|
إقتباس:
لماذا لا نذهب بعيد في اوروبا ونجلب لاعبين عالميين ؟ هههههههه عالميين مثل مين اوزيل ، ولا دي ماريا ، ولا سانشيز ؟ هههههههه انت تستهبل ولا وشو انت عشان تجيب لاعب ينقال عنه عالمي ع سبيل المثال كاروس باكا لاعب اشبيليه الاسباني قيمة عقده الحالي 12 مليون يورو عشان تطلعه من اسبانيا وابطال اوروبا وعيون الفرق الاوروبيه وتجيبه الرياض حيث لا يشاهدوه الا الشرق الاوسط واسيا اقل شي بتدفع الضعف يعني 24 مليون يورو يعني 108مليون ريال يعني ثلاث ارباع مبالغ رعاتك يالحبيب بعدين انت تحسب النادي بس فريق اول مافيه غيره ينصرف عليه فلوس فيه فئات سنيه والعاب اخرى ومصاريف معسكرات واجهزه فنيه ورواتب عاملين ووووو ياخي الانديه تتعب عشان تجيب لاعبين ربع عالميين قيمة عقد نيفيز لحاله ب 36 مليون ريال وع 68 مليون مهدره بلاعبين بالاحتياط والله انكم تجيبو المرض و الله يعين من يرأس النادي عليكم ومطالباتكم الحين يقولك نبي لاعبين احتياط مثل الاساسي وتقول الحين مهدره تقول فيه لاعبين ثانيين تقدر تجيبهم بمبالغ اقل واذا جو وفشلو تقولون رخيص وكويس ياخي ابي افهم وش تبون انتو طيرو عننا كلام بدون فهم بدون ادراك ل شي خلو العالم تشتغل تبي لاعبيين من اوروبا رح وانت وربعك ادفعو للنادي وجيبو لاعبين عالميين اذا اردت ان تطاع فاطلب مايستطاع |
إقتباس:
ياسر القحطاني اخر مباراه مع النصر لعب اساسي وفوزنا على النصر ضغطهم بملعبهم وسجل هدفين ولو كان يشرك اساسي من البدايه لما فلت الدوري بوجود نيفيز خلفه الشمراني سجل اهداف لان جاء للهلال وجابوا نيفيز يلعب خلفه .....والجماهير مع الخيل ياشقراء طالبوا بابعاد الغنام وسبحان الله احتجناه الان الفريدي من اهم اللاعبين وامهرهم ولو كان برازيلي لتهافتت الانديه عليه يطالبون بابعاد الشلهوب وهو ممكن ينزل دقائق ويفوزك بتمريره العابد اخطر لاعب وسط يصل للمرمى كدنا ان نخسره بسبب الجماهير المفرج رجل خلوق وفاهم كوره يطالبون بابعاده يريدون واحد يهايط ويسوي مشاكل ويلاحق الحكام بعضهم مع الخيل ياشقراء لكن اذا الاداره واللاعبين يسمعون كلام هالمنظرين عزالله ماحنا بخير تقل يحسبون ان هالاداريين مايفهمون شئ |
إقتباس:
احد ضاربك انت معاك سكر وضغط ومتفلة علينا ولا عندك مبدء واحد من الحوار يعني تبغانا نرد عليك بنفس اسلوبك ونقلل من قيمة المنتدى ونمحي الذوق والادب ايش الفلسفه المستقبليه التوقعيه الاستنباطيه اللي طلع منك اللاعب اذا بستقطبه ادفعله الضعف عشان الانغلاق والانفتاح صح كلامك والدليل ذكرته انت ويلهامسون ورادوي جو هنا ب 100 ميلون مثلا ليتك قراة وركزت كل كلامي عن التعاقدات اللي ما نستفيد منها وبقيمة اربعه لاعبين نجلب لاعب اجنبي مميز وما قلت نزيد الغله عشان تتعب نفسك برد روح اشرب ليمون وهدء اعصابك واقرا الموضوع بتركيز |
إقتباس:
طيب يابو الشباب والمفهومية وش اللي يجبر ادارتك الحبيبة واللي قاعد تشعر و تتغزل فيها انها تجيب لاعب منتهي معطوب وتدفع فيه اكثر من 4 ملايين يورو والاسوأ من هذا انك تحتاج مهاجم في فريقك والمحروس اللي جابته ادارتك ماعمره لعب مهاجم وزيد عندك مريح ومالمس كورة لاكثر من نصف عام خلاص فشلت في التعاقد مع لاعب وخطفه منك فريق ثاني منت مجبر انك تطير الفلوس في لاعب منتهي ويلعب في مركز منت محتاجه بالفريق وكل هذا عشان يقنعون الجماهير انهم تعاقدوا مع لاعب في الفترة الشتوية فقط لذر الرماد في العيون خلاص يكونوا صريحين مع الجماهير ويقولوا ماتوفر لاعبين في فترة الانتقالات افضل من انهم يورطوا الفريق بلاعب مقلب وبمبلغ كبير ولفترة 6 اشهر فقط! ونهايتها جالس يتمشى بالنادي ويقلك ماني مرتاح بالسعودية تقدر تقللي اش المستفاد من هاذي الصفقة؟! ولا انت بس ترمي كلام لمجرد خالف تعرف فقط! عندما تطغى سيئاتك على حسناتك فتاكد انك فشلت وهذا ماينطبق على ادارتك الحبيبة السابقة |
إقتباس:
واسلوبي مافيه شي خارج عن كلامات الادب الاستنباطيه الاستقراطيه التوقعيه ههههههه يافاهم رادوي وويل هامسون جو في عهد المبالغ المعقوله للاعبين المحليين يعني مافيه مصاريف كثيره للتعاقدات الان يافهيم ياذكي قيمة عقود اللاعبين اللي عندك بالفريق يفوق 150 مليون ريال ولان هذاك الوقت قمية عقود لاعبين الفريق مايتجاوز 80 مليون ريال اذا بتجيب قيمة لاعب واحد بقيمه اربعه لاعبين طيب والثلاث الباقيين اللي بقيمتهم تجيب لاعب واحد من وين تبي تجيبهم من الحواري مثلاً وبعدين تحط قيمه 100 مليون في لاعب يجي بعد شهرين يقولك مانسبتني الاجواء ولا فشل مع الفريق وتطير الفلوس اللي كانت بتجيب اربعه لاعبين وتجي تقول انت هذي اداره مفلسه التفكير ادارة ماتفهم ضيعة فلوس النادي وعليوي اللي جالس تتريق عليه لاعب شاب ويقدر يستفيدو عمره 25 سنه مع مدرب متميز يقدر يبرز امكانياته بشكل اكبر وينسجم مع الفريق افضل . لان اللاعب لديه الموهبه والامكانيات ولو نادي ثاني اخذته وابدع معهم راح تجي وانت ومنهم مثلك ينتقدون الادارات الثانيه تتعاقد وادارتنا تتفرج لو اخدناه اول قيمه قليله الان شوفو سعره وطار عننا انا أًقُوَلُكَ شوف شي يقبله العقل تقوله هنا واترك عنك الاحلام الخزعبلائيه عنك واترك الاداره تعمل وروح ادعم فريقك ترا حضورك للملعب وانت وخوياك يدر فلوس للنادي |
إقتباس:
بس عشان تعرف مين اللي خالف تعرف ، ومحاولة رائعه للهروب والمراوغه جالس تناقض نفسك انا رديت ع كلامك السابق اللي هو بعيد عن ردك هذا انت تقول ادارة استثماريه ابو رخيص وكويس ومسويه ذهاء وذكاء ومجموعه من الاستهزاءات اذا اداره النادي دفعت في لاعب ع قولك 4 مليون يورو ع فتره 6 شهور فين ابو رخيص وكويس بغض النظر اذا كان سماراس يحتاجه الفريق او مالعب مباراة هذا ان دل ان الادارة بتدفع ودفعت مبالغ فوق 300 مليون وادارة بخيله وحقت استمثار مع انه ماهو خطاء انها استثماريه لكن الرجل ايش المدرود والمرابح اللي اخذها ؟؟؟؟ مادري كيف يسير حالكم انتو بعد الخصخصه ويدخلون المستثمرين الحقيقيين بالنادي مادري وش بتسوون لمى تشوفو الاستثمار الحقيقي اللي مايدفع ريال والا راح يطلع منه عشره يالاخو شوف انت وش كاتب بالاول وشوف ردي ولا تلف وتدور وابو فيصل رجل اكن له كل الاحترام والتقدير والله يوفقه وين ماراح و الله يوفق الهلال بقادم الايام |
إقتباس:
تبي تمجد الادارة السابقة تبي تمدحها تبي تبجلها هذا حقك لكن انك تحيطها بجدار من القدسية وتحرم علينا انتقادها فهذا ماصار نقاش ابدا تقدر تقللي في خلال 7 سبع سنوات من عهد الادارة السابقة كم نسبة نجاح المحترفين الاجانب اللي جلبتهم الادارة للفريق باستثناء رادوي وويلهامسون! وخلني امشي على كلامك وتقول ادارة دفعت وانفقت اذا كان الدفع والانفاق بسياسة خاطئة فماهو المردود؟ تقدر تقللي ليش فرطت في احمد الفريدي! وليش فرطت في اسامة هوساوي! ووين هي الانجازات اللي تحققت في عهدها! 7 بطولات خلال 7 اعوام ماهي معيار ابدا للنجاح وغيرك حقق السبع بطولات في خلال 3 اعوام فقط وفوقها بطولتين قارية والمدربين حدث ولا حرج سلسلة من الاخفاقات والتجارب الفاشلة ونهايتها مع ابو 5 مليون يورو شرط جزائي حدث العاقل بما يعقل |
الحين مع المدرب دونيس أصبح دفاع ووسط الهلال يسجل في مباريات آسيا فلا نحتاج الآن لمهاجم طالما أن الدفاع والوسط يسجل أهم شي نتأهل لربع النهائي ويرجع ناصر أو نتعاقد مع مهاجم ثاني وقتها لكل حادث حديث لحد الآن الهلال ما شاء الله دفاع ووسط يسجل دونيس مغني الهلال عن الهجوم ما شاء الله |
إقتباس:
حتى ابينلك ان كلامك غير منطقي وجل كلامك من وحي الخالي ابغى لاعب واحد اجنبي دفعنا له الضعف عشان يتقبل اللعب في الخليج . اعطيني لاعب واحد وبالارقام حتى ما يكون كلامك عشوائي يعني كاروس باكا انت سئلته وقالك انا ما اطلع الا بالضعف والمصيبه انك جالس تحسب وتبني على حسابك كم راح يكلف النادي على اساس ان الاجانب اللي عندنا قدموا من الصومال . ساموراس نيفيز رادوي ويهامسون حتى المدربين لكل الفرق السعوديه اجانب وفرانك ريكارد درب المنتخب وما قال جوكم غبار يعني اللاعب العالمي الاجنبي يختلف عن اللاعب الاجنبي العادي من ناحية حبه للانفتاح احترم عقولنا اللاعب الاجنبي ماهو مثل اللاعب السعودي اللي يروح كل فتره لدول الخليج عشان يسهر ويفسد الاعب الاجنبي تجده مع اسرته وفي منزله ومحافظ على وقت نومه ثاني نقطة انت ذكرتك تقول ( تبغونا نبيع عقود اربعه لاعبين وكيف تبغوا يكون الاحتياطي مثل الاساسي ) يا حبيبي بخلي طموحي على قد لاحفي وابغاك تقارن بين عليوي وناصر الشمراني قارن الدكة بالاساسي اعطيني لاعب واحد ينافس لاعب . يعني لا لاعبين احتياط مثل الاساسي ولا اجناب فايف استار واذكرك ب عقد الفريدي اللي الادارة بخلت حتى ذهب اللاعب عن الهلال وتبغى الاحتياط مثل الاساسي للاسف ما تطبيقها الادارة شوف الفريق الترشيحي اشترى عقود من وشوف فريقنا اشترى عقود من يحي الشهري والراهب والفريدي ونادينا للاسف مع عليوي ودرويش وفوق هذا استغنوا عن اللاعب المؤشر هذا الفكر اللي انت جالس تمجد فيه نقطه بذكرك فيه واكررها حى تفهمها الاموال المهدرة اللي اتكلم عنه هو اموال بيد النادي ولكن لم تحسن التصرف به اخر عقد ساموراس وعليوي وقبله يوسف السالم والحمد وغيرهم لدرجة ان الاحتياط الان ما يملي العين وذكرك 68 مليون هذا المبلغ لم نستفد منه ابدا اذكرلي مباراه ل يوسف السالم والحمد وساموراس كانو فيها مؤثرين حتى تعرف كميه الهدر الغير مبرر وانا ما زلت اصر على رايي يجيب جلب مهاجم عالمي وبتقولي منين فلوس يكفيك ابناء الامير سلطان وابناء الوليد لكن لا يوجد من يطرح الفكره ويكون جريئ ولا تقولي صعبه رجل الاعمال الاماراتي منصور بن زايد يملك نادي مانشستر سيتي الإنجليزي مو لاعبين يملك نادي بكره |
إقتباس:
وعين العقل لا دكة تملي العين ولا اجانب فايف ستار |
إقتباس:
الان انت تتكلم في موضوع اخر بعيد كل البعد فيما انت تحدثت فيه سابقاً نعم ادارة ابن مساعد لها اخطاء سابقه وشبه متكرره حالت بينه وبين التوفيق في عهد ادارته كما ذكرت سابقاً في اكثر من رد ولكن هذا لا يعطينا حق التهكم والاستهزاء فيمن رأس النادي الازرق فهو اتى لخدمه الكيان والكل اثنى ع جهوده ، فليس من عادات الهلاليين جحد ونكران عمل من قام بخدمه الكيان فيما كانت له اخطاء فله ايجابيات فقصة الفريدي في حينها اتبعت النادي سياسة السقف الاعلى للعقود حسب التقارير الفنيه لكل لاعب حسب رؤية الاجهزه الفنيه والاداريه بما فيهم سامي الجابر انهم يرون انه لا يستحق الا اثنى عشر مليون وستمائة الف ريال لموسمين ونصف والكل اثنى ع هذه الخطوة سواء من اعضاء شرف واعلام وحتى الجماهير انها خطوه لربط الانفلات في مبالغ العقود الخياليه فذهب الفريدي للعرض الاعلى فهو من حقه الطبيعي وهوساوي له قصة في الاحتراف قصه ، حيث انه مثل ع الجماهير السعوديه اجمع بانه يريد الاحتراف خارجياً ولكن ماكانت الا سوى كبري للعبور لمسقط رأسه ( المنطقة الغربيه ) ف العرض الهلالي 25 مليون ريال لمدة 5 سنوات بالاضافه للميزات بالعقد ك سكن جديد وسياره فارهه وحينها صرح اريد اللعب خارجياً واذا عدت للسعوديه فلن اذهب الا للهلال ولقد خان كلمته حينما عاد اخذ يساوم النادي ومحاولة التعجيز في مبالغه قيمة عقده ولكن بالنهايه انكشف وذهب للاهلي ب 27 مليون ريال فيما اخطأت الاداره في هذه المسأله ؟؟؟ ولا مجرد تلفيق تهم جزافاً وانتهى فلست محامياً لادارة ابن مساعد ولكن قول الحق واجب والحق حق ان يتبع فكانت لها اخطاء ولها ايجابيات وواحده من ايجابيات هذه الاداره تطوير جميع مرفقات النادي ويكفي الكم الهائل من الرعاة التي رعت النادي ولا ننسى اليونيسكو ايضاً من ناحية اللاعبين فاتى بلاعبين كلهم نجوم في انديتهم ومنتخباتهم هناك من وفق ونجح وهنالك من فشل وهذه عادت الصفقات ياتنجح يا تفشل 1- رادوي 2- ويلهامسون 3- لي بيونج ( الظهير الطائر ) 4- نيفيز 5- ايمانا ( مطلب الجماهير وقتها ) لاعب ريال بيتيس ومنتخب الكاميرون 6- سو بيونج ( هداف الدوري الكوري وقتها ) 7- يوسف العربي ( احد هدافي الدوري الفرنسي ومنتخب المغرب ) ولاعب غرناطه الاسباني حالياً 8- عادل هرماش ( لاعب نيس الفرنسي والقلب النابض لوسط المغرب ) 9- ويسلي لوبيز ( هداف وجلاد الدوري الروماني ) 10- سماراس ( لاعب متخب اليونان وسيلتك الاسكتلندي ومانشستر سيتي ) بغض النظر اذا كان الهلال يحتاجه او لا فهو لاعب كبير وسيرته الذاتيه غنيه عن التعريف المدربين ( اتى ب اثنين من فطاحلة التدريب بالعالم - جيرتس الداهيه ، والعجوز جوروج ليكنز احد افضل مدربي العالم ) وغيرهم لم تسعفني الذاكره لذكرهم كل هؤلاء اللاعبين نجوم في انديتهم السابقه ومنتخباتهم ف بقي مسألة التوفيق من عدمها بيد رب العالمين فهو اجتهد وعمل ولكن عمله لم يوفق لوجوظ اخطاء لم يصلحها فمن العيب والمشين ان الجماهير الهلاليه نكران وجحود ونسف من خدم الكيان فهي ليست من عاداتنا |
| الوقت المعتمد في المنتدى بتوقيت جرينتش +3.
الوقت الان » 03:28 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd