السلام عليكم ورحمة الله وبركاته

اولا هاردلك على الخسارة المؤلمه امس وباذن الله ينفجر الهلال في الرياض ونفووز ونتاهل باذن الله

قبل ما ابدأ بموضوعي احب اتكلم عن مباراة امس اللي كان فيها الهلال افضل وهذا دليل ان الفريق الايراني مايعتبر من الاندية القوويه

التحكيم كالعادة في ايران يميل مع صاحب الارض وهذا دليل ان الحكام يواجهوون ضغوطات في ايران

رغم ان التحكيم ظلم الهلال الا اني ارى ان من هزم الهلال امس هم بعض لاعبين الهلال وعلى رأسهم العابد
وسالم الدوسري .!!

موضوعي يازعماء هو عبارة عن تساءل من غير ثقافة الهلاليين في مواجهة اي خسارة ؟؟

قبل فترة قريبة وتحديدا ايام كان الهلال يقدم مستووى مميز ويحقق بطولات ماكنا نعترف بالمؤامرات والتحكيم والرشاوي رغم ان الهلال كان يتهم بذلك .!!!

فجأه صرنا امام اي تعثر نرمي كل اخطاءنا على جهة واحده وهي التحكيم ..!!

نسينا ان بعض لاعبين الهلال حررام فيهم الشعار اللي يلبسوونه نسينا الاخطاء الاداريه والفنيه وصار شغلنا الشاغل هو التحكيم

انا ما انفي ان التحكيم ظلم الهلال باخطاءه في كثير من المباريات ومباراة امس اقرب مثال

لكن يجب علينا كهلاليين اننا نتوازن في ردة الفعل

الجمهوور يتحمل جزء من المسؤولية واللاعبين والادارة والمدرب لذلك اذا جينا ننتقد يجب ان ننتقد انفسنا قبل التحكيم


عندي سؤالين اتمنى من المشاركين في موضوعي الاجابه عليها :
اولا : من المتسبب في خسارة الهلال امس (غير التحكيم ) ؟
ثانيا : من برأيكم تسبب في تغيير ثقافتنا كجمهوور هلالي وصرفنا الى نظرية المؤامرات هل هو الاعلام او غيره ؟

اخيرا اتمنى ان موضوعي نال اعجابكم والله يوفق هلالنا دائما وابدا

وصلى الله وسلم وبارك على نبينا محمد

عليكم السلام ورحمة الله وبركاته
الحمدلله على كل حال
عناصر الفريق واضحة ومو معقول القائمين على الهلال مايشوفون إنهم محتاجين تعديل وتبديل بل ومتابعة وعقاب

1. المتسبب في خسارة الهلال هو ضياع الكم الهائل من الفرص التي تحصلنا عليها
لو سجلنا نصفها لكنا الآن نبارك لبعضنا بالفوز لكن قدّر الله وماشاء فعل

2. المتسبب بتغيير ثقافتنا هو الإعلام بشكل أساسي وبالتفصيل نقول بعض الكتاب وأصحاب البرامج يوجهون الانتقاد ويوجهون الحديث نحو محور معين والبعض وقد أكون أنا منهم يتأثر بطرحهم وينسجم معهم ويبدأ في نفسه يتقبل جزء من الفكرة ومع الوقت يزيد تقبله حتى يصبح رأيه الخاص يطرحه ويصرّ عليه
شكراً لك

من غيرها هو ابن مساعد وعصابته
الهلال يحتاج لضربات لكي يغير جلده من المنهزم والفاشل
أصبح ينافس ممدوح بن عبدالرحمن!
الهلال بحاجة الى غربلة الموسم المقبل مع اجانب سوبر ستار

نواف العابد لعب مباراة كبيرة بالامس وكان هو نجم الفريق من المجحف اننا نسلب مجهوده ونضعه في قائمة اللاعبين المتخاذلين في مباراة بيروزي

إقتباس الرسالة الأصلية كتبت بواسطة الكاتب الهمام من غيرها هو ابن مساعد وعصابته الهلال يحتاج لضربات لكي يغير جلده من المنهزم والفاشل أصبح ينافس ممدوح بن عبدالرحمن! الهلال بحاجة الى غربلة الموسم المقبل مع اجانب سوبر ستار

اقبل منك انك تحمل الامير عبدالرحمن بن مساعد المسؤولية واتفق معك في انه يتحمل مع ادارته ضياع الهلال لكن تصفه وبعض اعضاء الشرف بانهم عصابه ما اسمح لك .. ابو فيصل قبل مايكوون رئيس سابق تراه محب للهلال وداعم حتى قبل رئاسته ولاتنسى الانجازات اللي حققها لذلك مهما كانت اخطاءه مانصفه بهذا الوصف

خسارة امس سببها اولا الحكم ثانيا تضييع الاعبين للفرص ثالثا وقوف المدرب موقف المتفرج وهو يشاهد السالم بلا فائدة وكاننا ناقصين لاعب لو تم استبداله بكعبي كان قدم افضل منه

اما بالنسبة للمؤامرة هي فعلا موجوده ليش ننكرها صحيح كنا نفوز ع الخصم والتحكيم لكن ما كان التحكيم بهالتقصد الفاضح وكانهم يقولون اعلى مافي خيلكم اركبوه

الهلال بحاجة رئيس يجي وينتشله من الجرف اللي اوصله اليه الرئيس السابق وان شاءالله ربي يرزقنا برئيس مقتدر فكريا وماليا الفكر اهم من المال ويكون ذو شخصيه قوية

المثاليه بهالعفن الرياضي الحالي ما توكلك عيش والسكوت عن حقوق النادي هذي نتائجها ضياع لبطولات مستحقه وعلى عينك يا تاجر

بالتوفيق للزعيم في مباراة الرد

يعطيك العافية

أول من يتحمل خسارة الهلال هو إدارته السابقه
تغير الثقافه بالتأكيد الشماتة بتخلف جماهير الجار

إقتباس الرسالة الأصلية كتبت بواسطة هلاليه زي القمر خسارة امس سببها اولا الحكم ثانيا تضييع الاعبين للفرص ثالثا وقوف المدرب موقف المتفرج وهو يشاهد السالم بلا فائدة وكاننا ناقصين لاعب لو تم استبداله بكعبي كان قدم افضل منه اما بالنسبة للمؤامرة هي فعلا موجوده ليش ننكرها صحيح كنا نفوز ع الخصم والتحكيم لكن ما كان التحكيم بهالتقصد الفاضح وكانهم يقولون اعلى مافي خيلكم اركبوه الهلال بحاجة رئيس يجي وينتشله من الجرف اللي اوصله اليه الرئيس السابق وان شاءالله ربي يرزقنا برئيس مقتدر فكريا وماليا الفكر اهم من المال ويكون ذو شخصيه قوية المثاليه بهالعفن الرياضي الحالي ما توكلك عيش والسكوت عن حقوق النادي هذي نتائجها ضياع لبطولات مستحقه وعلى عينك يا تاجر بالتوفيق للزعيم في مباراة الرد يعطيك العافية

أتفق معك بتحميل الحكم جزء من الخسارة لكن ليس السبب الأول
لو تمكنا من الاستفادة من الفرص لن يكون التحكيم بذاك التاثير

إقتباس الرسالة الأصلية كتبت بواسطة %أبــن الـزعـيـم% احب اوضح نقطه اني ما اختلف مع اللي قالوا ان التحكيم نحر الهلال امس قدام بيروزي لكن كان الاولى من بعض الهلاليين انه يتكلم عن مشاكل الهلال قبل مايتكلم عن التحكيم الهلال يعاني من بعض اللاعبين ومن سوء الاجانب وهذي حقيقه ماحد يقدر ينكرها

وحنا متفقين معاك الاعبين ضيعوا فرص ماتضيع بالذات اللي شتتها الدوسري لفوق المرمى هذي تجيك جلطه اذا شفتها بالاعاده لكنها مكتوبه سبحان الله

وكل هذا نتاج الادارة السابقة محد حازم عليهم ويعلمهم قدر الشعار اللي لابسينه وانهم راح يتحاسبون على هالاستهتار وسط الملعب

الاعبين الاجانب كنا نقول ديقاو العين المفتحه احبطنا في مبارتين حاليا ماتقدر تغير شي اطلاقا عسى يجي رئيس ويرتب اوراق الفريق من جديد الاهم يفكونا من اجانب الدفاع

ويتم التعاقد مع ثلاثي مميز في الشق الهجومي صانع لعب وجناح ومهاجم غير كذا كلام فاضي محنا ناقصين مزاجية الدوسري والعابد

يعطيك العافية

كتبت موضوعا بعد الخسارة من بيروزي..ولا مانع من التحدث مرة اخرى عن المباراة..
لازلت عن راءيي واللذي كتبته بموضوعي..ان الادارة السابقه تتحمل الجزء الاكبر مما يحدث للهلال حاليا وبمباراة بيروزي خصوصا..
بمبارة بيروزي المدرب عشرة على عشرة..صنع للفريق عدة فرص محققه ضاعت برعونه من اللاعبين وليس من المدرب..بنفس الوقت بيروزي تائه بفعل التكتيك الرائع للمدرب..
لم يكن ينقصنا سوى هداف وراس حربة صريح..فقط..الادارة تعلم ان هداف الفريق موقوف والمهاجم الثاني مصاب ورغم ذلك تتعاقد مع مهاجم يوناني مركزه على طرف ومهاجم ثان!!...وفوق ذلك مصاب ومقلب!!...اي فكر تملكه هذه الادارة..لم نكن في مباراة بيروزي نحتاج سوى راس حربه صريح سريع وهداف يمزق شباك بيروزي بعدة اهداف عطفا على كم الفرص اللتي حصلت..

إقتباس الرسالة الأصلية كتبت بواسطة تررركي2007 كتبت موضوعا بعد الخسارة من بيروزي..ولا مانع من التحدث مرة اخرى عن المباراة.. لازلت عن راءيي واللذي كتبته بموضوعي..ان الادارة السابقه تتحمل الجزء الاكبر مما يحدث للهلال حاليا وبمباراة بيروزي خصوصا.. بمبارة بيروزي المدرب عشرة على عشرة..صنع للفريق عدة فرص محققه ضاعت برعونه من اللاعبين وليس من المدرب..بنفس الوقت بيروزي تائه بفعل التكتيك الرائع للمدرب.. لم يكن ينقصنا سوى هداف وراس حربة صريح..فقط..الادارة تعلم ان هداف الفريق موقوف والمهاجم الثاني مصاب ورغم ذلك تتعاقد مع مهاجم يوناني مركزه على طرف ومهاجم ثان!!...وفوق ذلك مصاب ومقلب!!...اي فكر تملكه هذه الادارة..لم نكن في مباراة بيروزي نحتاج سوى راس حربه صريح سريع وهداف يمزق شباك بيروزي بعدة اهداف عطفا على كم الفرص اللتي حصلت..

اتفق معك ان الادارة السابقه تتحمل مسؤولية خسارات الهلال ابتداءً من الموسم الماضي حتى الان