|
الهلال يحتاج لاعب مشاغب في الهجوم مثل الراهب في الفقر ويحتاج مهاجم اجنبي مميز هداف ويحتاج وسط اجنبي مميز اذا رحل نيفيز او الإبقاء على نيفيز ويحتاج وسط ايمن اجنبي مميز يفكنا من سالم الدوسري ويتم الاستغناء عن ديجاو او كواك |
اقسم بالله انه جاني الضغط والسكر من المباراة اليوم ابي اشوف لعب رجولي مافيه روح الفوز |
سمها سدني 2 إذا صارت مباراة كاس هدف صحيح ملغي ومجاملة لبيروزي وأخطائهم وتحامل على لاعبي الهلال تسبب بطرد لاعب لايستحق الطرد لو تقارنها بسيدني بتكون أسوأ من سيدني ومع ذلك أنا متأكد بإذن الله إن الرد الهلالي في الرياض بيكون قوي والهلال بيفوز |
إقتباس:
|
الفريق يلعب بدون مهاجم والبركه في الاداره جابوا سماراس الكوره اخطا وهي غلطة الشهراني قبل ديقاو والجاي احلى |
هذي الواسطة وما تفعل وللي في الادارة ترى ما همها |
الفريق لايوجد فيه لعب جدي من الثنائي العابد وسالم يعني ولاكورة لزميلهم راس الحربة كأنه مو معهم يلعبون لحالهم للأسف العابد وسالم تفكير حواري |
والله من الدجة كم هجمة اضعناها بغض النظر عالتحكيم وفي الاخير هدف بيروزي هدية من لاعبينا !!! ابد ذولا رمم مو لاعبين |
هاردلك العموم الحمدلله على كل حال قدمنا مستوى جميل المطلوب حاجتين فقط الاولى تجديد عقدالمدرب دونيس الثانيه هجوم أجنبي مايرحم يسجل من أنصاف الفرص ملاحظه هامه تبغى البطولات الاسيويه والمحليه جيب هجوم أجنبي صح عليه الكلام والله ماعاد فيه مهاجم سعودي نجم وبعدها بأذن الله البطولات من نصيبنا وأنا أراهن على كلامي وفالكم التوفيق ان شاء الله |
حنا نقول الفريق قدم كل شي بس الناتج ولا شي هذا من السنه الماضيه مع سدني افهم نبي اهداف ما نبي مستوي خل المستوي لك ولأشكالك نبي فووووروز يا بشرررر لاعبين موووو كفوووووو |
المفروض الفريق الان ينسى المباراة المباراة انتهت التركيز يفترض ع المباراة الجاية وان شاء الله النتيجة هلالية |
يا جماعة الخير هدوا الوضع ،، كل ما تعثر الزعيم جبتوا القاصي والداني ، يا ليت تخلون النقد هادف ويخص اللاعبين ،، واللي قاعد يسب باللاعبين ويقول جهله ومدري ايش ، لا تنسى أنهم نفس اللاعبين اللي وصلوا للمباراة النهائية بالنسخه الماضيه ،، نتيجة المباراة الطبيعيه تعادل بهدف لكل الفريقين ، لكن قدر الله وما شاء فعل ،، الزعيم يلعب تحت ظروف الكل يعرفها ، وبدون أبرز لاعبيه ، انتهى شوط وبقى شوط آخر ،، بإذن الله نجوم اللاعبين قادرون على الظفر بالمباراة والتأهل لـ دور الـ 8 ،، دمتم بخير .. |
إقتباس:
للاعبين الهلال قدموا مباراة كبيرة لعب وتكتيك وخلق للفرص بس المباراة ليست مكتوبة للهلال ومباراة الريال واليوفي خير دليل هجوم وفرص ضايعة بالجملة وكورةًثابتة بهدف يوصل اليوفي الى النهائي ... هذه كورة قدم ويجب تتقبل كل النتائج |
الاستحواذ والاستعراض والمستوى مايوكل عيش جيب اهداف باي طريق لو بتمثيل على الحكم لو بيدك لو تروح فيها ركبتك ليش الخوف !!! ليه بعض الاعبين جبان حتى مايقدر يتداخل على لاعب !! شي ينقص الهلال القتاليه على تسجل هدف انعدمت.. |
أرى البعض يقول إن الفريق قدم مستوى جيد !!! المستوى الجيد اذا لم يكلل ويتوج بأهداف فلا معنى له ولا يعطيك بطولة في عام 2012 في نصف نهائي أبطال اوروبا مارس برشلونة الاسباني أعتى وأقوى وابشع بل وأشهر الاستحواذ الكروي ضد فريق تشيلسي الإنجليزي وجعل فريق تشيلسي يتقوقع ليس في منتصف ملعبه بل في منطقة جزاءة حتى عرفت طريقة تشيلسي تلك بخطة الباص وفي النهاية يفوز تشيلسي انا أتيت بهذا المثال من أوروبا لكي أثبت أن الاستحواذ والسيطرة على اللعب لاتعني بالمرة أن الفريق سيفوز أو يتأهل لانذهب بعيدا وسترن سدني لم يقدم مايشفع له في النهاءي الماضي وفاز وماأشبه الليلة بالبارحة سدني وبيروزي نفس الشي وكلاهما يهزم الهلال اذا لم تسجل وتفز بالمباراة فلا يساوي اداءك شي بل ولن يذكره أحد بل سيقال خسر ذلك الغريق الهلال يحتاج إلى غربلة في جميع الخطوط نحتاج ظهير أيمن عصري نحتاج محور مميز كريري جيد لكن تقدم به السن نحتاج صانع لعب من طراز رفيع المستوى مثل عموري نحتاج رأس حربة يسجل من أنصاف الفرص سماراس ليس هو من يملأ الخانة ليس رأس حربة اصلا هو جناح الشمراني موقوف واذا لعب أحيانا يكون معصب ومتقلب المزاج الثلاثي الشهراني والعابد وسالم الدوسري يحتاون إلى قرصة إذن يحتاجون إلى توجيه وتدريب على كيفية التعامل مع الآخرين يحتاجون إلى دروس في التمرير وكيفية التعامل مع الفريق بشكل إيجابي آسف للاطاله |
| الوقت المعتمد في المنتدى بتوقيت جرينتش +3.
الوقت الان » 12:41 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd