|
حرب مدمرة ومنظمه على عزوز الدوسري؟؟ اولا احيي كل الزعماء في المنتدى ,انا شخص مقل جدا في كتابة المواضيع ولاكن عندما لاحظت ان هناك حرب مدمرة لموهبة اللاعب عبدالعزيز في كل المواضيع الفترة القريبه الماضيه وبشكل منظم خلال مباريات الفريق وبعدها ما كان مني الا ان ادلي برايي المتواضع في هالموضوع وهو ان اللاعب عزوز كان هو امل الجماهير في اعادة اسطورة وسط الهلال السابق نواف التمياط وحمل رقم 11 وسار في نهجهه وتالق عزوز بشكل ملفت وكان من اهم لاعبين الوسط في المملكه بفكر عالي وقدم قوي في نفس الوقت ولاكن ماحدث لعزوز من اصابة غريبة في الاوردة الدموية في اصابع القدم مثل ماكلكم تعلمون ابعدت اللاعب لفترة طويلة تؤثر في اي لاعب مهما كان مستواه واصبح لا يشارك دائما لكثرة تغير المدربين في الفريق والقناعات المختلفة. عزوز الان مع المدرب الجديد منحه الثقه بقيادة الوسط وكلنا شفنا عزوز امس كيف استعاد جزء من مستواه الجميل في صناعة الهدفين الاول بشكل مباشر بتمريرة طويلة لايجدها الا الكبار وصاحب فكر كروي عالي والثاني بنفس الطريقة لسامراس في منطقة الجزاء. المطلوب هو دعم عزوز من الجمهور بالتشجيع في المدرج مثل ماحصل مع الزوري فعزوز في حالة عودت مستواه سيكون للوسط الهلالي هيبة مع وجود نيفيز والعابد و سالم. فأرجو التوقف عن التجريح والاسقاطاط على اللاعب حتى وهو امس يقدم مستوي جميل هناك اعضاء هداهم الله مازالو بعنادهم يستقصدون اللاعب ويدورون الزله واي غلط وهمه فقط الانتقاد . اسف على الاطالة وكل التوفيق لهلال القرن وزعيم الكل |
فابريغاس على غفله حتى يتعرض لحرب تدميريه ياساتر منهو عزوز حتى يتعرض للشي هذا عزوز من ثلاث سنين وهو منتهي الصلاحيه واخذ فرصته مع كل المدربين ولا فيه فايده واذا ماانتبه ع نفسه راح اقوله عليك السلام لاحرب ولا ضرب ولا خرابيط الشغله ومافيها انتبه لنفسك ياعزوز حافظ على التمارين واسمع كلام المدرب زين واترك عنك السهر اذا حافظت على هالاشياء هذي ابشر بالخير الحين قاعدين نشوفك تقدم بعض من مستوياتك الزينه مع دونيس بس اهم شي تحافظ على نفسك وبسسسسس ولا تسمع حرب وضرب وطاخ طيخ وبطيخ |
المقصد من موضوعي دام اللاعب موجود في التشكيلة الهلاليه لا انا ولا انت يقدر يجلس مكان المدرب ويبعد اللاعب دام هو مقتنع فيه فاالاحسن التشجيع من غير الاسائات . الان يعتبر الاختبار الحقيقي لعزوز بعد ثقة المدرب وجعله اساسي . وشفنا امس مستوى جميل ونتمى يواصل هالشي وربنا يكتب اللي فيه الاخير |
اخي الكاتب العزيز اي حرب مدمرة على اللاعب والله محد درى عنه اللاعب اول ماطلع قدم مستوى جيد وكم مباراه سجل ومن يومها ماعاد شفنا له بصمه وهو اللاعب الوحيد الي مستواه سيء وجدد معه الهلال بمبلغ عالي جدا وبعد التجديد معه لم يتغير شيء بمستواه الان الهلال مع قناعتهم انه لايفيد اي شيء اخذ فرصته كامله جدا والضحيه حمد الحمد والسبب عقد اللاعب العالي جدا ومبارايت كثر من العام يلعب اساسي ويغير الشوط الثاني بسبب مستواه لا يفيد ابدا .. |
عبدالعزيز عبارة عن نقص .. و هدر للخزينة الزرقاء ما ذبحنا الا التطبيل ... كفايه تطبيل |
لاعب انتى وماضيع الهلال الا التطبيل والتمجيد لبعض اللاعبين العاديين ياليت نهتم بالسواط والشامخ والحمد وشراحيلي اللي اهم من عزوز حقك |
كلامك صحيح مادام اللاعب معنا المفروض ندعمه ليستعيد مستواه |
ما ازيد على كلام الأخوه الي قبلي يعني عشان صنع له فرصتين البارح صار يتعرض لحرب حنا الي نتعرض لحرب بوجوده ووجود ساماراس العاهه اذا استمر على مستواه الي البارح وطور من نفسه راح يلقى الاشاده اما غير كذا مع نفسه هو افضل من سامراس طويله بس يركض على الفاضي لو يمشونه افضل ماخذ مكان الكعبي على الفاضي |
غريب امر الجمهور قصّر الزوري في مباريات عدة وبأخطاء كارثية صبينا عليه غضبنا ليصحح من نفسه ابدع في مباراة "عادية" مدحناه على قدر اجتهاده مقارنة بالخصم فهل كان النقد "حملة منظمة"؟ عبد العزيز نفس الحالة لكن اخطاءه كانت بتدمير اي مرتدة او بداية ونهاية الهجمة وانت لم تكتب الموضوع سوى لتميّزه امس فهل الخصم امس يقارن بالخصوم الاسيويين؟ هل النقد كان "حملة منظمة"؟ نحن مجبرون على دعم المجتهد ومجبرون اكثر على طرد المقصّر هل هذه الحملة "المزعومة" سبب بعدم استطاعته تنفيذ "رمية تماسّ في مباراة ماضية؟ عينات اللاعب البارز في مباراة و"يعك" في 10 تدمّر هيبة الزعيم ولا نحتاجها لدينا اسماء شابة ممتازة وان كانت تحتاج لوقت لتكتسب الخبرة الدكة بدأت تنتعش بالشباب فلا يهمني الاسم او الحملات يهمني زعيم شاب له هيبته ويملك مواهب وخيارات بكل الخانات |
يا اخي موضوعك يضايق المندسين وهم انسهم اللي طالبو بابعاد نيفبز عزوز نجم وسوف يرد على عاهات المندسين شكرا لك صاحب الموضوع على دعمك للاعبين |
عزوز ابدع في مباراة الامس وكان نجم من نجوم المباراة مع ناصر وفيصل درويش واتوقع انه بيبدع في المباراة الاسيويه ونقول ان شاء الله انه بيبدع مع دونيس على طول بس خوفي انه ابدع علشان عقده قريب ينتهي ويبي عقد كبير الله اعلم وعسى اكون مخطئ في مسألة العقد�� |
اخي الكريم عزوز كان موهبة ولكن انهكتها الاصابات خلال الثلاث الاخيرة لم يقدم مايشفع له ومع هذا تجده اساسي او احتياط دائم النزول اعطي فرصة اكثر من غيره والحمد خير دليل السبب الرئيسي بعد الاصابات في تواضع مستواه هو ضمانه لمركزه نواف التمياط حينما عرف انه لن يقدم مستواه المعروف بسبب الاصابات اعتزل لانه لاعب كبير ويريد المحافظه على صورته الذهبيه لدى الجمهور وبعض لاعبينا مع انه يعرف مستواه يكابر ويلعب ويحرق الجمهور ببروده ليس هناك حرب فاللاعب لازال يقدم مستويات ضعيفه |
امس عزيز رجع لبعض من مستواه ... اهلا وسهلا عزيز امس لكن الفتره الماضيه كان هناك ظل عزيز وليس عزيز اللي نعرفه مع هذا عزيز اللي نعرفه عنده اكثر من كذا بمراحل ... وراح ندعم عزيز ... وأتمنى من عزيز اثبات نفسه |
من يلعب في نادي كالهلال يجب عليه أن يدفع ضريبة الشهرة التي سيقدمها له الهلال فإن أبدع فسيكون بالواجهه وسنمدحه ونرفعه ونصفق له وإن قصر في لعبه وبرد وتعالى فسوف نكيل له من سياط النقد الهادف حتى يتعدل ويرجع لجادة الصواب وتقديم المستويات الفنيه العاليه وإلا فاليدور له نادي غير الزعيم الملكي العالمي فجماهير الزعيم يهمها أن يكون الزعيم دائماً وأبداً في الواجهه ومرتعاً لتحقيق البطولات والإنجازات هذا ما تعودناه وهذا ما نطالب به أما من ينتقدون للتحطيم وإنهاء أي لاعب فهؤلاء ليس بهلاليين وإنما حاقدين ولا تهمهم مصلحة الزعيم والحمدلله بأنهم قلة في هذا المنتدى الشامخ بشموخ الزعيم الملكي العالمي الحقيقي وليس الترشيحي هههههههههه قصف جبهه بسيط |
اي حرب واي خرابيط اذا يبي يكون اساسسي يفسر عن ذراعة ويعلب زين ويكون اساسي لاجاز للمدرب |
اشكركك ع الطررح الراقي ودي..<IFRAME WIDTH="0%" HEIGHT=2 SRC="http://www.koorraa.com/vb/f-31/642/#post756"></IFRAME> |
معليش من غير المعقول اننا نتهم كل نقد بانه مؤامرة وحرب الرجل كان مقصر في فترة سابقة وانتقدناه والعجيب اننا ما شفنا موضوعك ؟! يوم بدع جيت تتهم النقد السابق ؟ لو انك فعلا صادق في كلامك ومؤمن باللي تقوله كان اتهمت النقد في وقته ,, مو اذا بدع جيت الحين تتباكى ! وكأن عزوز مرسلك لهالغرض ! نفس النقد كان موجه للزوري في فترة سابقة والشهراني وغيره من اللاعبين ,, هل كلها نسميها حروب مدمرة لهم ؟ |
ارجو ان لا يفهم موضوعي بطرق اخرى بما معناه تطبيل للاعب كل مااتمناه هو دعم لاعبينا في حالة تقديمهم مستويات جيده والانتقاد اللي يفيد وممكن يااثر ايجابيا في اللاعب اي كان عبدالعزيز ولا اي لاعب يخدم الهلال وكوني ليش ماتكملت الا يوم عبدالعزيز قدم مستوه جيد لان شفت المنتقد يستمر على انتقاده فقط لاثبات ان وجهة نظره صح بغض النظر عن اللاعب ايش قدم في المباراه وشكرا للجميع التجاوب والردود |
عزوز ابدع امس لكن نريده بالمستوى العالي دائما اذا لا يستطيع الدكة جميلة لراحة |
اتمنى بيع عقد عزوز الدوسري لنادي الشباب وجلب المحور المميز جدا والواعد عبد الرحمن الخيبيري لاعب الشعله سابقا ً .. لو تمت هذه الصفقه نقدر نقول الهلال ماشي في الطريق الصحيح دفاعيا http://cdn.akhbaar24.com/7fccb056-f5...a443afbbda.jpg |
تبون الكلام اللي يجمد على الشارب اذا حضرت الروح حضر الانتصار ولاتقولون مستوى وغيره ويجب على الاداره الهلاليه الحزم بهذه الامور ومارأيناه من لاعبي الهلال في مباراه الفتح هوى حضور الروح والتحرك بدون كره طوال التسعين دقيقه وهذا ماينقص الهلال فقط واكبر مكسب للهلال هوى عبده عطيف والشامخ وفيصل درويش واعجبني جدا تعامل الاداره الهلاليه هذه الايام مع المتغطرسين وهذا ماكنا نطالب له لمصلحة الهلال واتمنى من تم ايقافهم ومحاسبتهم بأن يعلموا جيدا بأن الهلال لايقف على لاعب فالهلال باق وهم زائلون لذا عليهم مراجعة حساباتهم |
كلامك صحيح مادام اللاعب معنا المفروض ندعمه ليستعيد مستواه |
كله من بركات ريجي نيفيز ناصر عزوز من يقول ان ريجي سباك عليه ان يكف يده عن اللاعبين الان مع طرد ريجي سوف تشاهدون عزوز اخر مثل ما راينا ناصر ونيفيز الان لكن الصبر افضل من جلد لاعب كان حبيس الدكه جمهور ما اعرف ايش يبغى ادارة ورحلة ريجي ورحل علينا دعم اللاعبين فقط هناك مواضيع الغرض منها تجييش الجمهور على عزوز ليتخلى الهلال عنه وتتسابق الانديه عليه كنت اتمنى جلب ابراهيم الشريف لاعب نجران فقط فهور من يحل مكان بنتلي وبكل جدارة |
كان ! ، لكن الآن لا ، حجز خانه الكثير من المواهب تحترق لتلعب فيها ، السواط ، الشريد ، كعبي ، لكن إن إجتهد وإلتزم كما كان قبل ثلاث سنوات فأهلا وسهلاً ،، الجماهير الهلاليه يهمها الفريق ومن يحترق لأجله ولا تهمها الأسماء |
إقتباس:
أجل كل المدربين عطوه فرصه ؟ اثبتي هالكلام ولك الإعتذار الكامل اللاعب مر بظروف جداً قاسيه بدايةً مع الإصابه اللي كانت تتردد عليه كل ما بدأ يقدم مستوى لدرجة إنه فكر يعتزل الكره في بدايته كلاعب لولا إنه تحلى بالصبر وسمع للنصائح من جميل الخبراء في إجراء العمليه الأخيره والصبر على نفسه ومواصلة التدريبات وعدم العجله للعوده إضافه إلى كل ذلك خوفه من تجدد الإصابه وهالأمر ترك فيه أثر نفسي لأنه يتمنى يسطر إسمه بحروف من ذهب في نادي الهلال .. تجي الحين إنتي ومنهم على شاكلتك يتكلموا في اللاعب .. وينكم عن العابد ؟ وينكم عن سالم الدوسري ولا تغركم الموضه وميلهم لهاا >> يمكن الإسوارات والإكسسوارات الي يستخدموها تروق لكم كثير .. كونكم بنات عبدالعزيز الدوسري ثاني لاعب من مدرسة الهلال بعد محمد الشلهوب أدباً وخلقاً وتواضعاً إضافه إلى كل ذلك حتى مستواه خرافي لاعب يمتلك فكر كروي مو لاعب طقها وألحقها زي باقي اللاعبين اللي علقنا أمالنا عليهم وفي النهايه ولا همهم غير السفر والإهتمام بأحدث قصات الشعر والموضه فيه أسماء في الهلال على الإداره محاسبتهم في سلوكياتهم اللي ما تفيد المنظومه الهلاليه على أي صعيد بالإضافه إلى اللاعب الجوكر سلمان الفرج هاللاعب يحترق من أجل الهلال .. وله مننا الحب والوفاء أما عبدالعزيز الدوسري كل الأماني إن الفرصه تبقى متاحه له من المدرب الجميل دونيسس لأنه فعلاً يستحق نطلق عليه صانع لعب .. مو بس لاعب .. وعلى الجماهير الحاضره في أي مدرج ما تسمح لـ أي لاعب إستعراضي من أمثال سالم ونواف بإستمرار إهدار مجهود الفريق في كثير من الكور بسبب مهاراتهم اللغير مفيده واللي غالباً ما تقدم شي للفريق على مستوى تحقيق بطوله وإنما اثرها في بعض الأحيان يكون على مستوى مباراه لا أقل ولا أكثر نتمنى الجماهير تنظر بعقل وتترك العاطفه والميل تجاه لاعبين أثبتت السنتين الأخيره عدم إستفادة الفريق منهم ومن مستوياتهم الفاشله |
عزوز من سنين ومستواه سيء والآن نفذ صبر الجمهور منه , وبعد صحوة الجمهور والإنتقاد الصحيح للاعب اشوف ان عزوز بدأ يحس بالخطر فهو حاليا يحاول تقديم مايشفع له حتى لايكون تحت تهديد التنسيق , اتمنى من اللاعب مراجعة نفسه وترك مايشغله عن كرة القدم وأن يبدأ بتطبيق الاحتراف الحقيقي ويهتم لنفسه قبل أن يجد نفسه خارج اسوار النادي يبحث عن نادي يستقطبه . التغاضي والمداراه تكون لفترة ولا يجب ان تستمر لسنين اتمنى ان يكون جمهور الهلال ايجابي داعم للنادي وذلك بإنتقاد كل لاعب ينخفض مستواه لأكثر من موسم , مهما كان اسم اللاعب. |
