هذه مشكلة الحارس السديري بالتحديد
 

اتفق معك اخوي ان السديري متوتر او بالعاميه تشوف انه متقروش

وينعكس ع خط الدفاع هالتوتر لانه يوترهم معه ( يعني متقروش ويقروش الدفاع معه ) والسبب مجهول



اما بخصوص شراحيلي وقوة الدفاع انا اشوف انهم مكملين لبعض بصفه عامه

مع الميل إلى إعطاء كل ذي حق حقه


الدفاع مستوى تصاعدي وشراحيلي بعد الإيقاف جيدجدا

والله يكتب اللي فيه الخير للهلال



اتمنى يوصل كلام الكابتن القدير منصور القاسم وكلامك ك مشجع غيور للسديري ، لعل وعسى



لاهنت اخوي وعيدك مبارك






يارب وفق الزعيم ~

السديري من افضل الحراس على مستوى الكرة السعودية وما كان يعيبه هو التوتر وضعف الخبرة اضافة الى ان هبوط مستوى الدفاع العام الماضي سبب له ارباك و احراج كثير ولكن هذا كله سيتغير مع الوقت . السديري بحاجة الى دعم الجماهير و اكتساب المزيد من الثقة به من قبل الجماهير والمسؤولين في الفريق.

ارتفاع مستوى السديري و شراحيلي من صالح الفريق و مصدر اطمئنان ..

يا حبيبي شراحيلي تصدى لكرات خطيرة في آخر المباريات لو كان الحارس السديري وقتها متأكد بتكون أهداف

شراحيلي حاليا الأفضل على مستوى المملكة و هذا الشيء ما يقلل من السديري حارس جيد لكن ليس الافضل

وأعتذر اخي على الانبراشة : ما الهدف من طرح مواضيع في لاعبين إحتياطيين ما دام الأساسي متفوق بشكل كامل ؟

واعتقد أننا وجدنا ضالتنا في شراحيلي .. وتطوير اللاعبين الإحتياطيين وإصلاح مشكلاتهم أتمنى ويجب أن لا يكون على حساب الفريق

خصوصا أنك تتكلم عن فريق بحجم زعيم اسيا ..

أما بالنسبة لمواضيعك أتمنى أنك تبحث عن مواضيع تنفع الفريق وتدفع به للإمام .. وشاكر لك إهتمامك

أود أن أشكر لك موضوعك القيم
كم معلوماتي يقرب الرأي الصواب
بلغة إيجابية عالية
وبرأيي
أن مشكلة السديري الأهم
هو عزه عن التقدم خطوة للأمام
فتضيق الزاوية
وثبت بالتجربة والشروحات العلمية
أن هذه الحركة مهمة جدا

الحارس لازم تكون اعصابه هادئه
مثل الاخطبوط

حارس نكبه و هو من وضع حجر اساس الفشل السنة الماضية بالبلنتي الفاشل اللي تسبب فيه امام النصر و لن انسى هذا ابدا . ينفع احتياط الاحتياط و لكن ان يمثل الهلال بعد اللي صار لا و الف لا. تقولي سرعة بديهة اقولك رح شف اولسان يوم هزمنا بالاربعه في الرياض

لا حول و لا قوة الا بالله


كل عام و انتم بخير

العنيد

يعطيك العافيه
اتفق معاك خاصه في العصبية اللي مال أمها داعي والاستعجال
مع الأيام واكتساب الخبره راح يكون حارس متمكن
__________________________

يقولون المعيوف يبغى يرجع الرياض
نحن أولى بالمعيوف ولو قدم له عرض راح يجي " الهلال بيته الأول "
نبادل الثنيان بالمعيوف
او جيبوا المعيوف واعطوا الاتحاد الثنيان مبادلة مع احد محاورهم

من وجهة نظري السديري ما ينفع يكون حارس أساسي لكثر أخطاؤه

شراحيلي أسد الحراسه بالوقت الحاضر

نعم التوتر والإرتباك من أكبر مشاكل السديري ، وإلا إمكانياته رائعه ، وهناك عيب فيه وهو النزول وخفض جسمه عند ما تلعب الكره من مسافة قريبه وتمر من فوقه بسهوله ، فالأولى تحتاج معامله وتهيئه نفسيه من مختص بتلك النوعيه من الحالات، أما الثانيه فتحتاج مدرب متمكن ليخلصه منها وسيكون من أفضل الحراس ، وما أحلى عندما يكون عندك ثلاثة حراس متمكنين " شراحيلي ، السديري ، الواكد " ويتم تداول الحراسه فيما بينهم لأن الموسم طويل والإصابات والإيقاف وهبوط المستوى والإرهاق كلها لازم يحسب حسابها لأن الزعيم ينافس على جميع البطولات ومؤهل لنيلها بحول الله

الله يوفق الزعيم فوق كل ارض وتحت كل سماء

وجهة نضرك نحترمها


بس بالنسبه لي اشوف اغير كذا وانه بصراحه نكبه

ودايم يتردد في الخروج على الكرات يتقدم خطوه وبعدين يرجع

زي هدف سدني لو الحارس كمل خروجه بيحتضن الكوره بدون اي مضايقه

ياخي سبحان الله كل ما ابدع لاعب ولا حارس طلعلنا كم واحد بموضوع يتباكى فيه على لاعب ثاني ويحاول ان يثبت انه لو خذ فرصه لابدع يابن الحلال الحمد لله شراحيلي مبدع والثنيان حارس جيد والواكد بعد الاعاره كسب خبره اما السديري مادري اضحك ولا ابكي من هالكلام الي قاعد اقراه استجابه عضليه وعصبيه ايش بس استجابه لدرجه انه يطلع للكورة يبي يصدها ويجيب العيد ويطلع من مرماه ويرتكب بلنتيات مالها داعي وفي وقت حساس .. ياخي رجاءا اتركنا من مثل هالمواضيع اذا كنت هلالي حقيقي ادعم من هو قاعد يادي ويبدع وقدم له انتقاد ايجابي وامدحه بدون افراط وشجعه على الاستمراريه واترك عنك اثارة البلبه والمشاكل مواضيع مثل هذي تحرض اللاعبين على التمرد وتحسسهم انهم مظلومين وتجعلهم يحملون في صدورهم على الجماهير الهلاليه اتمنى ان لا يكون هذا هو هدفك من كل قلبي اتمنى الا يكون هذا هو هدفك