|
( من يختار المدربين في الهلال ـ مارشيلو ليبي فسخ عقده مع الفريق الصيني ـ اتمنى حضوره في المدرجات ) ( من يختار المدربين في الهلال ـ مارشيلو ليبي فسخ عقده مع الفريق الصيني ـ اتمنى حضوره في المدرجات ) ياجماعة غوانزو الفريق الصيني فسخ عقده مع المدرب الايطالي ليش مايتعاقد معه الهلال مع بداية الموسم القادم ويحضر الان للمدرجات ليتفرج على لاعبي الهلال وتحركاتهم ومبارياتهم من المدرجات خلال ال4 اشهر هذي القادمة مع المدرب المؤقت اليوناني . ترى غوانزو الصيني حقق الحلم وجاب دوري ابطال آسيا ليش مانجيب المدرب العالمي هذا إلي جعل من الفريق الصيني له هيبة |
كلام معقول بس تتوقع ليبي بيقعد اكثر من شهر بدون عقد .... وثانيا خلونا نشوف المدرب الجديد عسى الله ينفع به ... |
تمزححح هههه بالله عليك تبي هالادارة تاخذ ليبي سياسيتهم رخيص وكويس من بعد جيرتس. خلنا على المدرسة اليونانية العظيمة حسبي الله عليهم |
إقتباس:
مدرب مابعد وصل واشرف على الفريق بدلا من ان نقف معه نسن السكاكين قبل أن يبدأ؟؟؟ حسبنا الله ونعم الوكيل بس |
عاد لاتشطح واجد شف عقده كم كان مع قوانزو وكم قيمته |
تفائلو بالخير الحقيقه ليست مقياس باسم كبير انه سينجح بالهلال التوفيق بيد الله سبحانه وتعالى ونتمنى من المدرب القادم ان يحالفه النجاح مع الزعيم كالديرون كان ضعيف السيرة الذاتيه وترك التدريب واتجه محاضر بالفيفا جلبه المنتخب واصبح من افضل المدربين الذين مرو على المنتخب االسعودي فلذالك كبر السيفي ولا صغيره ماهو مقياس لنجاح اي مدرب ... انا من وجهة نضري سيبيريا مدرب الاولمبي نجح مع الهلال وكنت اتمنى استمراره لانه فعل في ثلاث مباريات مالم يفعله ريجي في موسم ونص ... حاليا يجب علينا كجمهور ندعم الهلال في الاستحقاقات القادمه .. |
هناك لوبي اصفر موجه في المنتديات يحطم كل شيء ضد النصر ويعمل ضجة كبيرة لكل ما يؤجج الرأي العام للنصر وعندنا هنا افراد يسعون للضرب في خاصرة النادي ومدربيه ولاعبيه من تحطيم معنويات وتشتيت في التوجه والتقليل من عمل الادارة وخلق سلبيات ترجع للوراء اين المشرفين هذا عملكم |
ليبي اعلن اعتزاله التدريب والان يعمل مستشار فني في غوانزو |
يا جماعه مارتشيلو ليبي مدرب من ايام 4-2-4 عالمي و خبرة لكن اكيد ما يصلح للهلال و حتى فترته مع جوانزوا كان اشبه بالمشرف على الفريق ومعه مجموعة من المدربين و المتدربين شكلوا شئ مثل الفرقة التدريبة اذا على كذا فعندكم يوهان كرويف - بيكنباور - بوبي روبسون - فيرغسون - ناصر الجوهر - كارلوس البرتو باريرا !!! يا جماعة هذولا مدربين اكتفوا بماضيهم و كان لبعضهم ميزه فهي ان اللاعبين الكبار الى الان يدينون لهم بالفضل في بروزهم و يقبلون يعملون معهم او تحت امرتهم بالفرق الصغيرة اللي تتوفق بتوقيع مدرب صاحب ماضي كبير |
أي والله إنك صادق من يختارالمدربين في الهلال شيء محيروغريب الهلال له عدة مواسم ومدربينه من عينة المتردية والنطيحة بإستثناء جيرتس فقط والباقي شختك بختك |
يقلقني المدرب اليوناني سيبدأ عمله مع مباراة السد !!! مع الأنسب بعد مباراة السد ويكون سيبريا هو المدرب حتى مباراة السد للاسف القرار الإداري الهلالي متخبط سكت عن إجازات المخرب ريجي والآن يسلم مدرب جديد مباراة مفصلية في بطولة مهمة !!! طيب خلها بعد مباراة السد في أحد مباريات الدوري وبشكل تدريجي مع المدرب سيبريا !! أزمة الهلال إدارية متثملة بالقرارات الغير مدروسة حتى الجمهور صار يعرف أكثر منهم ومنتبه لحيثيات ومعطيات كثيرة لكن ...... |
اعتقد ان عقد المدرب ليبي ب 50 مليون في السنه |
ليبي لم يتم فسخ عقده مع جوانزو ولكن هو من اعلن اعتزاله التدريب واوصى جوانزو بالتعاقد مع الايطالي كانافاروا قائد منتخب ايطاليا السابق لتدريب الفريق ليبي اعتزل التدريب نهائيا |
سبحان الله في بعض الناس الهلال متعاقد مع مدرب وحاضر التدريبات وقاعده تقول ليه مجيب المدرب الفلاني والعلاني يا ناس خلو الهلال في حاله يعني يجيبون مدرب عشان يضغطون المدرب الحالي ويفشل خلاص اعتقد ان الهلال فيه رجال يعرفون مصلحة الزعيم وين وماعلينا الا ان نشجعه فقط |
استمرار لضياع الهلال من جديد بآبعاد سيبيريا واسناد المهمه لدينيس اللي مايعرف شيء عن لاعبيه الهلال الله يستر عالهلال من هالاداره الفاشله بس |
| الوقت المعتمد في المنتدى بتوقيت جرينتش +3.
الوقت الان » 04:43 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd