نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   صيـد الإنترنــت (http://vb.alhilal.com/forumdisplay.php?f=92)
-   -   جولة بالفيديو بعد الامطار على شعيب وسد الجفير-نساح - شهر 6-1436 (http://vb.alhilal.com/showthread.php?t=1194781)

محمد بن عبدالله العاطفي 28/03/2015 06:05 PM

جولة بالفيديو بعد الامطار على شعيب وسد الجفير-نساح - شهر 6-1436
 
السلام عليكم ورحمة الله وبركاتة
جولة فى شعيب وســد الجفير -نساح -
يوم -1-5-6-
شهر 6-1436 بعد الأمطار التي هطلت على شعيب الجفير
https://www.youtube.com/watch?v=Xt3IJGadWJs


قصيدة
جعل السحاب إللى رقي بالسماء فوق // يسقي ديار أهل الوجيه السفيرة




جعل السحاب اللي مقاديمه بروق // يمطر على نجد وعموم الجزيرة
يمطر على دار المطاليق من فوق // وبلٍ من الوسمي سيوله غزيرة

وتنبت نفود العرق والخافق يتوق // لشوف البراري والغيوم المطيرة
يا ما حلا في كل ريعٍ وزملوق // العشب الاخضر والزهور النظيرة

وياما حلا الفنجال في حزة شروق // وجمر الغضى حوله دلالٍ كثيرة
وياما حلا يا اهل الوفا شوفة النوق // بين الزهر حيرانها مستديرة

والسيل يجري بين سابق ومسبوق // ياما حلا شوفه وما ازين مسيرة
وطير السعد غنى على كل طاروق // يجذب خفوق اهل الوجيه السفيرة

وصوت ام سالم تجذب الصوت وتسوق // اعذب لحون العشق في كل ديرة
العشق يبقى بين عاشق ومعشوق // عيني لشوف البر شفقة واسيرة

فكر المولع ينتشي حيل ويروق // هجوس صقارٍ تفاخر بطيره
ذيك الديار اللي بها الزين والذوق // باشعاري وعذب القصايد جديرة

قلبي شفوق وله ملازيم وحقوق // حقٍ علي ان اطربه واستشيره
هذا مناي وكل نفسٍ لها ذوق // يالله عسى في الامر خيرٍ وخيره

جعل السحاب اللي رقى بالسما فوق // يسقي ديار اهل الوجيه السفيرة

الشاعر جعفر بن هادي القحطاني
المصدر
جريدة الرياض الثلاثاء 21 ذي الحجة 1425هـ - 1 فبراير 2005م - العدد 13371


الوقت المعتمد في المنتدى بتوقيت جرينتش +3.
الوقت الان » 05:01 AM.

Powered by: vBulletin Version 3.8.7
Copyright ©2000 - 2024, Jelsoft Enterprises Ltd