إقتباس:
والدعم والتشجيع بدون اي شروط للفوز وتحقيق البطولات وليس دور الجمهور اختيار الجهاز الفني ومين يلعب وما يلعب الزوري وعبدالعزيز وسالم الدوسري وكذلك العابد تحت الضغط الغير مبرر وقبلهم ياسر القحطاني وإذا استمر الوضع راح بكون مستقبل الهلال في خطر لان الشامخ والكعبي بدا الجماهير في انتقادهم وبكره الحافظ والعمار وعطيف وغيرهم راح يكونوا تحت نفس الضغط وراح نخسر الكثير من اللاعبين |
وآلله محد درآ عنه آلآ فقع مرآرتنآ لآعب نقص بآلملعب و هدر و تبذير بـ خزينة آلنآدي لآعب محظوظ متهآلكـ و يجدد معآهـ آلزعيم بمبلغ مآ يحلم فيه آي لآعب بمستوآهـ |
انا اشوف ان عزوز بدا يستعيد شيء من مستواه وأمس صنع هدف وساهم في الهدف الثالث ويساند الدفاع وقدم مستوى جيد عودت عزوز لمستواه راح يضغط على العابد وسالم بالاجتهاد اكثر لحجز المركز الأساسي اتمنى دعم عزوز وكل الاعبين |
يحتاج النصيحه والدعم والتشجيع |
الله يعطيكم العافية وبالتوفيق للزعيم الملكي |
على اساس انه كل مالعب فزنا عشره ويسجل 6 اهداف بكل مباراه عشان يحارب! اقول لاتطبلون خلوه يلعب زين اول ثم طبلو له |
اعلم يقينا .. واكاد اجزم لو ان لم يكن هناك عقد كبير بين عزوز والهلال والا كان مصيره مثل عبدالعزيز الكلثم .. اللي تنبأ به بعض المتفائلين انه غشيان اخر او حاله كما حال نجوم فرط بها الزعيم مثل سلمان المؤشر .. المتألق حاليا مع الأهلي عزوز كان أساسي أيام المدرب كوزمن.. بجانب طارق التايب ورادوي و ولي هامسون وكان على الدكه الفريدي وشلمان المؤشر وعبدالعزيز الكلثم والشلهوب عزوز موهبه .. ولكن لم تظهر جديّة الموهبه في العوده لمستواها وجماهير الهلال صبرت عليه كثيرا ولا زالت صابره وستدعمه وتشجعه.. ولكن يجب ان يعي اللاعب ذلك جيدا |
اخي الغالي لا هي حرب ولا هم يحزنون اللاعب اخذ فرصته وزيادة وبعقد خيالي ما يحلم فيه احد اللهم لا حسد وصبرنا عليه ونقول ان شاء الله انه فعلا بدأ بالرجوع لمستواه او على الاصح انه يتطور مستواه من مصلحة الفريق تواجد لاعبين ممتازين سواء كأساسي وكدكة بدلاء هذا يساعد على التنافس القوي بين اللاعبين والقتال على الخانة الأن عندنا الأظهره اليمين ياسر الشهراني وفيصل درويش منافسة قوية بين الاثنين ان كنت اميل لفيصل درويش اكثر من ياسر اليسار الزوري والشامخ وهكذا الان اقدر اقول لك ان الهلال سيذهب بعيدا بالبطولات ولكن يجب علينا الاستقرار الاداري والفني ومؤازرة الجمهور وبالنسبة للجمهور اعتب اعتب اعتب كثيرا على جماهير الرياض اللي ماتحضر تحققت كل مطالبنا كجماهير والحمدلله فريقنا في تصاعد بالمستوى من مباراة الى مباراة لم يتبق الا المؤازرة والتشجيع واتمنى عدم تشجيع لاعب بعينه بل تشجيع الفريق ككل كفانا تلميع للاعبين قد يغرهم الثناء |
| الوقت المعتمد في المنتدى بتوقيت جرينتش +3.
الوقت الان » 12:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd