|
اخوكم الهلالي من الامارات جاي لحضور النهائي - خاطري احصل تذكرة وبدفع ثمنها طبعا السلام عليكم اخوكم محمد من الامارات هلالي حتي النخاع احب احضر مباريات الهلال ومعزم احضر النهائي ضد الاتحاد لكن ودي احصل تذكرة منصة وطبعا بدفع ثمنها هذا طلبي الوحيد واتمنى لكم التوفيق |
خلاص الاتحاد طلع ، راح نلعب ضد النصر وبخصوص التذكره بسيط امرها ان شاء الله |
اهلا بك بابلدك الثاني وابشر بالتذكره |
الله يعطيكم العافية وبالتوفيق للزعيم الملكي |
يامرحبا هلا وغلا بك أنت وأهل الإمارات كلهم بالنسبة للتذكرة يعلم الله لو إني من أهل جدة أبشر بها لكن اخوانا مايقصرون بالتوفيق للزعيم الملكي |
اهلا بك وانا بجده وباذن الله سأحضر المباراه وابشر بالتذكره ان احببت تواصل معي اول ماينزل بيعها احجزها لك |
ياهلا بك ان شاء الله الاخوان يفيدونك |
إقتباس:
الله يسهلك يازعيم ويكون وجهك خير ع الزعيم يارب يعطيك العافية |
اخي الغالي اكرر...وحتى لاتتخربط مع كذا شخص تواصل معي وابشر بعزك بس اخاف تذاكر المنصه تكون لاداره النادي توزعها بطريقتها كالعاده في هذه المناسبات |
انا من جدة و ابشر باللي يرضيك بس انت اصمل و اعطيني خبر |
وعليكم السلام والنعم فيك وحياك الله ببلدك الثاني بالنسبه للتذاكر تقدر تحجز اون لاين من موقع مكاني المباراه بتكون بجده بملعب الجوهره عشان تتاكد من امكانية سفرك او لا وبالتوفيق. |
انا متاكد انكم ما بتقصرون . انا حضرت كذا مباريات للهلال ودايما المباريات النهائية احصل صعوبة بالتذاكر . وبخصوص اللي يقدر يحصلي تذكرة وحدة فقط للمنصة انا بعطيه سعرها طبعا ما برضى اخذها بدون ما ادفع . ما اوصيكم اخواني اللي يقدر يكلمني ع الخاص وتسلمون اخواني ايضا احب اضيف احتمال يلعب الاهلي الاماراتي مع الهلال السعودي في بطولة اسيا فاذا صارت واي شخص حاب يحضر ان شاء الله ام بقصر معاه ^___^ |
والله لو ان النهائي بالرياض ابشر من عيوني ... اي مباره بالرياض تحب تحضرها ابشر ونتشرف بخدمتك يا زعيم ... شعب الامارات شعب زايد والله ومليار نعم يكفي اذا زرنا بلدهم ما نحس الا اننا بوسط اهلنا وكرم الضيافه والابتسامه الجميله لا خلا ولا عدم ... الله لا يحرمنا منكم .. اتمنى منك التواصل مع حقين التويتر وخصوصا اللي ساكنين بجده ما يقصرون .. بس ابقولك معلومه المباره اللي يحضرها الملك صعبه تلقى منصه لانها دعوات رسميه .. تحياتي لك يالغالي .. |
أهلا وسهلا بك بين إخوانك في السعودية هلا فيكم ياعيال زايد أهل الكرم والشهامة والعزة والكرامة أحيي فيك حبك للهلال انا من أهل الرياض أمانة معك إذا مريت الرياض انك تتواصل معي أقل شي نقدمه لك نعزمك في دارنا الله يحييك ويحيي نباك |
الله يعطيكم العافية وبالتوفيق للزعيم الملكي |
| الوقت المعتمد في المنتدى بتوقيت جرينتش +3.
الوقت الان » 02:38 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd