|
الهلال ليس بحاجة التمياط واليكم الدليل خلال العشرين سنه الماضية وانا اتابع الهلال ونجومه واحد واحد التمياط صحيح ان عنده مهارات وكنترول وتحكم جيد بالكرة ولكن ليس بذلك اللاعب المؤثر في الفريق بمعني ليس بذلك اللاعب الذي يشيل الفريق على قولتنا هناك لاعبين خاصة في خط الوسط يستطيع ان يكون فريق لوحده يصعب مجاراته مثل الثنيان اذا ترك حرا في نص الملعب ولم يقيد بمركز وكنا نذكر ابداعاته ولمساته وكوره البينة الخطيرة وهناك ايضا الهريفي كان يشكل خط وسط كامل لوحده في النصر وغيرهم الكثير والكثير اما التمياط فمع احترامي لشخصه الكريم واخلاقه العالية ولكن فنيا ليس بذلك اللاعب الذي يستحق كل هذه الهاله فهو كثير الغياب عن الهلال بسبب الاصابة وهذا قضاء الله وقدره ولا اعتراض عليه ولكنه اذا حضر نشاهد التحكم الجيد بالكورة والمرور من بين اللاعبين وبالاخير ماذا ؟؟؟؟ يسدد كرة من خارج المنطقة رغم انه سوف تجد اكثر من لاعب في حالة انفراد ولكن الانانية لها دور والشواهد كثيرة او تمريرة بوز طويلة على المهاجم ( ولكم ان تقارنوا تمرايراته وتمرايرات الشلهوب وسامي والثنيان ) الذي اود ان اقوله ان المهارات الفردية ليست كل شي وكلنا نعرف ديلنسون البرازيل ومهاراته وايضا الفائدة المعدومة منه وليس الغشيان عنا ببعيد قد يقول قائل هل تذكر كاس اسيا 2002 وابداعاته واقول لك نعم اذكر ولكن هل تذكر مباراة الكويت بالذات وهي المباراة التي سجل هدفين فيها وهل تذكر ان جميع تمريراته خطا ولو لا الله ثم سامي الجابر وصناعته للعب وابداعه لضاع المنتخب ، الهدفين لم تكن كفيلة عطفا على مستواه طيلة المباراة انا ارى انه لاعب متمكن وجيد ولكن لا تحاولون ايصاله الى مكانة الثنيان او سامي او النعيمة او المصيبيح هذه مجرد وجهة نظري الشخصية وقد اكون على صواب وقد اكون على خطأ فالاختلاف لا يفسد للود قضية وشكرا |
يا شين اللي ما عنده شي يقوله |
اخوي هذي وجهة نظر شخصية وكان ودي ردك يكون احسن من كذا ولكن الناس طبقات وثانيا اكرر انا احترم نواف لشخصه وخلقه العالي ولكن نظرتي الفنية فيه كلاعب قلتها ومصر عليها |
اعتقد ان نواف من افضل اللاعبين اللذين مروا على الكرة السعودية فنا وخلقا .. صحيح ان الموسم الماضي حرمتنا اصابته الكثير من المباريات .. يكفي ان دخوله كلاعب اساسي يجعل الفريق الهلالي يتحكم بالمباراة بفضل تحركاته وتمريراته التي اقل ما يقال عنها اوروبية ... تحياتي لك اخوي ... مع احترامي لوجهة نظرك ,, |
ابو عايش ... وين عايش انت؟ نحترم وجهة نظرك ولكن احترم انت وجهة نظر كارلوس البيرتو وكندينيو وهانجيم وهودل واخيرا مدرب الهلال اديموس وغيرهم كثير |
اخواني انا ما قلت ان نواف سيء بالعكس لاعب جيد ولكن اللى قلته انه ما هو ذاك اللاعب اللى يصل الى مستوى الثنيان والجابر وانه لم يخدم الهلال ولم يستفد الهلال منه كثيرا مقارنه بالعديد من لاعبين الهلال الذين استفاد الهلال منهم اكثر من التمياط ولم يحصلو على التمجيد والهالة الاعلامية مثل هالهالة اللى حاصله هاليومين ولك في الدعيع والشريدة وخليل والجمعان وغيرهم الكثير اقرب الامثلة انا اتمنى انه يبقى في الهلال ولكن اذا كان يتغلي ويتعالى ويشوف نفسه على الهلال لا نقوله وقف عند حدك ووش سويت للهلال عشان تتكابر وتتعالى ونضع النقاط على الحروف غيره خدم الهلال اكثر منه ولم يتعالى على الهلال |
اعتقد ان الموضوع خذ كثير من وقته و الخلاصة الي استنتجتها ان : نواف نجم و يجب ان يبققى في الهلال |
ابو عايش ...... صح لسانك لكن انا اختلف معك في شئ واحد انه ما عنده مهارات ولا هم يحزنون..... ونصيحه من اخوك ...... تحمل الي يردون على موضوعك بقلة ادب وهم كثير والي بقول لك انك انت لك عشرين سنه تتابع الهلال وهذاالي يرد عليك بقلة ادب هو عمره عشرين وهنا الفرق ويسوي نفسه هو الفاهم ووالله لو تسأله عن لاعب قديم هلالي ومو قديم مره ان ما يعرفه يعني لو تقول له منهو يوسف جازع ان يفق خشته وعيونه ما عرفه فالله يعينك عليهم.. وشكرا.. |
نواف لاعب مميز ولاعب كبير وغني عن التعريف ... لكن ... هو شخص يحب نفـسـه ... مثل ما قلت إذا شاف الباب شات ... ولاحظناه في المباراة النهائية على كأس ولي العهد ... وشفنا كم سدد من كورة كلها ( برا ) !!!! بس ... لو ينتبه لنفسه ويحاول يركز لعبه على صناعة اللعب والتمرير واللعب من ( لمسة واحدة ) ... كان يطلع من أفضل اللاعبين اللي مروا على الكرة السعودية والخليجية والعربية والآسيوية .. وربما العالمية ... ولكن نحن نريد التمياط .. فنحن أحق به من غيرنا ... وشخص مهم في فريق الهلال ... تحياتي لكم ،،، |
انا شخصياً ... اشوف ان نواف اخذ اكثر مما يستحق من الهاله الاعلاميه... عموما اتمنى احترافه خارجياً...او يبقى في الهلال ===>> لانه هو الخسران وليس الهلال. تحياتي لك اخوي عايش ولوجهة نظرك |
ليش الغلط كل واحد له راي ولا احد يجبر احد على رايه الاخ ابو عايش عطاكم رايه في لاعب مو نبي والاعب قد يكون فيه ناس مويدين له(مشجعين)ويوجد له ناس لايطيقون لعبه شي وارد في عالم المجنونه ولكن انتم مع احترامي لكم معطين الموضوع اكبر من حجمه نواف اذا يبغى يجدد لاطالع لا ابو عايش ولا انتم وخلاصه كلامي ان المفروض الواحد يزن كلامه قبل ان يرد على المواضيع وشكرا |
إقتباس:
يسلم فمك |
لو الهلال يجمع كل نجوم العالم بيحتاج لنواف لانه منهم |
نواف لاعب كبير رغم الجميع مو عشانه بينتقل من الهلال نجرح فيه ونشكك من قدراته السنا نحن من صفقنا له طويلا في اسيا وخاصة امام الكويت اما ان الهلال لن يتأثر بغيابه فقد يكون كلامك فيه شيء من الصحة اعتقد انك حبيت تطرح فكرة ان الهلال لن يتاثر بغيابه بس بشكل خاطيء يعني مو عن طريق التشكيك بقدراته اللي يقر بها كل هلالي وغير هلالي ايضا |
نواف التمياط من افضل اللعيبه السعوديين في خط الوسط وهذي حقيقه مايختلف عليها احد لكن انت تعرف ان الاصابه كانت من اكبراسباب ابتعاد نواف عن مستواه ولاتنسى بان رونالدو لم يعد لمستواه الا بعد فتره طويله من علاجه من الاصابه . |
| الوقت المعتمد في المنتدى بتوقيت جرينتش +3.
الوقت الان » 03:14 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd