|
الامير طلع وزلت لسانه ان اقالة سامي مو لامور فنية كان وراها شي وشي كبير وماراح يرتاح سمو الامير الا لما يطلعه في اقرب مقابلة وحتى وان كانت اقالة سامي لان الاعبين ما يبونه هذا كمان مصيبة اعظم لان الاعب وظيفته يلعب مو يتحكم في النادي وهو يسير لتحقيق اللقب القاري وانا اشوف اعضاء الشرف قاموا يخربون على الفريق اول ما يرجع لوضعه الطبيعي وهذا اللي ماتعودنا عليه في الزعيم ووراه سر بعد فية اشخاص خايفين من عودة الزعيم لانه لو عاد هالشي مو في صالح النادي الاصفر يعطيك العافية |
.. لعبتك ياالشبح انت وغيرك ... حصلتو اللي تبون كلام مع احترامي له مضحك.....! ايش سوى سامي بالارقام والدلائل: سامي رجع نيفيز تعاقد لكم مع الشمراني رجع ياسر 2007 ضبط العابد اكبر نسبة تسجيل اهداف عرفها الهلال اكثر نسبة فوز في تاريخ الهلال نافس على بطولتين وخسرها بسبب " الفساد التحكيمي: وصل الهلال لدور الثمانيه في اسيا اللي مدربين عالميين مع الهلال عجزو يوصلون له.. نظف النادي من الجواسيس والمتمصدرين. تفعلت بوجوده المسؤليه الاجتماعيه في النادي. اشك ان بلا الهلال منه وفيه... وسبب خسارة سامي الدوري ، وكأس ولي العهد امر مدبر !!!!!! الحين عرفنا ليش الهلال خسر اسيا وخسر كأس ولي العهد والاعب " غير المنضبط ضيع ركلة الجزا!!! يقول : تعالى ( وعزتي و جلالي لانصرنّك ولو بعد حين ) .... وعرفنا ليش الله ابعد سامي مع فريق الوحده عن ملاقاة الهلال خيره له قسم بالله... اجل خطف منهم الاضواء!!! ايه الاساور والسفريات والسهر بعد خطفها اعذار غريبه مع الاسف.. وكل ماتعدل حال الهلال خرج عضو شرف وخربها ورجعنا للخلف. |
إقتباس:
وانتي صدقتي ان الاعبين مايبون سامي!! بس لاعبين اثنين هم اللي مايبونه عشانه ضابطهم صح..... وبعض الاعبين يراعي اعضاء الشرف مايقدر يقول لا لهم...! يخاف اللي ابعد سامي سوس اصفر نخر بعقول بعض للاسف من نعتبرهم اعضاء شرف... امر مدبر ... |
إقتباس:
|
إقتباس:
ماقد شفت حماس الاعبين واصرارهم على تحقيق اللقب الاسيوي الا مع سامي ومحد جبر الجمهور ع الحضور وامتلاء الملعب الا تواجد سامي حتى فنيا سامي نجح بنقل مستويات الهلال الفنية للقمة وصار الفريق يتقن المرتدات والكور الثابتة والركنيات انتجت منها اهداف والعكس تماما بعد ما مسك ريجي الفريق اختفى كل شي كان مميز بالفريق مع انهم دعموه بكل قوه لاثبات انه افضل من سامي صحيح الهلال خسر اللقب الاسيوي بالتحكيم لكن اشوف ان المدرب كان اكبر من التحكيم في خسارة الهلال طبعا استمروا بالتعذر بالحكم وهو اقل ضرر من المدرب واكاد اجزم لو اننا قابلنا الصيني او الكوري راح نطلع بنتيجة ثقيلة سيدني من هجمتين هدف كيف لو قابلنا فريق الفريق الصيني والكوري لكن اللي يقهرك لما الفريق يسترد بعض من عافيته ويرجعون للتعاون على اسقاطة وقلتها فية ناس ضد رجعة الهلال لمنصات الذهب كلها بسبب نادي واحد الهلال منافس وراح يستمر بإذن الله منافس لانه ينافس بشرف والايام كفيلة بفضح اشياء مخفية |
انتم هالحين ياللي مقروشين روسنا بسامي ترى الهلال مرعليه مدربين كبار والغيت عقودهم وهم محققين بطولات كثيره وسامي لم يحقق شئ بل خرجنا من البطولات ذلك الموسم وهزمنا الفقر من سنوات ماتجرا علينا والان متصدر لاتكلمني كله بسبب ارتفاع معنوياتهم بعدما هزمونا مرتين لماذا هزمونا مرتين ؟ لان سامي شخص عادة له التسلط على النجوم الكبيره في الهلال اما بالتحريض عليهم او التسلط كمسؤول زملائه السابقين الاكثر منه نجوميه حرض عليهم حتى انتهوا من الملاعب وعندما صار مدرب ركن ياسر احتياط حتى انه لايلعبه الا اذا خسر الفريق وطارت الطيور بارزاقها وعندما شعر بضياع البطوله اخر الدوري اشركه اساسي زانت النتائج ورد له اعتباره بهزيمة الفقر وتسجيله هدفين كان مركز ع الشمراني ويوعز للاعبين بتزويده بالكرات ليصبح هداف الدوري وحتى نيفيز كان متصدر الهدافين وصار يركنه بالدكه حتى يتعداه الشمراني وهذي اهم اسباب ضياع الدوري هذي لم نعهدها من اي مدرب يركز على لاعب ياخذ الهداف ويضع الحصول على البطوله في المرتبه الثانيه ....هل هو حبا في الشمراني ؟ اما كيدا لنجوم اخرين افضل لاعب موهوب في السنوات الاخيره نواف العابد لماذا لايهتم به بدلا من اهتمامه بابو الهوشات الشمراني دوري بطال اسيا اول شئ للمعلوميه كدنا نخرج من الدور التمهيدي وبعدما اشرك ياسر اساسي جت النتائج جيده وتاهلنا (اذا في الدوري تعدلت نتائجنا في الاخر بعدما اشرك ياسر ...وفي ابطال اسيا تعدلت النتائج بعدما اشرك ياسر) للمعلوميه تغير نظام البطوله عن السابق ونظام المجموعات هو من انقذنا الشمراني بعد اقالة سامي سجل هدفين بمباراة العين ....واخفق في النهائي ولا دخل لابعاد سامي ...حتى مع سامي بنهائي ولي العهد لم يسجل وفي نهائي الخليج مع لوبيز لم يسجل فانتم كانكم تخاطبون ناس لاتتابع ولاترى |
يحمد ربه سامي ويحب ايده ع المقلوب ان رئيس الهلال جعله مدرب للهلال وفيه ناس احق منه ماحصلوها ..زوعرفوه في الخليج والان يطقطق عندهم مدرب لعله ينفع ويصير كوتش حقيقي بالعكس الفقر يتمنوننه يعود للهلال |
أزعجوا الجمهور بإنسوا سامي طلعوا هم ما نسوا سامي !! الرسالة الخطيرة من هذا التصريح هي رسالة للاعبين أنكم أنتم من تتحملون المسؤولية فأنتم أقلت سامي على رغبتكم (إذا صح ذلك) وأنتم من أقلتم ريجي بعدم إنضباطكم والآن لابد أن تقدروا جهدنا !!!!!!! المهم عندهم أن أعضاء الشرف قدموا ما لديهم ورايتهم بيضاء وأنتم تحملوا المسؤولية يا لاعبين !!!!!!!!!!!!!!!!!!!!!!!!! وبكره يقلبوا على الجمهور وجعله شماعة -الله يستر- هذه الرسالة مقلقة وستسبب ضغط لللاعبين في معترك الآسيوية !!! أتمنى بعد تصريح خالد بن طلال لا يعقبه تصريح أو محاولات ترقيع يكفي ............ الهلال يحتاج الهدوء إن لم تستطيعوا الدعم !!! |
للاسف الهلال لم يستقبل كم من الاهداف في مرماه ودفاعاته هشه الا في عهد سامي الجابر يعتقد التدريب هجوم فقط دعو سامي فيحتاج لوقت طويل جدا واذا لم يعرف عيوبه في التدريب.. ويعالجها.. سيتخبط وتطول غيبته .. ولكي يصبح مدرب حقيقي وليس من كرتون ومن نسيج الخيال.....والنهائيه الحزينه.. |
إقتباس:
الحين اقدر اقسم انك مندس....انت وكاتب الموضوع.. الله يشغلك في نفسك ويبتلك بما يلهيك عن الهلال ... كلام اقل مايقال عنه كلام حاقد الله يعينك على نفسك سامي ركن من اركان النادي اللي رفع شان الهلال لاعب واداري ومدرب... وخط احمر تتكلم عنه انت وامثالك.... لكن الشرهه ماهي عليك على اللي طلع يبربر مع الفراج... ولا يجي نقطة في بحر انجازات سامي سامي الان مدرب نادي الوحده الاماراتي اللي يعتبر من اعرق الانديه في الخليج.. وانت موت بغبنتك واللي بالي بالك قاعدين الناس يضحكون عليهم بسبب بربرتهم اللي كل ماالجمهور نسى الموضوع رجعوو يبربرون مع الفراج وغيره... |
معلومه خطيره اتمنى ينتبه لها جمهور الهلال فيه ناس طبعا مندسين " يستخدمون اسم ياسر في الاساءه لشمراني والاساءه لسامي الجابر ... يعني يحاولون يضربون الهلاليين في بعضهم ،،، وهم انفسهم من شاركو بتحطيم ياسر القحطاني ... ياسر بري منهم |
إقتباس:
ولكن سامي استفاد من الثنيان اكثر من كل المدربين فكان يحاكي او نقل يقلد الثنيان في الوسط حتى اتقن بعضا من لعب الثنيان علما ان الثنيان مهارته لاتقارن والثنيان يعود يدافع اذا انقطعت الكرات ...فلماذا لانسستفيد من الثنيان ...فهو المدرسه حقت سامي ...بدلا من التباكي ع سامي |
إقتباس:
هل تعرف ابو ثنين والموينع والتيماوي والحبشي وشريده هؤلاء افضل منه حتى حفل اعتزال مااقيم لهم وهو سووا له حفل ماحصلش لكن اركد الله يهديك ...........ياما في الهلال من مظاليم وفيه مدربين اثبتوا انفسهم قبله وببطولات ولا احد عبرهم ...مالكم مركزين عليه ...نتم اقاربه تبغون تسيطرون على النادي ماتقدرون |
إقتباس:
طيب ياجدي خاف الله في نفسك وروح استعد لصلاة الجمعه .... ومعلومه سامي طور الهلال والفكر العتيق اللي عشش عليه العنكبوت... عضو شرف يجي يشوت كور قبل المباريات ويحضن الاعبين ويطلع يتحدا فكر قديم منقرض الا في الهلال.. مع الاسف مابقى الاتقول زمن فهودي وابن نصيب والملاعب الترابيه انجازات سامي وحدها ترد عليك :alzaeem: :yes: |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 01:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd