|
بطاقات عضوية خاصة للجماهير السلام عليكم ورحمة الله وبركاته أسعد الله مسائكم بكل خير كما يعلم الجميع ان نادينا الكبير وقع مع عدة رعاة سوف يستفيد منهم النادي فائدة كبيرة لكن ما هي فائدة الجماهير منهم وما هي فائدة الرعاة من الجماهير الجواب لا شي خطرت ببالي فكرة وسويت لها تصميم بسيط الفكرة عبارة عن بطاقة عضوية خاصة بالجماهير بمبلغ سنوي مثلا (700) سنويا فلو اشترك في العضوية 100 الف لأصبح المبلغ 70 مليون ريال و بحملك لهذه البطاقة تستطيع الحصول على خصم خاص من الرعاة ففي هذه الحالة الجمهور الهلالي يستفيد من الرعاة بخصم خاص والرعاة يستفيدون من الجمهور بزيادة مداخيلهم وبكذا تدور الدائرة بإستفادة الجميع والرابح الأكبر هو النادي سوف تزيد مداخيلة بإصدار هذه البطاقات إعذروني على التصميم السريع http://store1.up-00.com/2015-04/1429176016151.jpg |
فكره ممتازه جدا تقبل تحياتي |
جميلة جداً هذه الفكرة واتمنى يفعلونها |
الفكرة ممتازة لكن يجب اخذ تجربة الاندية الاوروبية والعالمية في هذا المجال اولاً دفع مبلغ مالي سنوي بدون ان تكون هناك خصخصة ورقابة على المصروفات وحساب للخسائر والارباح هو باب للهدر المالي اوالاختلاسات بدون حسيب او رقيب يجب ان يتم التسجيل بالسجل المدني وعنوان السكن حتى لا تحدث ازدواجية في التسجيل بين الاندية وحتى لا يسجل البعض كمندسين التسجيل بالسجل المدني كعضو في النادي يجب ان يتبعه درجات للترقية حسب الحضور وتكون الاولوية للاكثر حضور كما هو في الاندية الاوروبية فمايحدث عندهم ان حضورك للمباريات الصغيرة يزيد نقاطك فتكون لك الاولوية في حضور النهائيات والمباريات الكبيرة هذا اذا لم تقم بشراء كامل تذاكر الموسم الامر اكبر من مجرد بطاقة قد تكون مساوئها اكبر من مميزاتها |
عرضنا افكار كثيره تصب في مصلحة النادي بس ما يبووون الفقر عنده بطايق اسمها انتمائيه قيمتها عشرين ريال شهري فيها تخفيظ علي منتوجات المتجر وله تخفيضات في الشركات المتعاقده مع الفريق تسلم علي الطرح |
الله يعطيكم العافية وبالتوفيق للزعيم الملكي |
فكره اقل ما يقال عنها انها ممتازة بكذا يكون دخل النادي من الجماهير يوازي دخله من الرعاة انتمنى ان ترى الفكرة النور |
فكرة ممتازة ولكن هناك صعوبات كثيرة لتنفذيها وخوصا موضوع الخصم للجماهير الحاملة للبطاقة لان ممكن الشركات تخسر وممكن تتطلب شروط لتنفيذ الفكرة الان #تطبيق_الهلال سينزل على الاجهزة نهاية ابريل على حسب كلام فيصل المطرفي وسيكون الاشتراك الشهري 13 ريال تقريبا وبإذن الله سيكون له مردود مالي للنادي بشرط عدم نسخ المقاطع ونشرها على مواقع التواصل الاجتماعي .. والتطبيق سيجعل المشجع داخل النادي |
ممتازة جدًا الفكرة وشكرًا لمن اقترحها |
فكرة ممتازة لكن المبلغ عالي جدا لو كان 400 ممتاز |
فكره رائعه ولو طبقت اول بكون اول المشتركين |
في البد اية قلت هذا شكله مريض دام ولا شئ ولا أحد مستفيد منها بعد ماقريت بتركيز قسم بالله فكرة جهنميه بس يبي لك واحد يسمعك وتروح للنادي تعرض الفكرة على الحميداني بس حاول تروح على مكتبه وتسوي موعد معاه أنا أيام ماكنت ألعب في الهلال إذا جيت أبي أقابل أي أحد لازم أسوي موعد أو أنك تصيدهـ وهو داخل التمرين تناديه بكل جراءه مووووووفق |
|
فكره أكثر من رائعة وكانت هذي الفكره في بالي من زمان لكن بدون رسوم لو تسوي الإدارة بطاقات بالسجل المدني لجمهور الزعيم عن طريق مكتب او موقع الكتروني معتمد القصد منها معرفة عدد جمهور الزعيم والإستفاده من التذاكر المجانية لحضور المباريات يعني اللي ماعنده بطاقة جمهور مايعطونه تذكره مجانيه لو فيه تذاكر تبرع بها عضو شرف. اما بالنسبة للرسوم فهي حلوه للنادي بس فيه جمهور للنادي صغار بالسن وماراح يدفعون وكذا ماراح تقدر تحصي عدد جمهور الزعيم. |
اي محب وعاشق للكيان الهلالي لااعتقد ابدا بأنه ينتظر تخفيضا او اغراء لكي يحصل على عضويه انا مع الفكره ولكن لماذا لاتكون العضويه بـ500ريال سنويا ولتكن بمبادرة جماهيريه وبدعم جماهيري لخزينة الهلال والمطلوب فقط مقابل العضويه هوى اللعب بروح الهلال واسعاد الجماهير الهلاليه واعتقد بأن الأغلبيه يوافقني الرأي لأننا كهلالين لانبحث عن مغريات بقدر مانبحث عن ابداع وبطولات |
فكرة جدا جدا ممتازة وفيه اكثر من طريقه لتطبيقها وتكون سهله على الكل احد الطرق تكون على دفعات للي مايستطيع اهم حاجه يكون مدخول النادي في السنه من الجماهير ماهو اقل من خمسين مليون ريال |
فكره مثاليه وياليت يطبقونها بصراحه انا اجزم بانها راح تنجح 100% وجمهور الزعماء صغار وكبار راح يحصلون عليها بكل سهوله والكل يتمنى خدمة النادي باي شي يستطيعونه اشكرك اخوي على الفكره الاكثر من راااااااااااااائعه |
اشكركم جميعاً على المرور وتأييد الفكرة ولكن ارجوا ان تطبق ولو بتعديل عليها اهم شي يستفيد النادي من القاعدة الجماهريه الكبيرة ويستفيد الرعاة ايضا من الجمهور الكبير ويستفيد الجمهور الرائع من الرعاة |
إقتباس:
فممكن تاخذ البطاقه بـ 1000 ريال وتكون مدتها 5 سنوات اي مع انتهاء عقد الرعاة الحاليين ويقل المبلغ كل ما قلت السنوات يعني لو باقي على عقود الرعاة 3 سنوات يقسم 1000 على 5 سنوات تكون السنه بـ 200 ريال يعني الاشتراك مربوط بعقود الرعاة |
إقتباس:
ومن يقولك ان الشركات تخسر بالعكس هي خفضت لك لكن بالمقابل راح تزيد المبيعات والخساره اللي بتجي عليها ما راح تكون من راس المال الخسارة راح تكون من المرابح مثلا : عبدالصمد القرشي يسوي عروض كل سنه عروضه اللي يسوها لك سنه مره تكون على مدار السنه للمشجع الهلالي وصحيح التطبيق بيزيد من دخل النادي القليل لأن او شخص ما راح يشترك انا لأن فيه بدائل كثيرة عشان احصل منها اخبار النادي مثلا المنتدى لكن سبب طرحي للموضوع مو النادي لحالة اللي بيستفيد جميع الاطراف راح تستفيد أسلكم بالله وش عمركم استفدتوا من تشجيع الكورة الجواب ولا شي غير اللي سوتة موبايلي قبل اللي هي باقة الموج الأزرق لكن بإقتراحي راح الكل يستفيد النادي و الرعاة و الجماهير |
إقتباس:
معليش اخوي الغالي انا لا اوافقك الراي انا ما احتاج إغراء عشان احضر المباريات لكني بحاجة لإغراء عشان ادفع للهلال انا بدفع لكن وش بحصل ؟؟؟ بحصل روح لاعبين في الملعب ؟؟؟ بحصل بطولات ؟؟؟ هذي نحصلها بحضورنا و دفعنا للتذاكر فبكذا انت تتكلم عن مدخول ثاني غير اللي اتكلم عنه انا انا اتكلم عن عضوية هلاليه جماهيريه يستفيد الجمهور من الرعاة بها وشاكر لك طلتك الجميلة |
إقتباس:
اعتبرة اقتراحك مطور :s2: :s2: |
إقتباس:
الموضوع بسيط جدا ابسط من ما تتخيل وممكن النادي يسويها من عنده لأنه فيه محاسب وفيه ادارة كاملة مهوب صعبة لو اضفت لهم هالمهمه كلها طابعة خاصه بالبطاقات وتجي تسجل في النادي وتدفع كلها ايصال تاخذه من النادي وانتهت ما يحتاج لها مصروفات وايرادات واختلاسات وبعدين خل الازدواجية تجي يا مرحبا بالمندس اذا هو بيعطيني مبلغ وقدرة في السنه مندس و يدعمني يا سلام سلم وزي ما كانوا بنو الاصفر مشتركين في باقة الموج الازرق في موبايلي عشان يحصلون الخدمات خلهم يدفعون للهلال مبلغ وقدرة وش بيضرك اما من ناحية كلامك على العين و الراس وكلام جميل ومنطقي لكن يحتاج إلى الخصخصه |
إقتباس:
الفكرة ارجوا انها توصلهم لكن مسألة اني بروح ادورهم معليش |
هذا هو الكلام الصح وبكذا صدقوني راح تنحل مشاكل النادي بس ياليت التفعيل وانا أرى 500 ممتاز وكافي وحتى الرقم مميز |
إقتباس:
|
الله يعطيك العافية وبالتوفيق للزعيم الملكي |
إقتباس:
لكن اذا انت في بالك حاجه وما فهمتها تقدر تشرحها عشان توصل الفكره مضبوط |
إقتباس:
بالفعل راح تحل مشاكل كثيرة المبلغ مهوب هم ممكن تكون بـ 100 ريال في السنه وبحسبة بسيطة : راح يشترك فيها ثلث سكان المملكه 10 مليون 10 مليون * 100 100 مليون في السنه ولو قلنا 5 مليون اللي بيشتركون نظراً لزهد المبلغ 100 ريال في السنه وتحصل على تخفيضات من الرعاة يصبح مدخول الجماهير 50 مليون في السنه يعني ممكن تخلي دخل الجماهير يبني لك ملعب خلال 10 سنوات بالكثير وانت تضحك |
| الوقت المعتمد في المنتدى بتوقيت جرينتش +3.
الوقت الان » 07:24 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd