|
الموسم القادم .. رحيل 2 محترفين .. الإعداد من الان ! السلام عليكم ورحمة الله وبركاته كيف حالكم يالشقرديه ،، ان شاء الله في صحه ، الف مبروك الفوز امس وضمان المركز ال3 ~ وعقبال للنصر تاريخيه :yes: موضوعي يتحدث عن وضع الفريق مستقبلياً " الموسم القادم " الفريق الى الان في تصاعد ولله الحمد .. طبعاً كلنا نعرف ان نهاية الموسم سيتم تحديد رئيس الهلال الرسمي ! :s5s: حتى وإن بقى الحميداني فـ لايوجد مايقلق، ، ماشاء الله الرجال يعمل بهدوء تام ويمشي بالهلال بالطريق السليم .. المدرب لاخلاف عليه ،، واضح انه بياخذ الهلال لمنصات التتويج واولها كاس الملك هالموسم بإذن الله :yes: بس محترفين الهلال .. انا من وجهة نظري يبقى نيفيز وديقاو ~ ويروح ساماراس وكواك ! ساماراس منتهي ومااستفدنا منه شي من لما جاء غير الهدف قدام الاهلي ~ أما كواك مدافع صلب بكل صراحه ومن غير مجامله له هفوات واضحه وقد ندفع ثمنها في مباريات حساسه بالاضافه الى عمره الكبير ، واقولها مراراً وتكراراً ،، الهلال ليس بحاجه الى قلبي دفاع اجنبيين ابداً .. جحفلي يقدم مستويات رائعه وفي معكسر الموسم القادم سينسجم كثير مع ديقاو ! بالاضافه شفنا امس المدافع الشاب احمد شراحيلي :laugh: واضح انه مدافع واعد ومانسينا الحافظ والدعيع ! وغيرهم من المدافعين اللي يتمناهم كل الانديه .. واللي يقول ماصدقنا الدفاع يتعدل وكذا ،، هنا يجي دور المدرب في توظيف الدفاع ويقدر يعدله خلال شهر وبأي لاعب كان ،، يوجد شي اسمه تفاهم وانسجام ، اما الامكانيات موجوده ! بإختصار ، كواك مدافع ممتاز وليبرو ~ بس الهلال ليس بحاجته .. ونستفيد بلاعب محترف في مكان اخر ساماراس يرحل ويجي بديله لاعب اجنبي يفضل يكون لاتيني أي من قارة امريكا الجنوبيه ! ،، برازيلي ارجنتيني او اي شي ،، يكون جناح !! وكواك يروح ويجي لاعب اسيوي ،، ويفضل يكون عربي في خط الهجوم والافضل يكون من دول الشام ،، ولنا خير مثال في السومه وجهاد الحسين وغيرهم ! الهجوم اعتقد انه بخير بـ عودة الاسطوره :wub: .. وظل وجود ناصر وتألق يوسف السالم ، بالاضافه الى يونس العليوي اللاعب المشاغب :s2: ~ المحور بخير بوجود كريري والفرج ، بس مفيه بديل يبرد القلب :s5s: .. لازم التعاقد مع لاعب محلي في خط المحور .. وللمدرب حرية الاختيار ! الاظهره ممتازه في ظل تألق الشهراني ، وعندك البريك بيرجع من الاعاره وشفنا تألقه مع الرائد كيف وفيصل درويش والشامخ والزوري ~ .. هذي وجهة نظري عن الموسم القادم ! اعطوني ارائكم :s4s: فـ امان الله ،، ابراهيم |
موضوعك حليو بس يوم قلت إقتباس:
ذكرتني بالجيران اي محترف يبدع عندنا يروحون يجبون لاعب من نفس دولته المهم انا معك ان كواك يروح لان عندنا شباب ممتازين وايضا نيفيز اغلب مباريات الموسم صنم ماكانه موجود للاسف |
إقتباس:
انا قلت يفضل ماقلت لازم ، ، هذي وجهة نظري وانا امثل نفسي ولا امثل جمهور الهلال بأكمله ! انا رأيي يقول ان اللاعب العربي المهاجم بالتحديد نسبه نجاحه كبيره بالدوري السعودي والله اعلم .. شكراً للتعليق |
معك في اغلب ما قلته على فكرة ديقاو بياخذ جنسية فلسطينية وبالتالي بيحسب على انه اسيوي اتوقع سيتم الاستغناء عن كواك وسامراس بشكل قطعي اتمنى من كل قلبي ان نتوفق في لاعبين ممتازين ,, برايي نحتاج مهاجم اجنبي وممكن محور هجومي لو تلاحظ دائما كانت تشكيلة الاجانب عندنا بهالطريقة ,,قلب دفاع + محور هجومي + صانع لعب + مهاجم راس حربة |
إقتباس:
حلو كثير لو ديقاو بياخذ الجنسيه الفلسطينيه ~ يعني بدل المهاجم العربي اللي قلت عليه ممكن يكون اجنبي ~ ،، والله اعلم شكراً لرأيك |
صدقني دونيس أبخص في اختيار المحترفين |
اخى الكريم الجهاز الفنى بالفريق هو من يحدد وليس نحنٌ وبما اننا عشاق لزعيم الملكي ليس معناه لن الحق بتدخل بالأمور الفنية -- تحياتي لك ياغالى |
إقتباس:
وليش سموه المدرج الهلالي ؟ وليش كتبو انه للنقاش ؟؟ !! احنا جينا نتناقش ونتبادل ارائنا ، ماجينا نفرض رأينا على المدربين ~ حياك الله وشكراً للتعليق |
إقتباس:
.................... ...................... ................................. |
كلامك صحيح ساماراس للان ماشفنا منه شي مفيد والكوري محنا بحاجته اعياده كثر اختلف معاك بان الدعيع مميز بالدفاع لهو نكبه حتى يوم لعب قبل امس مع الاولمبي نكب ام الفريق يعطيك العافية |
السلام عليكم الأخ الكريم إبراهيـم تحيـة طيبــة أحترم وجهـة نظرك ورؤيتــك , ولكـن إسمح لي أن أختلف معكَ قليلاً , بخصوص الشمشون الكوري [ كواك ] . أنـا أرى أن التفريط بهذا المُدافع سيجعلنا نعض أصابع النـدم , خاصة ً وأن البديل أسيوي .. بالإضافـة إلى أن تاريخ كواك في السنوات الأخيرة على الصعيد الأسيوي رائع .. فهـو حقق مع أولسان دوري أبطال آسيا , و وصلَ مع المنتخب الكوري للنهائي الأسيوي [ وكان له دور مؤثر ] .. بالإضافـة إلى مساهمته مع الهلال بالوصول إلى النهائي الأسيوي . صدقني عزيزي إبراهيـم .. دوري أبطال آسيا يحتاج مُدافعين من نوعية كواك وديقاو .. فأنتَ تحتاجهم عندما يُقابلك مهاجم من نوعية [ جيان ] أو مُهاجمي جوانزو الصيني .. هؤلاء لن يقف في وجههم المدافع محمد جحفلي معَ كامل إحترامي له , فلا نريد قتله , فلنصبر على جحفلي , ولا نزج بهِ في مخاطر تفوق إمكانياته . كواك وديقاو كانَ لهم الفضل الكبير بعدَ الله في وصولنا إلى النهائي الأسيوي الذي سرقه فساد الإتحاد الأسيوي منــا . فأنت تذكر كيف كان دفاع الهلال قبلَ مجيئهم .. وبعدَ ذلك ! بالنسبـة لي في الموسم المقبل .. ضم ثلاثة لاعبين فقط : حسن معاذ [ ونقل الشهراني لمركزه الأصلي ] محمد كنـو ومهاجم نــــار وأتحدى أي فريق سعودي أو حتى أسيوي [ بما فيهم غوانزو ] أن يقف في وجه الزعيم:ba: |
معك ب كل كلمة قلته ما عدا الهجوم بخير ب عودة الاسطورة ، ادري بتجون بتقولون مندس ، بس انتم تعرفون مستوى ياسر من ظ¥ سنين فما بالكم فوقها إصابة و ابتعاد عن الملاعب و انا اكثر الناس اللي ب اشجع ياسر بعد عودة لانه هلالي و لاعب وفيء جداً للنادي لكن ما هقيت بس ياااارب يرجع لنا ياسر و لو بنصف مستواة ظ¢ظظظ§ |
نبي روجيريو أو التون الفتح |
اتفق معك في بعض الكلام مثل الهلال بحاجة ل محور محلي اتمنى يتعاقدون مع محور الاتفاق كنو اما الاجانب اختلف معك في كواك اتمنى يستمر مع الهلال واتفق في الاستغناء عن سامراس فقط والتعاقد مع مهاجم اجنبي صريح واتمنى يكون لاعب الاهلي السابق فيكتور سيموس هاللاعب اتمنى يكون هلالي راح يكون هجوم الهلال نار واتمنى التعاقد مع لاعبين محليين مثل لاعبين الوحدة عواجي وصقر عطيف وتصعيد اللاعبين المميزين من الاولمبي مثل العمار والقطام والسواط والفضل |
معك حق أخوي في كلامك والله يوفق الهلال لكل ما فيه من خير وشكرًا لك |
| الوقت المعتمد في المنتدى بتوقيت جرينتش +3.
الوقت الان » 01:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd