خالد بيومي ..... مدرب الهلال قليل الامكانيات ولن يفيد الهلال حذر المعلق والناقد الرياضي خالد بيومي إدارة الهلال من التعاقد مع المدرب اليوناني جورجيوس دونيس واصفا أياه بالمدرب القليل الإمكانيات ولن يفيد فريقا بحجم الهلال في هذه المرحلة المهمة، وقال بيومي على حسابه الشخصي في موقع التواصل الاجتماعي :"بلغو إدارة الهلال أن المدرب قليل الإمكانيات هناك من هو أفضل بكثير، مثلاً برانديلي الإيطالي مدرب منتخب إيطاليا السابق"، وتابع :"لكن أتمنى له التوفيق لأنه مع نادي زعيم يلعب على كل البطولات يمتلك جمهور سحره في إخلاصه مهما كانت الأسماء". والله علامه استفهام على تعاقدات اداره الهلال مع المدربين ..... الهلال ما ينفع معه الا المدرسه الارجنتينيه او الاركوادريه .. لامهم يلعبون بطريقه هجوميه |
مع إحترامي لـ بيومي .. بس كيف عرف أنه لن يفيد الهلال ؟ والمُدرب ما درّب بالشرق الأوسط خير شر ؟ أنا لا ضد ولا مع المُدرب الجديد .. إذا جاء هي كلها فتره أربع شهور وإذا له بصمه واضحه مع الفريق أتمنى يكملون معاه لأنه تعبنا من كل 11 شهر إقالة مُدرب ..؟ والمتضرر الهـلال والمُنتصر الجمهور .. والخسران الكيان كله !! وبالنسبه لنقطته أنه فيه مُدربين كثار .. ماعليش إقالة ريجي صارت في نص المُوسم .. وصعب جداَ تلاقي مُدرب بيستلم فريق جماهيري بنص المُوسم .. والأشخاص المستلمين الملف أعلنوا عن ثلاث أو أربعه مُدربين متاحين خلال الفتره لكن بعضهم شاف مزايا ريجي .. بنتلي وعقد ضخم .. قاموا يتشرطّون ويبغون مثله وأكثر .. وهذا من حقهم لأن لدينا جمآهير ترفع لاعبيـن للنجوم .. وإداره تـدّلل الطاقم الفني بكل مُناسبه وبكل تأهل لـ نهائي .. فـ لا تلوم المُدربين بيتشرطون ويبغون عقد جزائي وبنتلي له ولزوجته .. ويمكن يقولهم بعد دخلـّوا ولدي بـ برنامج الإبتعاث بعد من ضمن الشروط .. فـ هي كلها 4 شهوُر .. تجاوبوا اللاعبين معاه ضبط الفريق .. وإذا قاموا اللاعبين يتدلعون ويشوفون حالهم ويوصلون للغرور .. ويهبط مستواهم كلهم مع بعض فجأه وكل واحد ضمن مركزه وخبطوا بالفريق.. عشآن يقيلون المُدرب .. بيطير المُدرب حاله حال اللي قبله..ونقعد حنا نلوم الإداره !! :) والله يوُفق آلهلال |
كل شي راح يببن بالمستقبل لا تستعجلون .. ، |
تمنيت استمرار سيبيريا لنهاية الموسم بعدها نجيب مدرب ممتاز يبدأ مع الهلال بالموسم الجديد |
اعصابك ياحبيبي... ترى موقعين معه لنهايه الموسم... تحمد ربك تلقى مدرب مقبول ويمشيلك الامور في منتصف الموسم... واذا طلع فعلا دون مستوى الهلال فبالتأكيد سيتم انهاء التعاقد معه... ** اما بالنسبه لبيومي.. قله انديه الدوري المصري ياما وقعت مع مدربين سكّات زيه ولا سمعناه يتفلسف... مب شرط المدرب يكون خارق... اهم شي يكون عنده علاج مشاكل الفريق... ويكون قائد وموجه للاعبين |
على اساس كوزمين يوم جانا كان اسطورة |
اتمنى من كل قلبي انه ينجح واذا الله لا يقول مانجح فبعض الجماهير تستأهل لانها هي السبب فما حصل للهلال واعتقد الكل او بعض من الجماهير سمعة الامير خالد بن طلال ايش قال عن سامي وان بعض الاعبين مايبيه و الان مع ريجي أتوقع ان فيه ثقافة بدت تتجلي في راس بعض لاعبين الهلال اتمنى استئصالها قبل لا يتمادون الا وهي المؤمره ضد مدرب او رئيس وبعض الجماهير تشن حمله في ابعاد هذا المدرب او الرئيس ولا ايش سوا الامير عبدالرحمن و ريجي حتى تقوم عليهم حمله اتمنى بس مانندم على ريجي مثل توماس دول |
انا كنت متضايق ومتخوف بس بس تصريح بيومي بديت اتفائل واحس انه مدرب ممتاز لان بيومي هذا من اكذب وافشل المحلليلن الي عرفتهم واذكركم يوم طلع مع الفراج وقال مسوي نفسه مصادر والهلال بيتعاقد مع رافينها .. وطلع ما عنده اي سالفه .. ودايم تحليلاته غلط في غلط .. لذا انا متفائل انه مدرب ممتاز وبديت اقول الله يجيبه |
إقتباس:
سجلوا معي بداية النقد المبني على هوى بدأه عنقود وسيتواصل نحن نحث على التكاتف والوقوف مع الزعيم في هذا الوقت العصيب والمشرفين يساعدون المرجفين على افعالهم؟؟؟ |
اول شي من يكون بيومي حتى ينتقد المدرب وثانيا كيف حكم علي المدرب وهو مادرب الهلال والله من مدرب مغمور نجح اكثر من مدرب مشهور فاعتقد انه استعجل بالحكم على المدرب قبل أن يبدأ |
ياسبحان الله بدينا باالتحطيم والمثل يقول مجهز العصابه قبل الفلقه لاتنسون أوسكار وكوزمين وزلاتكو وغيرهم كثير اطلبوا ربكم انه يتوفق مع الزعيم الملكي والمرحله القادمه خطيره وحساسة جدا جدا جدا وربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين |
خسارة عدم استمرار سيبيريا مدرب حماسي ؟ لكن اسأل الله التوفيق للزعيم في جلب مدرب يستاهل الهلال |
اوبيل نيقوصيا لعب بمجموعة الريال وليفربول بدوري الابطال وكان فريق ممتع واحرج كبار اوروبا اعتقد ان الهï»»ل سيقدم كرة ممتعة مع هالمدرب |
يا اخي الهلال من يصنع المدربين وليس العكس ، الله يوفق المدرب الجديد في الهلال ويوفق الزعيم في المرحلة القادمة اللهم امين |
اعتقد ان المدرب امكانياته ضعيفة جدا وهو مدرب طواري اتمنى التوفيق للهلال |
الوقت المعتمد في المنتدى بتوقيت جرينتش +3.
الوقت الان » 04:34 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd