وش الي شفناه ياجماعه

اكيد هذا خيال الهلال ، مستحيل يكون حقيقة

فريق مغرور وىعبين مغرورين (ما عدا الثنيان والشريدة والدعيع)
والله لو اجيب فريق حواري لقم الهلال اقل شئ 4صفر

والله قهر ان التصفيات هذي محسوبة على نادي الهلال

الكاتو وما ادراك ما الكاتو
لاعب فنان وهداف
بس اليوم غبي وغبي جدا لا هو ولا ذا القلادة الي حاطة على رقبته جعلها تنشال من راسه
الحين الفريق مهزوم اقل شئ ابحث عن التعادل
واضعف الايمان الصورة المشرفة لنادي الهلال
اما اني ابدى اضرب يمين ويسار ما يصير
ولا الي قاهرني انه ما يناظر الكورة جالس يناظر الاعب ويوقت الضربة الي نقلته على الاسعاف ، يايتهم خلو الايرانين يتقاضون منه عشان يعرف ان الله حق

اما الجمعان
حشفا وسؤ كيلا
من زين العب ومعي تطلع ، اذا قلنا لكم ان الادارة مهمه عشان تضبط امثال ذا الخوال
وصدق من قال لاتشتري العبد الا والعصى معه ان العبيد انجاس مناكيدو (وكلنا عبيد لله
لا شوت زين ولا تسليم زين ولا حتى الشكل ولا التاريخ ولا الاخلاق
والله لو لي سلطة في الهلال كان اوقفه الين نهايت الموسم

اما نواف التمياط وش اقول وش اقول
والله ما عرف له الا بلاتشي ينطله في الاحتياط الين يبقى ربع ساعة وينزله يحترق حريقه جو الملعب ، اما الي شفناه اليوم لاعب عفوا عارض ازياء يتمشى في الملعب ويكسر يعنني شديد ، بس من جد عرفوا من يختارون الايطالين عشان يعرضون ملابسهم ومنتجاتهم

هذا كله كوم والمدرب الحلو الكوم
يعني لازم يصير الي صار عشان تعرف انك غلطان
اول شئ صح سامي ما كان في الفورمة بس الجمعان مو بس مو في الفورمة لا كان يفكر اظهار ..... ويروح يطلع سامي ويخلي الجمعان!!!!!!!!!!!!
بعدين على اي اساس تلعب 3/5/2
لعبوا فينا في الجهه اليسار الا ما دخنا ، وش ذا الكلام يا ام ان ذا المدرب يعقل يا ان الهلال وجماهيره مو وقف على مدرب مغمور مثله

اما رئيس البعثة فعلا زي ما قال الجماز في مقالته انه اظهار يفهم في الاستقدام للشغالات اكثر من فهمه في شئ اسمه كورة قدم

اما الظروف الثانية من حكم واتحاد اسيوي وغيره ما تغفر للعيبة الهلال الي صار اليوم
ولازم بكرة نسمع قرارت ليست متسرعه ولكن زي ما فيه عقاب وفلوس اذا فازو يكون فيه عقاب اذا تساهلوا واخفقوا وبالذات ان بالامكان يصير احسن مما كان
ولله الحمد في المركز الواحد فيه اكثر من لاعب وبنفس المستوى
فيا صاحب السمو الملكي تركي بن سعود اما انك تكون قدها وتتخذ القرارات الصحيحة او انك تترك المجال لغيرك
واعتقد انه المفروض تستفيد من غلطة الامير بندر بن محمد لما دلع العيبه واعطاهم راحته انت وانا والجمهور عارفين وش سوو
ولما شد عليهم ووراهم العين الحمرا مشوا على العجين ما يلخبطونه
احنا ما ودنا نقسى على لاعيبتنا بس للاسف ان هذا الاسلوب الوحيد الي يمشي معهم

والله من جدالواحد ينقهر يشوف ابو 37 سنة يراكض في الملعب ومتحمس وابو 22 سنة يتمخطر ويتمشى ولا كن فيه ناس محروقة دمهم مو لشئ ولا لغرض مادي لا كل هذا لاننا نحب ونعشق الزعيم ونغار عليه اكثر من انفسنا

فاما انهم يتعدلون ويصيرون رجال زي ما خبرناهم
او انه زي ما طلع الهلال سامي ونواف والدوخي ووووو يقدر باذن الله يطلع غيرهم


والله ياجماعة الخير ان الكلام هذا طالع من جو جو جوا قلبي والله ان الدموع غطت عيني على هذا الخروج المحزن ومن مين من نجوم الهلال

ارجوكم لاتواخذوني على غيرتي
وسامحونا اذا انا غلطت اواني زليت

ولكم كلكم كل الحب والاحترام
والسلام عليكم ورحمة الله وبركاته