هجوم الهلال البديل !
 

السلام عليكم وطابت ايامكم بكل خير يا زعماء

موضوعي عن هجوم الهلال ,, الاحظ ضغط المباريات الرهيب على الهلال تحديدا بسبب وجوده كطرف ثابت في جميع المسابقات المحلية والقارية ,, لكن مع هذا للاسف لا تجد البديل المطمئن في خانة الهجوم !
من غير ناصر نعتمد عليه فعليا في خط الهجوم ويشعرنا بالاطمئنان عند غياب ناصر لاي ظرف ؟
للاسف لا احد ,, جميع المهاجمين حاولوا واخذوا فرصهم لكن للاسف لا يمكن الاعتماد عليهم ومستواهم ليس ثابت.
نريد مهاجم عنده فنشنق عالي زي ناصر ما شاء الله ,,الفرص موجودة ولكن نعاني فعلا من غياب اللمسة الاخيرة ,, او حتى الحلول البديلة من طرف المهاجم.
كعبي ويوسف السالم اخذوا فرصتهم - برايي - ولا اعتقد ان اي احد يخالفني في انهم ليسوا مصدر ثقة لتولي دفة الهجوم!
نريد من ادارتنا الموقرة التعاقد مع مهاجمين مميزين واصحاب لمسة اخيرة ذكية ومحترفة ,, يوجد مهاجمين كثر من اندية الوسط لديهم مواهب لكن للاسف لا يتم تسليط الضوء عليها بسبب تاخر مراكز انديتهم.
بودي لو ان المدرب يتابع مهاجمي الاندية الاخرى المتميزين ويتابع لهم مباريات ولقطات لاهدافهم ,,وايضا التعاقد مع مهاجم اجنبي بديل لسامراس المقلب ويكون برؤية المدرب وممكن ايضا مشاورة نيفيز بحكم ان له اختيار موفق لديقاو.

اقول هذا الكلام عندما اشاهد الاهلي والنصر واشاهد مهاجميهم سواء الاساسيين او البدلاء !
يطلع السهلاوي ينزل الراهب ويقلب النتيجة
يغيب السومة يحضر عسيري ويقلب النتيجة
هذي امثلة بسيطة لقوة الدكة عندهم ,,ليش ما يكون عندنا نفس الشي واكثر !
الخانة المظلومة عندنا هي خانة الهجوم وهي من اهم الخانات..
وعذرا على الاطالة

شف مهاجمين الهلال في الموسم القادم ناصر الشمراني - ياسر القحطاني - يوسف السالم - يونس عليوي - مهاجم اجنبي اتمنى يروح يونس عليوي او يوسف السالم اعاره موسم كامل يبقى اربعه مهاجمين ناصر الشمراني والاجنبي ذا اساسين يمكن اريح الاجنبي والعب ياسر كصانع لاعب او اخلي القحطاني والاجنبي في الاحتياط والعب بمهاجم واحد او اريح الشمراني والعب الاجنبي وياس وراها ( كل مباراه لها حسابتها)

يجب التخلص من العاهه ساماراس وجلب مهاجم اجنبي من طراز عالي في ظل غياب ناصر وعدم المراهنه على عودة ياسر

الهلال رقع كمهاجم محلي مع احمد الناظري مهاجم هجر
تبقى الاهم وهو رأس حربة أجنبي فتاگ كالسومة
له رعب وتخليص للهجمة بالصندوق وم يطلع

اتمنى من اختيار واقناع دونيس

نبي روجيرو الشباب وكنو الاتفاق وعبدالرحن العبيد ظهير القادسية

نحتاج ظهير ايمن ومحور ومهاجم ولكن بشكل دقيق للتعاقد
للظهير الايمن اذا صح مقايضة المولد / الثنيان فهي مفيده للفريقين واللاعبين ايضا الشهيل حر وهو خيار جيد معاذ مطلب كل عام ايضا برناوي الفيصلي قد نستطيع الحصول عليه بمقايضة المسلم والسالم والحمد والقرني والفضل والشامخ والبيشي والسبيعي مع اعادة البريك نكون انتهينا من هذا المركز المزعج
المحور قد يكون كنو الخيار الأفضل ولكن لا اعلم مستواه بعد الإصابة مع تصعيد حسين القحطاني وعبدالعزيز الشريد وسلطان الفرحان وتقسيم مشاركتهم بين الاول والأولمبي
الهجوم قد يكون الناظري الأفضل وتصعيد البقعاوي والمنيع والجمعان واليامي وتنسيق مشاركتهم بين الفريق الاول والأولمبي
الأجانب اتمنىً التعاقد مع مهاجم الكويت يوسف ناصر بدلا من المصاب ساماراس لنستفيد لاعب جيد وننتهي من اللاعب الآسيوي الفترة القادمه ويكون لدينا تغيير وحيد بدلا من كواك وخيارات من اي جنسية
وشكرا

الله يعين والله أزمة المهاجمين مشكلة في الهلال ، ماعمرها صارت للهلال
ولكن البركة في المجموعة الموجودة حاليا
وبالتوفيق للزعيم

اهم شي نعدي دور 16

ولكل حادث حديث باذن الله

يجب اصلا اعادة تقييم الرباعي


ولكن يجب ان تعمل الادارة على الملفات المحلية وبقوة

واشك في هذا في ظروف 100 مليون ديون ومانشوف اعضاء الشرف يسوون شي حتى الان سكتم بكتم مع انهم كانوا يترززون في السابق

يوسف السالم محتاج يلعب كثير وياخذ ثقة بنفسه

يوسف السالم والكعبي امس ما قصروا الله يعطيهم العافية
لكن لو تلاحظون كيف صارت الاهداف ما تجدون اللمسة الحاسمة في المرمى !
هدف السالم جاء مصادفة كورة ضربت في نيفيز وشاتها يوسف في المرمى وهو اصلا مواجهه تماما
يعني ممكن اي واحد كان مكان يوسف يجيبها بسهولة ما وجدنا فيها لمسة المهاجم

وهدف الكعبي جاء ايضا مصادفة ,,المفروض شوتته تكون رايحة للمرمى مباشرة وتدخل عن طريقه هو
مو يشوتها او يعرضها مدري بالضبط وش كان مقصده ,,بعدين تصدم في دفاع الخصم وتدخل قول !

قارنوها مثلا مع اهداف ناصر ونيفيز وبتعرفون الفرق,,انا ما اقارن بينهم بس مقصدي اننا نحتاج مهاجم عنده لمسة اخيرة محترفة بحيث ما نحتاج للصدف او اخطاء الخصم للفوز ,,
الكعبي ممكن نصبر عليه توه صغير ,,بس يوسف كبير وهو اصلا كان مبدع مع الاتفاق والمفترض يبدع اكثر مع الهلال !
اتمنى اعطاءه فرصة كاملة في اخر مباراة لنا مع هجر هو و الكعبي حتى يتم تقييمهم جيدا.
شوفوا كم مباراة لعبها يوسف والكعبي وكم قول سجلوا علشان نعرف مدى فعاليتهم وامكانية الاعتماد عليهم.

الهلال رقع كمهاجم محلي مع احمد الناظري مهاجم هجر

الله يكتب اللي فيه الخير للزعيم الملكي

مصدقين ان فيه مهاجم افضل من ياسر ؟ الشمراني جاء وجابوا خلفه نيفيز والا والله مايسجل قول لوهو بلحاله بدون نيفيز
ياسر اولا وناصر والسالم ثانيا اذا اعطي السالم فرصه سيسعدكم بالهجوم لكن مركون ركنه تقضي على اي لاعب
نحن نحتاج اجنبي يلعب مع ياسر وسترى الهجوم الهلالي

صادق اخوي والدليل ان الهدف اللي يسجله نيفيز او ناصر الشمراني ينحسب بهدفين ، هذي مشكلتنا في الهلال البحث عن جمالية الهدف ولابد مباشرة للمرمى ، وهذا اللي جعل لاعبينا يتفننون باضاعة الفرص ، من اجل تسجيل هدف جميل ، الهدف يحسب لو تضرب الكورة في قفا اللاعب وتدخل ، كثرة الانفراد بالمرمى وضباع الفرص من لاعبينا كلها اسبابها البحث عن هدف جميل يحكي عنه الجمهور والنقاد ، او التردد في تتسديد الكرة والتاخر في التنفيذ ، مما يمكن الخصم من العودة وتخليص الكورة ، ايضا يخسر لاعبينا فرصة مباغتة الخصم ومفاجاءته من خلال عدم التردد وسرعة التنفيذ مثل ما حصل مع كعبي امس ، ولو تقارن بين انفرادة كعبي وبين انفرادة كواك امس بنفس المباراة ، رغم ان انفرادة كواك كانت اسهل )حتى وان كان مدافع ) الا انه تردد ممامكن الحارس من التوقع لمكان المره وضاعت وردها الحارس ، بسبب انه لم يباغت الخصم ويشل تفكيره من خلال التنفيذ السريع وغير المتوقع كما فعل البطل كعبي ، لذلك لو ترجع للبطولات اللي ضاعت الفترة الماضيه بسبب ضياع الفرص ، اما اذا تعود اللاعب على تسديد الكرة مثل كعبي بسرعه فائقه ماشاء الله تستقيد من اخطاء الخصم ، وتحسم كثير من الفرص .