اخوي للهلال مجنون تشكيلتك يبي لها 15 لاعب ...

صح كلامك و الدليل على قوة الدفاع ان اقل فريق دخل فيه اهداف بالدوري هو الهلال

و طول الموسم ما دخل اكثر من هدفين في مباراة وحدة بكل البطولات و معظم الاهداف بلنتيات

اتمنى يجيبون صانع لعب مهاري و يشوت فاولات و مهاجم ما يرحم مثل جيان حق العين

يكفينا لاعب أجنبي واحد في الدفاع ليش المبالغة في الدفاع على حساب الهجوم
شوفوا الأهلي لولا الله ثم السومة كان شفته يصارع على البقاء مع الرائد والعروبة

راحت ايامك يا مدرسة الهلال وتخريج النجوم بجيمع المراكز اقسم بالله لو يتم تخريج لعيبة هجوميين وسد الدفاع بلعيبة اجانب اضمن لكم البطولات لخمس سنوات متتاليه معروف اللاعب السعودي مايحب شي اسمه دفاع لاحظوها باي مكان حواري نوادي احتراف دايما يفكر قدام وهو لانافع قدام ولا ورى وصدقت يا صاحب الموضوع الابقاء على كواك وديقاو وترى جحفلي له نكبات بس مغطيها كواك موظاهره بخطة 3-6-1 اتمنى الغاء خطة 4-4-2 او 4-5-1 من قاموس الهلال نهائيا فهذا المدرب جعلنا نستفيد من لعيبة الاظهره هجوميا ودفاعيا بشكل فعال واغلاق المساحات بشكل ذكي وبقاء المدرب ايضا من الالويات الاولى للفريق اذا كانت تريد الاداره صنع فريق لا يقهر الا بارادت الله

الفريق يحتاج صانع لعب و مهاجم بدلا من سماراس ونيفيز اما الدفاع اتمنى عدم الاقتراب منه
اما المحور فيجب البحث عن لاعب محلي

الوضع اصبح صعب وليس كالسابق الشلهوب خلاص اعلن انه سيعتزل بتاريخه المشرق 24 بطوله نهايه الموسم الحالي ونيفيز يبدو انه راحل للعرض الكبير المقدم له ونتيجه تدمير ابن مساعد لسنوات للنادي واهماله للاولمبي واستقطاب اسؤ المحليين لم ننعم بلاعبين محليين في خانات مهمه مثل المحاور وصناع اللعب والان عليك ان تستغني عن كواك فالسن له احكامه مهما كان لن يفيدك امام لاعبين شرق اسيويين وفي في نص عمره ويجب ان نعطي الفرصه كامله لجحفلي فهو يتميز بانقضاضه السريع على المهاجم مالم اجده في ايا مدافع للاسف من الاولمبي وكريري خلاص انتهى يعطيك شوط والثاني لا يمرر الا كورات طويله ولا يستطيع الركض وعليك بجلب محور دفاعي حقيقي وصانع لعب من طينه الكبار ومهاجم راس حربه مثل السومه والابقاء على ديقاو

أتمنى الإبقاء على ديقاو وكواك والتعاقد مع مهاجم اجنبي صريح والتعاقد مع محور الاتفاق كنو

أتمنى تغيير سامراس بمهاجم الأهلي السابق فيكتور سيموس او مهاجم الإمارات علي مبخوت وتغيير نيفيز ب لاعب الاتحاد ماركينهو

صراحة عندهم برود وتشتيتهم للكرات سئ وتابعوا اخر مباراة ضد بيروزي شلون يضربون الكورة برجل المهاجم وترتد من ورآهم ،، واتمنى اذا ماتقدر الادارة تجيب افضل منهم تبقيهم ،،

نبي مهااااااااااجم وصانع لعب أجانب عليهم الكلام والا بلا

ونبي محاور سعوديييييين

وبسسس