الى عبدالله الزوري مع التحيه
 

ا

الحين يعتبر افضل موسم له
والمشكلة يمدحونه !
على ايش ؟؟
صدق الدنيا أرزاق

من زمان وسبق وان قلت وانا عند رايي وهناك من ايديني وهناك من عارضني ياجماعة الخير الزوري انتهى لاعب متهالك نريد بديل له الفضا تنسيقة مع مجموعة امثال عبد العزيز الدوسري وغيرهم

خلال أربع سنوات ماضيه أكثر لاعب تسبب بضياع البطولات الهلاليه هو الزوري

ولعل نهائي آسيا وهدف المهاجم والذي كان بمرافقة وحفاوة الزوري أكبر دليل على ذلك

غلطة سامي الوحيده هي التجديد معه ... لاعب ما نفعك بالدفاع ولا بالهجوم

لاعب يضيع الفرص بشكل غير طبيعي وقد يكون أكثر لاعب تتهيأ له الفرص بالهلال

لاعب تتعب من بروده وكثرة أخطاءه المتكرره و سوء تغطيته وعدم رجوعه بشكل سريع

بعد الهجمه ... الواسطه لها دور كبير في بقاءه هو وأمثاله بالهلال ...

قلنا خلصونا منه وجيبو معاذ بس الإدارة مفلسه

طيب الهلال لا يوجد لديه ظهير ايمن من تسع مواسم لماذا ؟
السالم والمسلم والحمد والقرني والبيشي والشامخ والفضل والشمراني والشلهوب والسبيعي وكريري مستوياتهم اضعف من الزوري لم تمنح الفرصة لبدلائهم على الأقل الزوري بديله الشهراني مميز جدا باليسار ولكن ضعف الاداره سابقا جعله يقتل بالظهير الايمن
اتمنى اشراك البقعاوي ظهير ايمن وإعادة الشهراني لليسار وإشراك القحطاني او الشريد او الفرحان مع كريري بالمحور وإشراك كروم والسواط مع نفيز بصناعة اللعب والمنيع والبقعاوي مع ناصر بالهجوم حتى نهاية الموسم وبعدها لكل حادث حديث

الا قولوا لي الشمراني كم نهائي لعب مع الهلال والمنتخب ماافلح ومباراة النصر امس وش سوى ليته فقط يكون مزعج حتى لو مايسجل لكن ماينفع اطلاقا للهلال الا عندما نتقدم ينزل ليلعب على المرتدات

والله انكم نايمين
ما تحصلون لاعب مثل الزوري بالفترة هذي خصوصا
والله لاعب متمكن وثقيل
مو مشكلتة اذا التشكيلة اربكتة او تكتيتك المدرب خربطة
صحيح تغطيته بالأوفرات مشكلتة الاساسية لكن مو مهمته الرسمية
فيه قلوب دفاع
لكن كظهير والله لاعب كبير
وشي طبيعي اي لاعب ما راح يعطي بكل مباراة على نفس الرتم
وشنقول اجل بسالم وعزوز وناصر؟ وغيرهم النايمين .. وخصوصا سالم الدوسري اللي أكثر واحد يركض بالملعب ولا نستفيد منه
لاااا وأمس معصب بعد هو وخشتة


اقول اكبرو شوي واللي ما يعرف كورة .. ترانا نعرف كورة.. محنا بغشمان
باي

والله الزوري لاعب مالي خانته صحيح له عيوب بس ايجابيته اكثر من سلبياته وكل مالعب لاعب بديل له بصراحة لايملى خانته

الزوري لاعب جيد لكن أمس ماهو بمستواه

مشكلتنا ماهي في الزوري
مشكلتنا في سالم اللي اعتبر وجوده نقص

الزوري كويس سبب قوة الهلال الهجوميه من الجهه اليسرى قد يكون امس مو بمستواه وما هو لحاله كان في لاعبين مو بمستواهم
نيفيز - ناصر - ديقاو - الفرج - سالم
كانو مختفين ليه ما تنتقدهم ؟؟

اللي ابغى اوصله لك ان الزوري عنده امكانيات وجيد هجوميأ وبالنسبه للمباريات المهمه يختفي اختلف معاك في اسيا السنه اللي راحت كان له بصمه في اهداف كثيره ومستحيل الاعب عندنا يعطيك 5 مباريات متتاليه بمستوى ثابت لازم يكون في دروب في المستوى وامس اغلب الاعبين مو بمستواهم وهذا سبب الهزيمه.

لاعب بطئ والاوفر عنده يموت شوفوا الشهراني ماشاء الله عليه سريع هجومي ودفاعي وفي كم كوره خطيره تحصله يشيلها السرعه لها دور في عالم الكوره والزوري شوفوا كيف يركض بس

الزوري يعد مع قلة الافضل فالدوري بخانته , الزوري اداوره الهجومية اقوى وافضل من اداوره الدفاعيه عشان كذا اغلب الفرق تعده نقطة ضعف للهلال .

الزوري لاعب شتتني كثيراً - مرة يجعلني أمدحه ومرة لا ..

سبحان الله العظيم
يخطئ ديقاو
ويوضع اللوم على الزوري

الحل النهاااااائي . الشهراني يسار ودرويش يمين

وصل اللهم على محمد

لاعب اتكالي + ينكب الي جمبه + يحسب نفسه مرادونا لازم يقعد قدام + ضعيف دفاعيا
والي رفع لي ضغطي... يوم يلبسونه هو ونواف الكبتنيه... كنهم يقولون للباقين مستوى ضعيف + قله ادب تصير كبتن الهلال

غريب كلامك
عبدالله الزوري ممتاز دفاعيا
وفي مبارة النصر كانت جهته اقوى من جهت النصر وباعتراف المحليين
اللاعب من افضل اللاعبين في التكنيك حيث وضعه كومبواريه رقم 1 في المملكة
هو جيد جدا في استخلاص الكور
يمكن انت تقصد انه ليس هجومي بالدرجة الكافيه

اذا كان الابداع عندك ه وتسجيل الاهداف فقط فأنت واهم!!
عندما قلت (نشوفه يبدع امام الفرق المتوسطه والصغيره وبعدها نمجد ونمتدح
لكــ،ن بالمباريات المهمه ( يختــفي)

الباصات الخطأ مثل بقيه اللاعبين
لكن المعضله الاكبر نعم الاوفرات ليست متقنه دائما

لاعب ضامن مركزه بمستواه

ممكن كنت تشاهد مباراه ثانيه اخي الكريم
الزوري لاعب بمزاجيته وليس لديه الثقه المطلوبه
دفاعئيا لايغطي مركزه ولا يجيد سرعه التنقل ولا حتى الحاق بالخصم خصوصا حين الارتداد
شاهد اظهره الاهلي وشوف القتال والجديه في التخلص من الكور السهله

الزوري مشكلته انه هو يبغى يسجل القول اناني خاصة لالعب ياسر راس حربه لايمكن يصلح له

جمهور الهلال جمهور فوز فقط اذا خسر الفريق طلعو كل عيوب الاعبين


واذا فاز رفعو فيهم فووق السماء

قبل مباراة النصر الكل يمدح الزوري محللين اعلامين وجمهوور اوفرات صح ومستوا متميز

والمدرب يعتمد عليه بكل مبااراه


الفريق كله سيء بمباراة النصر لا تحط اللوم على لاعب

أقسم بالله العظيم إني وصلت لدرجه ما أتابع مباريات الهلال إذا قريت إسم الزوري بالتشكيله .!!

لا قالو لك الكوره أرزاق صدق .. كان سباح بنادي النهضه بالدمام فجأة أساسي بالهلال شلون مدري .. ؟

فيه برود عجيب .. بطيئ , ماينفع لا تغطية دفاعية ولا مسانده هجومية .. بس يتنفس بالملعب ويمشي .. لاعب تحس إنه ضامن مكانه بالقوة وفوق ذلك ماعنده شيء يقدمه نهائيا .. ضيع الكثير والكثير من المباريات والبطولات على الفريق ومع ذلك الزوري ثابت والبقية متحركون .. برز شافي الدوسري في فتره لكن أبعدوه .. نعاقدو مع يحيى الكعبي وقدم شيء أفضل من الزوري لكن أُبعد أيضآ .. لعب سلمان الفرج بالظهير الأيسر لكن في الأخير أبعدوه للمحور وثبتو الزوري .. تعاقدو مع ياسر الشهراني وقالو روح لليمين هذا مكان الزوري .!! برز عبدالله الشامخ هذا الموسم وقدم لمحه ليست بالطموح لكن أفضل مما يقدمه الزوري منذ قدومه للهلال لكن بالنهاية مصيره مثل اللي قبله ... صبرآ جميل و الله المستعان على هذا اللاعب ..

أشكرك على الموضوع وأتمنى تقبل رأيي من الجميع ..

لعب مع كل مدربين الهلال والمنتخب ويجي طل يقلل منه !!!

ياللي تنتقد الزوري هيا جيب واحد افضل منه يارجل روح اتعلم كوره لاعب خطوته طوبله ويشكل خطوره فقط فيه انانيه والا مامثله

الزوري مع دونيس مستواه مرتفع ولايوجد بديل له حاليا

اختصر لكم وضع الزوري لو لم يكن بنادي غير الهلال لما تم اختياره للمنتخب أصلاً

لأنه بالهلال لازم يختارونه حتى لو كان سيء ...