|
جمهور الرياض ؟؟! الجمعه مالك عذر سلام عليكم ورحمة الله وبركاته ودي افجر كل غضبي على جماهير الرياض :ranting: يخي فريقك يقدم مستويات وبحاجه لدعمك واللعيبه شويه ويبوسون رجلك عشان تحضر ~ ومباراة اليوم اكبر حافز لحضورك :mad: متعه وفن ونتايج كبيره ،، الاتحاد مو سهل ،، لايقول بعضكم الاتحاد في اسوأ حالاته وكذا ، لا والله الاتحاد قاعد يقدم مستويات جميله ويمكن يقلبها علينا ! المباراه في يوم جمعه ،، واجازه ،، وفريقك في احسن حالاته مالك اي عذر ،، احضر وبس ،، نبي نعبي الملعب .. ارجوكم :smilie47: فـ امان الله ابراهيم |
لا إن شاء الله حضور كبير لازم نعذرهم كل ثلاث ايام مباراه وكمان وسط الاسبوع وتبدا المباراه حوالي الساعه 9 يخرجون متأخر الهلال اصبح الان متعه كرويه وانتصارات متتاليه مستحقه ومقنعه بإذن الله الجمعه امسيه كرويه مميزه تنتهي بإنتصار للزعيم تحياتي |
لنا 70% من المدرجات حسب التقسيم .. يعني 40 الف مشجع جمهور الاتحاد محطمين الأرقام بالحضور الان .. شيء واضح لكن نبغى نعطيهم او نذكرهم بالمدرج الأكثر تأثيرا .. مدرج الملكي مع المستويات اللي يقدمها الفريق مالنا عذر ما نعطي الفريق حقه من الحضور .. مع العلم انها بيوم جمعه يعني " اجازه " .. اهل الوسطى عااااااااااااااامه حضوركم واجب عليكم |
فعلاً الجمعه مالهم أي عذر مباراة كلاسيكو ، يوم اجازه ، الفريق يفوز ويمتع ان شاءالله تكون هلاليه المباراة والجمهور يفلل الملعب |
مطلوب حضور الجميع بدون تردد |
نبيها فلللللللللللل ياشباب متفااااائل ان شاء الله |
يا رجال لا تتعب نفسك مع جمهور الرياض تراهم على حسب المزاج لو اشتهو يحضرون بيعبون لك الملعب لو مالهم خلق محد بيجيك وهذه معروفه من سنوات ماله دخل مستوى ونتائج الهلال هي على المزاج لكن ما يمنع برظو ننصح ونوجه ونطالب بالحضور ... التكرار يعلم الشطار يا جمهور الرياض احضرو علشان الهلال الله يرضى عليكم |
الاتحاد مريح هالأسبوع مالعب ولا مباراه بيكون جاهز أكثر من فريقنا لكن بحضور الشقرديه ودعمهم للاعبين بالتشجيع زعيمنا راح يكرر الخماسيه بحول الله وقوته سجل 3 حاضرين لعيووووون الزعيم بأذن الله يوم الجمعه نشوف الملعب فل من الزعماء أو ع الأقل تكون الواجهه فل نبي نزلزل الملعب مثل مباراة فولاذ نبي تشجيع من البدايه الى النهايه بالتوفيق للزعيم وفاله الثلاث نقاط بأذن الله شكرا لكك |
من ايام الامير محمد بن فيصل وهو يقول جمهور الرياض ماينحزم به ؟ غريبين يبون كل اسبوع بطولة والا ماهم حاضرين ؟ ياحبايبي انقلوا مباريات الزعيم في جدة ومكة والدمام وتبوك والجوف وسترون ياحبايبي الشرطة تشتكي اذا كانت هناك مباريات للهلال في بعض المدن ؟ وانتم في الرياض ونايمين |
باذن اللي ما تنام عينه سجلني اول الحضور لعيون الزعيم الهلال راجع بحول الله وقوته ضروري الوقوف مع الكيان ومع اللاعبين تنوية : اعجبني في المباراة السابقة امام هجر نتيجة الفريق والروح الحلوة والكره السريعه بين اللاعبين .. شدني اكثر اداء الكابتن الخلوق يوسف السالم وعدم الانانية وهو يلعب كـ راس حربه مهاجم صريح الله يوفقه ان شاء الله ونشوف يوسف وجميع اللاعبين في اجمل مستوياتهم |
بالرياض زحمت خريص لحاله تكفي انك ماتطلع من بيتك عشان تخلص شغلك .. جمهور الرياض عذرهم معهم ان حضرو فهم كفو وقدها وان ماحضرو حضور الاعبين داخل الملعب يكفي |
اي والله نبغي حضور 40 الف متفرج هلالي شقردي ملكي وان شاء الله الفوز هلالي بإذن الله |
كل الاندية قدام الهلال غير كنهم يلعبون نهائي فيجب عدم الاستهانة بالاتحاد بالتوفيق يارب للزعيم |
لا تتعبون أنفسكم مع جماهير الرياض لن تحضر ولو حضروا لن يتجاوزوا 20 ألف |
إقتباس:
قسم بالله كل مباراه للهلال واشوف هالحضور الغير مشرف ابدا ولا يليق بجمهور لأكبر نادي باسيا اتحسف مايكون الهلال باي مدينه غير الرياض جمهور الرياض ميت وغير مبالي يبي لهم شحاذه عشان يتكرم ويحضر .. لين متى ياخي فريقك تحسن مستواه واللاعبين يبون وقفتكم لكن كلامهم والطوفه وحده محد مهتم واستثني من كلامي المخلصين الي يحضرون رغم اشغالهم لكن يحسون أن الفريق محتاجهم بهالوقت انا ماراح أطالب تحضرون ياجمهور الرياض انا أطالب بعشاق الزعيم من خارج الرياض يحضروا لأنهم يقدرون ناديهم ويحبونه أكثر منكم لأنهم ع قد كلمتهم ويلبون رغبة اللاعبين وانتم بس تبطحوا بالاستراحات وبيوتكم محد غاصبكم والله بس اكرمونا بصمتكم ولاتنتقدوا وسامحوني ع الكلام الي قلته انتم يااهل الرياض وخاصه جمهور الهلال ع عيني ورأي بس والله انتقاد ع تقصيركم بحق نادينا قصرتوا كثير بعد ماكان يضرب بكم المثل بالماضي ودمتم:ba: |
| الوقت المعتمد في المنتدى بتوقيت جرينتش +3.
الوقت الان » 03:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd