خالد شراحيلي \\ محمد الدعيع
 

السلام عليكم ورحمة الله وبركاته

الف مبروك الفوز امس امام الفتح مستوى ونتيجه والقادم افضل بمشيئه الله ..

موضوعي يتكلم عن الحارس خالد شراحيلي .. \\ اعذروني ع العنوان :d


http://www.al-jazirah.com/2013/20131104/sp_271_1.jpg



صراحه اتمنى دعم هذا الاسد حارس عرين الهلال ..

افتقده الهلال بعد الدعيع وحسن العتيبي مع احترامي للسيدري ..

شرحيلي حارس مميز وهادىء الأعصاب في المباريات عكس السديري يضع الهلال في مواقف محرجه في بعض المباريات ..

ورأيناه امس كيف يصد الكرات بكل برود وهدوء وثقه في النفس !! ، ،

وبرضو اعطيكم معلومه ،، حسب مااذكر ان من لما حرس خالد شراحيلي الهلال هالموسم مادخل عليه الا هدفين بس ،، الاول عن طريق ركلة جزاء مااذكر في اي مباراه ،، والثاني عن طريق نادي الجيل بسبب خطا فادح من الدفاع !

هذي النوعيه من الحراس يصلحون لآسيا .. ويذكرنا بأيام الاسطوره محمد الدعيع

..

آرائكم


اخوكم ابراهيم


شطحه .. الا بقولكم خالد شراحيلي وش يقرب لشايع شراحيلي ،، تراهم يتشابهون كثير

اخوي العنوان موبمكانه الحارس توه صغير وماشاء الله يقدم مستويات مميزة رجاء لاتحطه بمقارنة مع الدعيع يتخدر بعدها شراحيلي يبي له موسمين او ثلاثة يلعب اساسي

أخوي هذا من ناحية الدعم للحارس !

وليش مااحطه مع الدعيع وهو يمشي على خطى الدعيع ! ؟

وهل صار الدعم تخدير ؟!

خالد حارس ممتاز لكن المعروف عنه انه غير منضبط

الله يهديك تبينا نصبر سنتين ثلاث سنوات!! معناته اصبر سنتين ثلاث سنوات عن البطولات.
أنا قلتها في أكثر من موضوع وتعليق إذا السديري حارس ما فيه بطولات ولا فيه آسيا بإذن الله طبعا، وكمان قلت إنه السديري لازم يجي فيه هدف ولو في آخر ثانية من المباراة إلا فيما ندر من مباريات، والدليل قدامك الآن؛ شراحيلي ثلاث مباريات في الدوري بشباك بيضاء ولله الحمد.
فالواجب أن ندعم شراحيلي ونجلب أحمد كسار ونرد الواكد ونبيع عقود البقية.
والله أعلى وأعلم.

خالد شارحيلي حارس ممتاز واتمنى اعطائه مزيد من المشاركات ليعود كما عهدناه الحارس الاول للعرين الازرق

للأمانة لما السديري يحرس مرمى الهلال أحط يدي على قلبي وأقول لنفسي تكفى يا ديقاو الحقنا حتى لو تصدها بيدك صدها:shocking: تدخل الكوره الباب ببلنتي أحسن من تدخل و حارسك واقف مثل الخشبه لكن مع شراحيلي أقول لـ ديقاو لو تبي تروح تهاجم روح هاجم ولا تشيل هم:s4s: لأن فيه جدار وراك ما شاء الله يا شراحيلي.

يالله يا رب انك توفق خالد شراحيلي وتحفظه

اخوي بالعكس انا قلت شراحيلي حارس مميز ولازم يلعب موسمين او ثلاثة اساسي عشان تقول انه يمشي على طريق الاخطبوط الدعيع

الله يعطيكم العافية وبالتوفيق للزعيم الملكي

حارس بطل بطل بمعنى الكلمة

المهم يحافظ على نفسة والتزامه والبعد عن اصدقاء السوء

شوف انك توصله للدعيع معليش كبيره شوي

هو لو ينتبه على نفسه ويستمر على تطوير نفسه راح يصير بإذن الله زي الدعيع

المهم المدرب لا يجلطنا مبارة الثلاثاء ويلعب بالسديري

يعطيك العافية

يااختي هذا دعم :s2:

انا ماقلت انه زي الدعيع

انا قلت انه يذكرنا بالدعيع ،، وحيصير مثله ان شاء الله