ما اشوف ان الهلال بحاجه لمهاجم محلي في ظل وجود ناصر وياسر وسالم ويونس
فالبحث عن مهاجم اجنبي أفضل بكثير مع صانع لعب سوبر
ومسألة اقحام الهلال فالصفقه اتوقع واااهم لازم التلميع لجمهور النصر بعد الخساره
والمبلغ المرصود طبيعي و في نفس الوقت مبالغ فيه عشان تبني فريق تحتاج للدفع وهذا مايفعله أي نادي
وأيضا في ظل حاجه الشباب لسيوله ماليه

بصراحه النصر شغال صح وماشي صح امس اشوف اسماء لا عبين النصر الاساسي والاحتياط نفس القوة فريقين
سياستهم مدروسه بدل اللاعب عندهم لاعبين تخيل اربع مهاجمين على اعلى مستوى وسط ودفاع فريق شغال صح ويفكر لبعيد

الهلال لاعبينه الاساسين لا يعلى عليهم وكويسين بس مافية بديل لهم للاسف وبعدين نواف بن سعد نفس سياسة بن مساعد يكاسر في االلاعبين تبي اللاعب اخذة وخل عنك المكاسر

اخاف يصير الفوز ع النصر أمنيهة او حلم ... ولا سمعت انهم يفاوضون فالديفيا لاعب منتخب تشيلي وصانع لعبه

اهم شي ي ناس دكه الاحتياط يشتغلون عليها ويجيبون لاعبين كويسين مو مخيسين

هزازي ما نبيه ... لكن كنو لا يروح يا وجه السعد .... حاجتنا في المحور يعرفها حتى الي ما يفهم كوره وكنو لاعب متميز لا يروح علينا

نص كلامك عسل ، والنص الثاني غير صحيح ،
وجود شخص مثلك واعي ، ويشيد في تعاقدات وعمل الخصم شيء جميل ، وانا متاكد ان الادارة مقدرة حجم العمل النصراوي ، ولذلك باذن الله ستقدم عمل افضل .
اما من ناحية ان الادارة نفس فكر ابن مساعد ، فاقولك فترة ابن مساعد اقسمها لجزئين ، الجزء الاول دفع وجلب الغالي ثمنه فيه ، وبعدها الجزء الثاني ، طقة رخيص وكويس ،
والان الفرق بين ادارة ابن مساعد ونواف هي :
اولا/ ادارة الامير نواف ، تتميز بوجود المختصين المخلصين كلا في اختصاصه ، ان خير من استأجرت القوي الامين ، بالاضافه لوجود ابن من ابناء النادي واكثر في الادارة .
ثانيا / ان الامير نواف لم يسعى للرئاسه منافسا لاحد اقطاب اعضاء الشرف ، كما حصل مع ابن مساعد عندما كان التنافس بينه وبين بندر بن محمد ، مما القى حمل الاعباء الماديه على ابن مساعد ومن رشحه فقط ، وابتعاد من رشح الامير بندر عن الدعم ، او قل دعمهم، لكن الامير نواف تم ترشيحه بموافقة غالبية اعضاء الشرف ، مع تعهدهم بسداد الديون ودعم الصفقات ، والتعاون فيما بينهم لسد احتياجات الفريق الماديه ، مما يعني ان كل اعضاء الشرف سيدعمون باذن الله باستثناء الموسى ، الذي يمكن ان يقل دعمه، وهذا شي طبيعي ، وباذن الله لن نرى انقسام شرفي كماكاد ان يحصل مع ابن مساعد .
ثالثا/ الامير نواف مؤمن بالفئات السنيه واهمية دعمها ، بحكم عمله سابقا بالمنتخبات والفئات السنيه ، واتضح ذلك من خلال تعاقده مع لاعبين صغار السن بالخانات المطلوبه بالفريق الاول ، مهاجم ، ومدافع يلعب كظهير ايمن وكمدافع ، مما يعني ان هناك اهتمام بالفئات السنيه ، مما يدعم الفريق الاول يعني خلال موسمين باذن الله لن نحتاج لاعبين محلين من انديه اخرى ،مما يوفر مبالغ كبيره للتعاقد مع نجوم سوبر ستار اجانب على شاكلة نيفيز وولهامسون باذن الله .