|
ناصر الشمراني , نواف العابد & لاعبي الهلال في الاونه الاخيره ظهرت اصوات باسماء هلاليه تحارب لاعبي الهلال .. اذا بدر منهم أي خطا او تصرف او مهما كان تصرفه الذي قد يراه البعض مسيئ .. ولكن هل اللاعب يلعب للهلال .. ام لا ..؟؟ هذه الاصوات بوجة نظري ووجة نظر كثير من الهلاليين .. اصوات نشاز حاده .. في غالبها اسماء مبطنه لجماهير انديه اخرى مهمتها .. تشتيت راي الجماهير الهلاليه .. وجعل اصواتها من صوت واحد الى اصوات مختلفة لتسود التفرقه .. ويتشتت الفريق .. ولكن الهلال ينطبق عليه المثل الذي ينطبق على الفرسان (( الواحد للجميع , والجميع للواحد )) مهمتكم يا جماهير الهلال .. ( قلب الهلال ) .. التصدي لتلك الاصوات مهما كانت .. فنواف العابد وناصر المشراني .. ولاعبي الفريق (( الزوري .. عزوز )) وباقي اللاعبين .. من اعمده الفريق واهم لاعبي الفريق .. فاغلب الجماهير .. تهاجم هؤلاء اللاعبين خاصه .. ولكن لو نظرنا بعين العقل .. جميع المدربين الذين مروا على النادي .. لم يطالبوا بظهير ايسر في الهلال .. لوجود الزوري . ولم يطالبوا بصناع لعب لوجود عزوز ونواف وسالم وسلمان .. ونيفيز فاغلب طلبات المدربين دفاع ظهير ايمن محور لوجود النقص بالهلال في تلك الخانات فبذلك تتجه الاصوات النشاز .. التي باسماء هلاليه .. لؤلائك اللاعبين .. لاحداث نقص اخر بالفريق وتشتيته وتشتيت فكر اللاعبين والضغط عليهم .. والتاثير عليهم بالملعب مهمتنا يا جماهير .. محاربة تلك الاصوات .. مهما كان .. التركيز هنا دائما في الصحافة والتويتر ومواقع التواصل الاخرى .. على لاعبي الهلال ... لو عطس .. قالوا عطس ولا قال الحمدالله . مع انها سنه مؤكده ولا تخدش الحياه او التعصب ولو ظهر مقطع صغير للاعب .. وهو يمزح من صاحبه جعلوها مشكله هجوم وتعدي .. لاعبي الهلال مستهدفين من الكل ... خاصه الاعلام المضاد والمعادي.. (ماني قايل اسمه ) المطلوب سلامتكم لاعبي الهلال .. خط احمر .. :alzaeem: عندنا ادارة ومدرب يحاسبونهم |
جميع اللاعبين اللي ذكرتهم بكفه ونواف العابد بكفه لاعبين منظبطين ولاعب غير مبالي من الظلم ان تقارن نواف بباقي اللاعبين اولا كل الفريق بشكل عام حصل له دروب بعد تولي ريجي تدريب الفريق ولكن اللاعبين منظبطين والان بدأو يستعيدون مستواهم خصوصا نيفيز الزوري في وجهة نظري افضل ظهير ايسر هجوميا ولايمكن مقارنته مع أي ظهير اخر ولكن يعيبه بعض الهفوات دفاعيا الدوسري منذ تولي المدرب اليوناني زمام الامور يقدم مستويات رائعه واعتقد سيتطور للافضل ان شاءالله الزلزال بعد يستعيد نغمة التهديف وان شاءالله القادم افضل اما نواف العابد لاعب غير مبالي واكبر همه العقد وحطه بجيبه ترك الفريق في وقت الحاجه واذا استمر على هالموضوع اتمنى بيع عقده والتخلص منه من لايحترم الفريق لاينتظر احترام من الجمهور تحياتي |
إقتباس:
المقصود ... عندنا مدرب ... وعندنا ادارة مهمتها ... اللاعبين ... والاهتمام فيهم .. وانت وش دورك .. انك تساند الادارة والمدرب .. وتشجع اللاعب .. بس اذا الجمهور هاجم اللاعب .. .. هنا انت تاثر في الفريق كامل .. |
مرحبا أخي ... يجب أن يعرف الـ غير منضبط أننا جمهور نحمل عقل ، وفكر ، وذوق ، والأهل عدل ...! من لا يكون منضبط في التمارين والنادي وتقل المسؤولية لديه بسبب مزاجيته ، يجب أن يدرك ، اننا كـ جمهور لا نجامله على حساب هذا النادي العظيم .. اذا يجب ان نفرق بين من يحترمنا كـ جمهور وذلك من خلال أدائه في الملعب وخارج الملعب وتأدبه مع المدربين والادارة ، وبين من يستهين بناء كـ جمهور يحمل جمجمة مليئة بكل نضوج .. لو لم يكن منا كـ جمهور ذلك لموقف لربما تمادى العابد في غيّــه .. ونأمل ان يكون تعلم من الدرس جيداً .. وديّ ... |
اعمل في احدى القطاعات الخاصه يخصم لليوم الواحد غياب نصف راتب شهر الغياب الثاني يحرم من جميع المكافات ويخصم شهر ويتم الغاء المميزات. جميعها لكن لايستغنى عن خدماتك او تبعد او توقف عن العمل بل يستمر في عمله كما كان لانه واحد من الجميع لديه عمل ومهمه يؤديها لذلك تم التعاقد معه فترى الشخص بصراحة يزيد من اصراره بالعمل لكي يحسن صورته ويتحدى نفسه ويرجع افضل بكثير فنواف العابد ابن للنادي لديه اخطاء كما لنا جميعاً فالادارة عاقبته والفريق يحتاجه ونحن نحتاجه والفريق سامحه على الاداره ان تعاقب وهي الاقرب والاعرف بالامور بالنادي مع المدرب يرون مالبداخل اتركوا عنكم اللاعبين. سامحوهم دائما وشجعونهم وسترون الافضل |
كلامك رائع يجب ان يعيه كل هلالي شكرًا لطرحك |
من الواضح انك تبيها تقلب حوش غنم... لا حسيب ولا رقيب يغيب العابد كم مره كل موسم وتسكت الجماهير؟ ترى الاداره تعاقبه كل مره ولا نفع فيه... لازم الجمهور يخليه يحس الزوري يسرح وينكب الفريق في مباريات كثيره... تبينا نصفق له ونقوله احسن عليك؟ ولا ننتقده عشان تستوعب الادارة وتحط الشهراني ظهير يسار مكانه؟ في فرق بين لاعب يمشي الحال في الخانه... ولاعب يجيب العيد في الخانه... واصلا هو ماعنده استعداد يهاجم ويدافع في نفس الوقت... فلا يصلح انه يكون ظهير... قد نقبله كجناح إذا لعبه المدرب جناح... اما انك تلعب نفسك جناح بدون اخبار المدرب... نكبه على الفريق... وانا قلت من اول... ان امكاناته اقل من الهلال... واطفال الهلال الصاعدين اثبتو انهم افضل منه بكثير والشمراني لازم يهدا... ندفع له فوق ال 5 مليون بالسنه... وعارف انا مالنا غيره بالهجوم... ويتصرف بطريقه جابت عقاب ايقاف 8 مباريات... شلون تبي الجمهور يسكت؟ وعزوز الدوسري... اكثر واحد نفع فيه النقد... وشوف آخر مباراة لعب فيها... ماشاء الله نجم الهلال... هذا عزوز الي نعرفه... ** لا احد فوق الانتقاد... بالذات المقصر مع الفريق... سواء فنيا او اخلاقيا وانضباطيا... وحتى لو كان اقل من مستوى النادي... الجميع بيطالب بتغييره... نحن نشجع الهلال ومن يخدم الهلال... والي مستواه اقل من الهلال بنقول مانبيه... مثلنا مثل باقي الانديه ومثل قداما الهلال... |
انا ضدك في الوضوع شكل ومضمون يعني ماتبينا ننتقد لازم ننتقد لازم عشان نواف يعرف انه يلعب بالهلال شغل اسحب على التمرين واسحب على البعثه والخ.... مايصير بالهلال اتمنى اعاره نواف العابد لنادي الرائد او اي نادي اعاره حتى لو ببلاش المهم يروح اعاره عشان يتادب واتمنى سحب شاره القياده من الشمراني عشان المقطع الاخير له وتحذيره من التكرار واتمنى ركن سالم الدوسري بالدكه واي لاعب يزل مستواه يصير بالدكه نحتاج مدرب ممزوج من انضباط بينوركا وخطط دونيس او سامي واتمنى يروح المفرج ويجي الاحمد كذ يرجه الهلال الى منصات التتويج |
يعطيكم العافية وبالتوفيق للزعيم الملكي |
ناصر الشمراني لاعب مخلص منضبط يحترم رئيسه ومدربه وجماهيره اما العابد0000000000000000000 |
اتفق معك في الرفع من روح اللاعبين وبالذات الأساسيين وأيضا الغلط والألفاظ الغير مقبولة مرفوض على الجميع حاليا ليس لدينا مهاجم سوى ناصر وحتى لو بدر منه بعض الخروج عن النص يجب ان نتحمله وكذلك العابد واتمنى نهاية الموسم اتخاذ القرارات الصحيحه بما يصب لصالح الهلال وان يتم من الآن تصعيد مدروس وبالذات لكلا من حسين المنصر ونواف الزعاق وعبدالعزيز الشريد وسلطان الفرحان للمحور والبقعاوي ومهند فلاته للظير الأيمن وخلف البقعاوي وعبدالعزيز الجمعان ومجاهد المنيع وعبدالرحمن اليامي وناصر العويدان للهجوم وكروم والسواط لصناعة اللعب بحيث يلعبون بالتنسيق بين الأول والاولمبي ويكونوا جاهزين وقت الحاجه عند ذلك سيكون لدينا استطاعة لتعويض من سيعتزل ومن سينتقل والمستفيد الهلال |
الزوري لاعب مظلوم كل مدربين الهلال لاعب معهم اساسي ويجيك طفل ينتقده ويطبل للشهراني |
| الوقت المعتمد في المنتدى بتوقيت جرينتش +3.
الوقت الان » 05:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd