|
انصفوا الزوري يا قوم السلام عليكم ورحمة الله وبركاته عبدالله الزوري صنع اهداف في دوري ابطال اسيا وفي الدوري ويسجل اهداف وياما حسم مباريات وهو من الاظهره القليله كلكم شفتوه اليوم اتمنى تنصفونه |
" الزوري أحسه مزاجي , يوم يكون في الفورم ويوم يكون فيه دروب " لكن بإذن الله نتفائل فيه خير , ونقول بداية موفقه له ولعبدالعزيز الدوسري .. |
وعليكم السلام ورحمة الله وبركاته أكثر لاعب سبب بضياع البطولات من الهلال هو الزوري من مائة مباراة يبدع في مباراة واحده فقط ... على ماذا الإنصاف ؟!!!... وأكثر ظهير تصلح له الكور ومع ذلك يفشل فشل ذريع حتى بعرضيه وحده صح .. وما ضيع بطولة آسيا الأخيره إلا هو ارجع للمباراة حتى تتأكد من كلامي انفرادات وشبه إنفرادات قدام حارس سيدني ويلعبها برعوووونه لو هو حاقد على الهلال ما لعبها بالطريقه هذي ... غلطة سامي الوحيده هي التجديد له ما صدقنا افتكينا من نامي والمرشدي جانا هالعله .. بعدين أبدع قدام مين حتى ننصفه !! الجيل !! والله يالاتحاد لعبوا على الإدارة لعبه لا راحت ولا جت قال إيش الاتحاد يطلب الزوري من الهلال حتى يصدقون وهم من تحت الطاوله يخلصون أمورهم مع الشهيل خلوك تصدق إن الزوري مطلوب عشان تاكل المقلب صح ... |
قدم مستوى جيد جيداً هو وعزوز والى الامام ان شاء الله |
طيب وين هالعرضيات يوم كان ياسر يلعب اتحداك تطلع لي مره وحده رفع لياسر ...لكن احس الخانه بتطير قام يرفع ياما وياما ضيع علينا بطولات بانانيته اتمنى لايهمش الشامخ بل يلعب بعض المباريات حتى يتعود على الخانه ...ففيه فرق بين لاعب عاشق للكيان ويريد يثبت وجوده ...ولاعب خايف ع الخانه |
والله ثم والله انه نقطة ضعف في الهلال ؟؟ حتى مع الجيل لم يقدم مايشفع له رغم صناعته العشوائيه لهدف !! وحتى عزوز رغم تقديمه لمحات فنيه في التمرير الصحيح لم يكن مقنع و التالق والنجوميه لديقاو والفرج اما نيفيز والزوري ابداع مع الفرق الصغيره فقط . شكرا لك |
ودي أرد على الأخوان اللي يتكلمون على الزوري أو أي لاعب ودي أقول ألحين لازم كلنا نقف مع الفريق نقف مع اللاعب السيء قبل الجيد لكي يعطينى أفضل مالديه وبعد نهاية الموسم قل ماتشاء عن اللاعب اللي تريده |
اللاعب سيء جداً جداً منذ ُ مباراة الهلال ضد النصر والذي سجل فيها هـو والخثران والمفرج .. وإلى الآن يلعب , ولا يزال البعض يُطالبنـا بدعمه والصبر عليه ! لو كان يتحسن من سنة إلى أخرى لقلنا معكم حق , ولكنهُ يزداد سوء من مرور الزمـن ! نفس الأخطاء , ونفس السلبيات .. لم يتغير شيء ! برود شرود خمول بطء فهاوة كرات عرضية سيئة جداً .. ولا يُجيد صناعة اللعب أبداً . أساسيات الظهير [ لا توجد عنده ] . لاعب سيدخل سن الثلاثين وفي فريق كبير كالهلال , ولا تزال أخطائه هي هي .. لم يحاول حتى هذهِ اللحظة تطوير نفسه وذاته . إذا لم يُقدم أمام فريق من ركاء كالجيل .. فمتى سيقدم إذاً ؟ |
يمكن تذكرون وقت خالد الرشيد والدوخي طلعات ورفعات بالمقاس (يقولون للمهاجم تدلل وين تبغاني احطها لك ) وبعدما مسك الزوري هالخانه مستحيل يرفع لياسر (ضاعت علينا بطولات وانتصارات بالهبل بسبب غيرته ) ياعمي طير نحن للان لاننسى الظهير الذي يفيد الفريق والناس كلها تفهم كوره دائم يبغى حضرته هو يسجل ...كان فيك خير وعندك قدره ع التسجيل عندك الركنيات وايضا لاسنحت لك الفرصه لكن ابغى اذكر طوال مشاركاته كل هالسنين انه رفع او وضع كوره لياسر مالقيت ..قسم لو كنت اداري انك ماتطق الكوره لاخليك احتياط لين تنتهي |
لا هو طلعاته زينه لكن ماذنبنا تعاقب ملايين الجماهير بسبب غيرتك ...لازم تنسى نفسك عندما ترتدي شعار الزعيم انا احب العابد من بين مجموعة اللاعبين الشباب لانه ليس اناني مثله مثل ياسر والشلهوب |
جيد ويحتاج الدعم اكثر وبالتوفيق له بالقادم |
كلمة ظهير تتبرأ من الزوري و سلامتكم |
ممتاز قدام انديه الدرجه ال 100 لكن وضعه مزري في المباريات الكبيره... كل لاعبين الانديه المنافسه الممتازين قد سوو في الزوري مقطع... ما سلم من احد... وحنا نطالب بلاعبين قد اسم الهلال... وما يملا عين الهلاليين إلا اللاعب الي عنده موهبه وقد المسؤليه... اما الاتكاليين و المزاجيين و الانهزاميين و المبزوطين... يخسرون محبه الهلاليين... * طلب علشان الهلاليين الي شافو النعيمه والثنيان وسامي على عزه كباتنه يرفعون الراس... لاعاد تلبسون الزوري الكبتنيه رئفه بصحه الجمهور... الي عنده ضغط وسكر... حتى المراره انفقعت من هذاك المنظر... اذا مب احتراما للنادي والجمهور... سووها رأفه بصحه المسلمين... |
فيه بعض من الجماهير يظن أن أشادتة بلاعب سبق أن انتقده حرام خلاص اذا قال شي لا يمكن أن تقنعه مهما قدم هذا اللاعب كأنك تناقش نصراوي لازم يطلع لك سبب الحكم الدعم الحكومه واذا قلت حفظنا عذرك قال الهلال محظوظ ومثل هؤلاء ليس لهم حل للأسف الزوري رائع وقدم مستوى رائع صنع هدفين وشكل جهه متكامله لوحده وهناك لاعبين لم يقدموا أي شي ولا يستطيع من ينتقد الزوري أن ينبس ببنت شفه لست مع كثر النقد وبالذات حاليا ولكن للمقارنة ! |
راقبوهم وسترون الانانيه بعينها سالم والفرج والزوري وناصر ونيفيز ...وحتى هالجديد كعبي يورالي انه من طينتهم لاتحلمون ببطولات اذا مافيه تعاون تذكرون الجيل الذهبي للهلال يتفننون في صنع الاهداف وهل نقصوا؟؟ وهم للان وسيستمرون ملئ السمع والبصر لاحظ معاي يتفننون بصنع الاهداف وعلى راسهم الثنيان وسامي والرشيد والدوخي والتيماوي هل نقص الثنيان ؟ او سامي لانهم يعشقون تمريرة الهدف؟ بل اصبحوا اساطيرمن جراء ذلك |
| الوقت المعتمد في المنتدى بتوقيت جرينتش +3.
الوقت الان » 02:30 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd