفرط بإستكشافه في خانات أخرى . ، هذا اللاعب يصلح للظهيرو المحور و سيوفر حلول كبيره و بأيسر التكاليف من بعد معونة الله سبحانه ، و لكن أين إيجاد الحلول الذكيه من الإمكانيات المتاحه .
مثال بسيط : كان لدينا لاعب موهوب في الحي عندما يلعب في الجناح أو رأس حربه يكون مضحكه للآخرين و لكن عندما يلعب في الوسط الأيمن وخلف المهاجمين يبدع إبداعات قل نظيرها : و هكذا حال بعض اللاعبين يكون بدرجه ضعيفه أو متدنيه في مركز و لكن لو تم توظيفه بشكل بارع لشاهدنا نجم لامع .

خذوها من الاخر الرئسى واعضاء الشرف الشبابيين اللي عاصرو التنافس العاصمي مع الهلال قبل النصر عندهم الموت ولا الهلال والرجاء بالجيل اللي جاء بعد ذالك التنافس مثل البلطان وما بعده طبعا الامير خالد بن سعد من الجيل القديم لا للهلال نعم للنثر وكلهم مايقرقرون عند اذني ان الزعيم لايحتاجهم وهم مثل الحصاني اللي تتبع الاسد لعل وعسى تطيح منه بطوله يلقطونه

الشباب ماادري ليه متسلطن علينا ؟
حسن معاذ قبل سنة تقريبا مجدد مع الشباب كان بيد
الهلال الدخول بقوة وكسب الصفقة، لكن المثالية الزيادة وعمايلها !

اذا اثبت نفسه يا اخي فهو طار علينا
لان العقد سنة مع افضلية الشراء

صحيح
ومن اجل هذا ماحبيت انتقاله للشباب
ياخذه اي نادي من الوسط ولا اعطيه الشباب
او ارفع سعره عليهم واستفيد من اعارته

مع احترامي لك ياصاحب الموضوع

بختصار

الإدارة ابخص
بدل قعدته يروح يثبت وجوده مع شباب والا غيره

وبعدين خلونا نرتقي ونبتعد عن التعصب وزود الحساسية ،، وهذا زمن الاحتراف والزعيم يضرب به الامثال
خصوصاً بتعامل الإدارات السابقة والحالية مع جميع الملفات واحترافيته

الله يوفقه وان شاءالله يثبت وجوده

حسن معاذ،،،،،،،،،،،،،،،،،،،،،،،،