خمس خطوات لازم يطبقها كل هلالي ... 1-2-3-4-5 مهم جدآ ...! - نادي الهلال السعودي - شبكة الزعيم

مهتم7 · #1 20/02/2015, 11:10 AM

السلام عليكم :

ندخل بالموضوع ،،

فيه هلالي عاشق وفي قال كلام عظيم

ويستحق ان نذكره هنا وفي هذا الوقت
قال :
الهلال صديقنا ..
والصديق اللي افرحنا كثيرآ لسنوات
الان يحتاج وقفتنا معه
النذل هو اللي يتخلى عن صديقه..

{انا خويك في الليالي المعاسير والا الرخا كلن يسد بمكاني""

الحمدلله بشائر الخروج من الازمه جت بعد الاجتماع الشرفي الهلالي ليلة الامس ..
والان الهلال ولله الحمد يعود للمسار الصحيح والاستقرار والاعبين وعدو بتقديم الافضل. حتى لو فرصة تحقيق الدوري انتهت لكن مازال فيه الاهم وهي الاسيويه وكأس الملك ...

احبابي جمهور الهلال الوفي فقط..
نعم الجميع لهم اخطا
لكن كل هذا لازم يكون ماضي وننساه ونفتح صفحة جديده

من يستغل موضوع سامي الجابر ويحاول يرجعه ويتكلم فيه ويتلاعب بعواطف الجمهور " خلاص ياخي اترك هالسالفه اللي سمجت وصارت قديمه"
سامي الحمدلله الان هو مدرب فريق الوحده اللي له تاريخه في الخليج ويحسب له الف حساب.. الله يوفقه معهم ..
اعضاء الشرف ورموز الهلال لهم كل الاحترام ولازم نسامحهم وندعمهم..

الان المطلوب من كل هلالي وهلاليه تطبيق خمس خطوات لو طبقناها راح نكون على قلب واحد :

خمس خطوات احفظوها :

1- التوقف فورآ عن اي انتقاد واساءه لاي رجل يعمل في الهلال او اي لاعب. .
2-الغاء متابعة اي شخص في تويتر يسب الهلال يعني على طول عطه بلوك" الحذر من اي شخص يكتب في المنتدى ويحاول يشوشر بمواضيع ضد الاعبين.. او يجيب اخبار كذب " وياكثررررهم " وهم يعرفون انفسهم..
زي موضوع قريته قبل شوي من انتصر المعارضين او مدري ايش !

اقوله انتصر الهلال بعودة الجميع وتكاتفهم لمصلحة النادي

3-الحضور لمن يستطيع للملعب يوم السبت في مباراة الهلال والاهلي في جده. والمباريات اللي بعدها.
4- عدم الاهتمام في نتائج مباريات الانديه الاخرى في الدوري والافضل لاتتابع اي مباريات الا مباريات الهلال فقط.
5-الحذر من هولاء الاشخاص اللي يدسون السم في العسل وعملهم المحدد لهم اسقاط الهلال
وعدم متابعة برامجهم او الاهتمام في تغريداتهم...

البرامج الموجهه ضد الهلال
برنامج في المرمى " بتال القوس"��
برنامج " كورة " تركي العجمه��
برنامج " اكشن يادوري مع المرتزق وليد الفراج...��
البرامج اللي تقدم في الخشبيه..��

بنسبه لي ماعاد اتابعهم ابد قسم بالله ولايهمني اي برنامج لاني متاكد انهم مشغلين انفسهم في الهلال ومصدر رزقهم ووجودهم واستمرارهم هو الهلال ....

وياليت لاعبين الهلال وادراته يرفضون الخروج في هذه البرامج !!

عدم تصديق الصحف المحاربه للهلال او الاهتمام فيها:

الرياضي��
النادي��
العربيه نت��

اللي يطلع اخبار ويقول من مصادري الخاصه ويتلاعب في الجمهور ترا هذا بذات كذااااااااب و عطه بلوك وياكثرهم في تويتر...

لاتصدقون شي عن الهلال الا يكون مثبت â›” في شبكة الزعيم .. مثبت ماهو مواضيع اعضاء..

.... الهلالي اللي صحيح خايف على مصلحة الهلال يوقف كل شي الان..
ويغرد ويكتب اللي ينفع الهلال مايضره.

(اللهم اني بلغت اللهم فشهد)
واعوذ بالله من كل مندس بيجي الحين وبيقول لازم ننتقد ويسوي فيها البطل المغوار ونفسسسس الخطه

ويحاول يرجعنا ورى لانه مايمل ولايتعب من الشوشره والتلاعب بعواطف الجمهور ..

وانا ابدا بنفسي من الان وعد اتوقف عن الانتقاد للعابد اللي كثير انتقدته الا اني لازم اتوقف عشان مصلحة الهلال" العابد وزملائه بشر" ارهقو كثير ولازم نستوعب هالشي ونفتح معاهم صفحه جديده... تبدا من بكره ...

وصلى الله وسلم على نبينآ محمد ...