|
قريباً شيلة في الهلال ونجومه.. السلام عليكم ورحمة الله وبركاته: بالتوفيق للزعيم في مباراته غداً مع بيروزي الايراني في " الدرة " وهي مباراة الثأر والتأهل بإذن الله لدور الثمانية. وكذلك مباراته الأحد القادم مع شقيقه الإتحاد في كأس الملك في الرياض وبإذن الله بعدها للنهائي لننتظر الفائز من النصر والتعاون . المهم عندي أبيات كتبتها في الزعيم ونجومه وراح تكون بإذن الله شيلة لأحد المنشدين المبدعين وسيكون أول نشر لها في هذا الموقع بإذن الله. يشرفني أن اهدي لكم جزء بسيط من هذه الأبيات:- هذا الزعيم اللي رقا للمجد واحتل الفضا إن رضا به خصم ولا عمر عمره مارضا يشهد التاريخ باللي صار واللي قد مضا لو يقال الصدق نصف الكون لازم يشهدون هو زعيماً لاسيا من طولها لا عرضها كم بطوله جابها قدم الفرق في أرضها ما ترّشح من مكاتب واقترض من قرضها ياهلال المجد غيرك في النهاية يتعبون لو يفوز البعض بالدعم المسمى بالرباعي ولو يساند بالخماسي والسداسي والسباعي ماوصل مجد الزعيم ولا لا لا لن يطاعي البطل يبقى بطل والزيف واهله يذهبوووون والتكملة في الشيلة بإذن الله تقبلوا تحياتي وتقديري ،،، |
ياليت يتم تأجيل هالشيلات والاحتفالات حتى يتحقق الأهم وهي البطولات ، بالفترة الأخيرة انشغل اللاعبين بمواقع التواصل الاجتماعي والانتقادات وتركوا الأهم داخل الميدان . |
مافهمت قصدك بكلمة ( شيله ) !! هل تقصد الطرحه اللي يلبسونها الحريم ؟؟ وبعدين شيلاتك ذي ياليت تكتبها في قناة الساحة واكتب بعدها ( كنترول كرر بليز ) انا مادري ليش ادارة المنتدى ما تخصص قسم للشيلات والقصايد المخيسه والتصاميم البائسة بدال ما نشوفها بقسم منتدى الجمهور الهلالي !! |
& والله الزعيم يستاهل & بكره لازم نثبت للجميع ان جمهور الزعيم هو اكبر واكثر جمهور . اذا كانك هلالي وتبي الهلال يفوز ( تعال للملعب ) واترك المنتزه والديوانيه والشيشه والمعسل واماكن تجمع الشباب ضح بهالليله عشان خاطر الزعيم . الهلال يمر في اسوأ حالاته في العشر السنوات الاخيره هاذا اكثر وقت فريقك محتاجك فيه ضحي بساعتين او ثلاث من وقتك وتعال للملعب ( والله الزعيم يستاهل ) اذا تأهل الزعيم للمراحل الجايه اكيد كثير بيترشحون للرئاسة واذا خسر راح نبقى على الحمداني . انشر هالرساله في كل مكان هلالي او يتواجد فيه جمهور الزعيم |
إقتباس:
ياعزيزي ماله دخل لما انا كمشجع افرح بالزعيم واذكر امجاده حتى لو لم يحقق الزعيم شيئا هذا العام وبين تواجد بعض لاعبي الهلال في وسائل التواصل وانتشار مقاطع لهم تكون عكسية ع مسيرتهم واللاعبين لهم المبدان ونحن نؤازرهم بكل قدراتنا من تشجع ومن كتا واعلاميين وشعراء وغيرهم نكون يداً واحده |
إقتباس:
عموماً: شف رابح صقر مضبط شيلة عنوانها (شمس العالمي) وعنوانها الاخر (هيا تعال) يؤازر فيها النصر ويشجعه! ويسخر بطريقه غير مباشره من الهلال وناصر الشمراني واعتقد اني كمشجع هلالي لي الحرية التامه في تشجيع الزعيم بالطريقة التي اجيدها وليس مايجيدها غيري! والقنوات الشعبية اجد في بعضها أمور تفيد اكثر من بعض القنوات ال.... والتي ربما يهيم بها البعض وتؤثر على اسلوبه. ولقراء موضوعي (الكرام) كل تقدير ومحبة❤️ |
صح لسانك وبيض الله وجهك ،، وان شاءالله نراها قريبا وتكون شيله تليق بإسم نادي الهلال |
إقتباس:
شكرا لكلماتك التحفيزية يالغالي |
| الوقت المعتمد في المنتدى بتوقيت جرينتش +3.
الوقت الان » 10:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd