|
نقاط يجب ان لا نغفل وتمر علينا رغم الفوز المدرب كاد يطيح بالهلال الف مبروك يا زعماء ويجب ان لا نغفل عن اخطاء المدرب بداء الهلال بتشكيل جيد التغيير يوسف السالم لم يكن له داعي ابدا خسر فيه الهلال تغيير رغم انني مع احترامي ليوسف لا يستحق ان يمثل الهلال رغم تدني مستوى ناصر الا انه افضل وبمراحل من يوسف يجب ان يناقش المدرب هذه اخطاء فادحة ثانيا الشلهوب لاعب كبير ويصنع الفرق كان الاجدر ان يبدأ به ويعمل حساب ان العابد ونفيز لا يستطيعون اكمال شوطين دائما لو بدأ بالكعبي والشلهوب بدل ناصر والعابد وفي منتصف الشوط الثاني زج بالشمراني والعابد حسب الحاجة تغيير السالم سلبي جدا جدا والله انني ضده منذو التغيير لا اقول هذا بعد اللقاء انا بصراحة يوسف لا يستحق ان يكون في احتياط الهلال فكيف اساسي المفرج يجب ان يرحل كونه سلبي وعلى نياته اذا نفيز رايح نريد صانع لعب جيد و مهاجم فلته وممتاز ليس ضروري يكون مشهور نريد هداف ومقاتل ويجيد التمركز امثال سيرجيو حتى لو مهاجم التعاون بصراحة افضل من كل هجوم الهلال اذا تريدون اسيا يجب ان نحضر مهاجم في ما ما تعنية الكلمه هذه رساله لرئيس الهلال القادم ويجب ان يستلم الهلال من الان وقبل رمضان حتى يسعفة الوقت لعمل برنامج مناسب والبحث عن مهاجم يقود الهلال ثانيا وليس مهم كنت اتمنى ان يعطى الكبتنيه لديقاو المدافع الفذ المقادل والله اني لاجد روح الفريق وحماس الهلال فيه كفو ديقاو يا ليتك |
اولا الف مبروك فوز الهلال وثانيا يوسف السالم كان افضل بكثير من ناصر الشمراني يصنع لنفسه الفرص يتمركز صحيح يتحرك في داخل منطقة الجزاء ناصر لم نشاهده اثناء المباراه شاهدناه فقد يقول هيااااا تعااااال |
اضم صوتي لك هذا كلامي وتحليلي أمس |
اتفق معك الدخول بوسط اعسر كاد يهزم الهلال ليس سؤ في العابد أو الفرج أو نفيز أو الشهراني لكن ان تلعب بهم باليمين فأنت هنا تظلم اللاعبين والفريق والجمهور . أي لاعب يحاول تقديم أفضل مالديه ولكن المراكز مهمه أما ناصر ويوسف فكلنا نعلم أنهم لن يكونوا مهاجمين الهلال ولكن البديل ساماراس ! رغم أن المنيع والبقعاوي لو أعطوا الفرصة لقاموا بالمطلوب واكثر اتمنى ان يتم التعاقد مع ظهير أيمن أساسي وبديل معاذ والمولد وبرناوي وتصعيد البقعاوي لنهتدي من مشكلة الظهير الأيمن وتصعيد حسين القحطاني وعبدالعزيز الشريد وسلطان الفرحان للمحور وكروم والسواط لصناعة اللعب ومجاهد المنيع وخلف البقعاوي للهجوم ويكون الاجانب مهاجم مثل مونتيرو سبورتنج أو موريكي السد أو سرياك اندرلخت بدل ساماراس أو اثنان منهما بدل كواك أو نفيز عندها سيكتمل الهلال ويحقق النتايج |
المدرب معذور حقيقة انت شف دكة الهلال وتعرف ان الدكة خاوية الوحيد الي ادى الفرج بينما بقية اللاعبين باستثناء كواك وديجاو وشراحيلي الحارس نايمين الاضهرة للاسف لايليقون ابدا بمستوى الهلال وبالذات الزوري كل ما جته كورة ينتضر الين يجي الفرج ويممره له عشان يرفع لابد من اعادة الشهراني لليسار وجلب ظهير ايمن (حسن معاذ او برناوي لاعب الفيصلي او احدلاعبي الاولمبي ) وركن الزوري ولابد من جلب صانع لعب حقيقي وكلنا شفنا لما نزل الشلهوب كيف تغير اللعب واصبح العب يميل لكفة الهلال |
لنتفائل بالقادم وكلنا ثقة بالرئيس الجديد متى مالقي الدعم المالي. الكل واكاد اجزم انه حتى المبتدئين في كرة القادم يرون حاجة الهلال الى مهاجم صندوق هداف قوي من طراز جيان او السومه وايضا صانع لعب حقيقي وخاصة بعد الكشف عن رغبة تياقو الرحيل .وهو خسارة كبيره. اهم شي قلوب الدفاع خط احمر. |
يا اخوي اي كعبي واي شلهوب بارك الله فيك ولا مباراة بيروزي غرتك الشلهوب هذا وقته لما نزل بعد الهدف واظن لو ماسجل هدف النصر ماكان رح يلعب وبعدين تقول السالم ما يستحق يكون بالهلال انت الحين لاقي مهاجم بالسعوديه يبرد قلبك كلهم دجات وبالمزاج والشمراني باخر المباريات وجوده زي عدمه مريح دفاعات النصر طول المباراه مو قادر يفتح مساحات ولا قادر يتمركز صح ولا يناول كل لعبه فردي الهلال الموسم الجاي يحتاج تغيرات جذريه بمراكز مهمه ورانا اسيا واسيا تبغى رجال اقويا جلاميد وخاصه الظهير الايمن الي صار جناح وهو الشهراني ضعيف ضعيف جدا بالجسم والاوفرات وتوزيع كرات التماس حتى لما يدخل منطقة الجزاء وتوصله الكوره يرتبك ايش يسوي فيها عكس الزوري بس خذ منه قطع كرات غير كذا مايصنعلك الفرق ونبغى محور بديل كريري بالدكه واقربهم باجندوح الرجل ضايع مع الاتحاد اقلها يجينا ومنها يكسبنا ونكسبه ومحترفين مهاجم وصانع لعب بمستويات خياليه لو يصحلكم كرستيانو وميسي جيبوهم |
اولا : الحمد لله ربي استجاب دعانا وانا لي سنتين ورا بعض اخص بلدعاء يارب الهلال ياخذ اسيا وكاس الملك لاني متفائل اذا خذوا كاس الملك بياخذون اسيا بعون الله ثانيا: مبروك للجميع ثالثا: سبقتني ياخوي في كتابه هلموضوع لانه فعلا مهم ليت الاداره تنظر اننا مهزومين و تاخذ بعين الاعتبار اللي صار بلمباراه نقص واضح في خط الهجوم لا سالم ولا ناصر ينفعون ... ناصر يبيله يقعد بلدكه شوي لجل يحس ان الدلال ماله مكان نواف العابد مدري اشسالفته البارحه !!! هل هو داخل يتمشى ولا يستعرض بالملعب ابد ماهو هو ولا حد يقول مو بمستواه لا العابد البارحه كان داخل مستهتر انا مازالت اتمنى من الاداره النظر بجديه في موضوع المدرب ليت يشوفون غير دونيس صح غير من هويه الهلال الاخيره لكن مو هو اللي راح يرجع وهج الهلال وعنفوانه اتمنى من الاداره بعد احتفالهم ويا اللاعبين و الجهاز الفني 1-مناقشة كل شخص مستهتر بهلكيان على حدا و ان يكون في حزم مع كل مستهتر.... 2- من الان العمل على تخليص الصفقات سواء محليه ولا اجنبيه 3- الرجوع الى الالومبي و تصعيد الموهوبين اخيرا اللهم لك الحمد على الفوز ويارب اسيا هلسنه للهلال |
أغلب الأخوان يأيدون كلامك الآن خلاص مافيه عذر الرئيس وموجود والوقت كبير المطلوب من المدرب يركز ويشتغل ع الفريق اللي يستاهل يجلس بيثبت نفسه واللي جاي يلعب ويتلكع بره مالك مكان وبعدها لكل حادث حديث نشوف الخلل هو في اللاعبين ولا في المدرب مع إني أشوف إن الإدارة محتاجة شوية حزم مع اللاعبين |
أرى استمرار المدرب سنة واحدة فقط من أجل استقرار الفريق ولرغبة اللاعبين البحث عن مدرب بديل خلال السنة باريحية ووقت مناسب التعاقد مع صانع ألعاب مميز من طينة التايب ومهاجم هداف |
وين يالحبيب دخل يوسف وشفناه افضل بكثير جدا من ناصر السالم يتحرك و يجيب له فرص عكس ناصر |
انا كنت اتمنى الشلهوب يشارك من البدايه فعلا غير في الهلال المدرب تاخر في التغييرات والحمدلله على الكاس واضح على اللاعبين الارهاق |
برأيي ان السالم قدم كستوى افضل من ناصر وكانت له كرتين او ثلاث خطيرة عكس الشمراني اللي اصبح يعتمد على اسمه فقط العابد قدم اسوأ مباراة له في الموسم وحسنته الوحيده تنفيذ الترجيحية واستغرب ابقاء المدرب عليه رغم وجود درويش او الكعبي او عزوز او الشلهوب ان لزم الامر الزوري والشهراني قتلوا هجمات الهلال بعرضياتهم الغريبة نيفيز رغم موسمه السيء قدم مباراة كان فيها الاجمل بصراحة وشال الوسط اللي كان فيه العابد سيء والفرج مشتت مبروك للزعماء والله مباراة غريبة كنا الافضل والاقدر على التسجيل وكدنا نخسرها بهدف لولا توفيق الله لنعود في وقت كان النصراويون على وشك الاحتفال الحمد لله كما ينبغي لجلال وجهه وعظيم سلطانه |
فيصل درويش كان بإمكانه يكون في خانة سالم الدوسري لاعب يفكر بعقل ويلعب بروية بدل لاعبي السرعة والمجهود بدون نتيجة الفرج هذا اللاعب ظلم بتكليفه بمهام دفاعية أمثاله وسط متقدم وقريب من منطقة الخصم نتمنى تصعيد لاعبي الأولمبي لدينا لاعبين اثنين في مركز المحور ينقصنا فقط مهاجم وصانع لعب مميز ولو نستغني عن مدافع واحد ممكن نضيف لاعب وسط أجنبي |
| الوقت المعتمد في المنتدى بتوقيت جرينتش +3.
الوقت الان » 07:51 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd