انا ضد ان الاداره تفرط باي لاعب مهما كان .. يا اخي خسرنا لعيبه مهمين جدا في اوقات كنا بحاجه ماسه لهم
عمر الغامدي راح للشباب و رحنا نلعب في ايران بدون محاور لان رادوي كان يلعب مع منتخب بلاده .. الامير
بن مساعد يقول كيف يكون عندي 4 محاور .. ما فيه داعي لهم .. ثمن تورطنا في ايران و فاز علينا فريقهم الخايس
و بعدها جا للرياض و خرجنا من البطوله و كانت ذيك البطوله افضل ما لعب فيه الهلال منذ مبطي و كان ممكن نفوز
بالبطوله لو تجاوزنا الفريق الايراني .. لكن قدر الله و ما شاء فعل .. انا اعطي مثال فقط ..المثال الثاني احمد الفريدي
الذي لم اتخيل يوم من الايام انه يلعب لفريق غير الهلال .. ثمن بدأت الخنبقه الاداريه و اجبروه عالرحيل .. صحيح ما
نجح في الاتحاد لكن الفقراويه يصطادون في الماء العكر و خذوه من الاتحاد و شوف كيف مستواه الحين ..
طبعا ادعو له بالشفاء من الاصابه اللعينه اللي جته لكني زعلان عليه كيف يتربى في الهلال ثمن يغادره و يلعب للخصم
اللدود .. ما قدرت اهضمها .. الهلال يجب ان لا يفرط في اي لاعب .. الكوره في السعوديه ما فيها تجاره و مكاسب
ماديه .. تدفع و تدفع و تدفع و تاخذ بطولات ..اما انك تبيع و تشتري في اللعيبه و تنبي مكاسب ماديه و تجاره فالنتيجه
هي اللي تشوفها الحين في الهلال .. الفقر ما جاب بطولات الا لمن اغرى لعيبة الفرق الثانيه و جابهم .. في
موسم واحد كان عنده 8 لاعبين من فرق قويه في الدوري وبكذا جاب الدوري و الكاس .. لو بقي على شلة الكديش
اللي عنده ما راح يتعدى المركز السادس .. الهلال يجب ان يتبع الطريقه البلويه و هي جلب اكبر عدد ممكن من
لعيبة الفرق المنافسه و بالذات المتميزين منهم و حينها راح تشوف البطولات و الكؤوس .. الشغله ثقافة استحواذ على
ما يملكه المنافسون فقط .. ماهو تجيب لي في الموسم الواحد 8 لعيبه اجانب و تقعد تغير فيهم و الموسم
اللي بعده نفس الشي و الموسم اللي بعده و كذا .. الفقرلعيبته الاجانب مو لذاك الحد و شوف وضعه الحين .. والله يا
خبيلان ما في راسه لا اداره و لا كوره و لا شي .. يوم كثرت فلوسه حطها في اللعيبه المحليين و راح تشوفون نايف
هزازي و العابد وممكن السومه و اسامه هوساوي و حسن معاذ في الموسم اقادم او اللي بعده و هم في النصر ..
هذي هي الخطه البلويه يا شقرديه وبالتوفيق ان شاء الله للزعيم في ما تبقى من مباريات هذا الموسم وان شاء الله
الموسم المقبل يكون افضل بكثير و يرجع لمنصة البطولات من جديد كعادته