|
نفسي اعرف وش دراكم ان نواف ماهو منضبط مسوين مباحث عليه تلاحقونه والا ايش قصتكم ...كلنا نشوفه يتمرن مع الهلال وهو حربكيفه ترى حتى الشيبان يسافرون برا ماوقفت على لاعب شاب تبغون تحرمونه حتى السفر المطاوعه الغنام والمفرج ماسلموا منكم ....والعابد ماسلم منكم ..................ايش تبغون بالضبط |
يا عيال اللي شاف نواف العابد وهو لابس الاساور والخرزات وهو لابس شعار الهلال يعرف ان ماكان عندنا اداري صارم بالنادي ابدا اقسم بالله لو انا مكان المفرج كان من شفته بالمطار لابسها فصخته اياها غصب وقلت له يا بزر انت لابس شعار الملكي مظهرك وانت لابس الشعار يكون مظهر انيق مو خرز وخرابيط ولو مافصخها وعابط كف على جبهته وارجع لبيتكم لكن للأسف واضح ان ماهنا لا مدرب ولا اداري صارم بإذن الله يجي مدرب وانا بشتري له خيزرانه ومحفور عليها اسم نواف مع كم لاعب |
اجل يقول : بعيدا عن الغرور انا لاعب مو سهل !!!!!!!!!!!!!!! سلامات ؟ لاعب صغير قدام الهلال |
إقتباس:
|
للأسف هالنوعية بالذات من الاعبين صعب تتغير الا ان هداه الله ويارب يهديه ونشوفه لاعب منضبط يظل ابن النادي ونتمنى له الخير وندعي له بس ياصاحب الموضوع الاعب المخلص ما يسحب على النادي يومين والسبب عيد ميلاد !!!! حتى تصريحات الاعب توضح لك سبب مستواه العابد شايف انه اسطورة للأسف وهو مو فاهم انه مو قادر يسجل ولا يصنع ولا حتى يحرز ضربة جزاء !! الاعب متعالي في كل تصرفاته وتصاريحه للأسف |
والله العابد لاعب موهوب لا ننكر لكن وش الفايدة منه اذا هو خسرنا بطولتين في سنتين ورأى بعض شكله دعوة سامي الجابر لا انه هو اكثر لاعب فرح بعزل سامي عن الهلال الرئيس طيب وريجي شديد وهو وباقي الشله من اللاعبين الشمراني ونيفيز و سالم و ....... أطاحوا بسمعة الهلال لا انهم يبون يسهرون بالليل وتكون التدريبات صباحية فقط طيب أنتم تتسلمون رواتبكم بالالف وأنتم والله ما تستاهلون ولا تلعبون من اجل شعار الهلال حسبي الله ونعم الوكيل أحرقوا أعصابي |
إقتباس:
بالله عليك جيب مباراه حاسمه أو مباراه كأس انتهت على يد العابد .. لو تجلسس تفر ما بتطلع بنتيجه ياخي العابد انتهى ومستحيل يرجع لانه شايف نفسه وطيشه اقوى من عطائه مستهتر إلى أبعد حد ما يفرق بين المباراه الحاسمه والمصيريه والتمرين يميل للإستعراض ويميل بشكل اكبر للموضه ما ادري مين ضاحك عليه وقايله إنت علامه فارقه في الهلال |
في عهد سامي إداري او مدرب الانضباط موجود 100% في عهد سامي (إداري ) مع جريتس هذا سبب البطولات الأنضباط .. عندما غادر سامي الجابر وغادر جرتس غاب كل شي حتى البطولات وليس الانضباط فقط 3 سنوات والهلال يترنح . بعد عودة سامي للهلال مدرب عاد الانضباط وانفضحوا غير المنضبطين ومن ضمنهم نواف العابد يريد ان يسرح ويمرح بمزاجه ولا يريد من يردعه مما اثر على نفسيته فعزله سامي الجابر عن الفريق ومن ثم تدخلوا اللاعبين بالتوسط له عند سامي الجابر لاعادته فأعاده حتى والده تدخل بالموضوع لاعادة مستواه وكان والده يحضر للملعب الله يحفظ لنا ولكم والديكم . ولكن عودته جأت هزيلة لانه داخليا اصبح لايتقبل سامي الجابر رغم ان سامي الجابر جعله يحمل اشارة الكبتنية ليعود في اغلب المباريات وتهيئته نفسيا لان سامي يعرف ان لدى هذا اللاعب الشي الكثير ولكن للاسف بعد قدوم ( ريجي ) يصرح بالصحف ان شخص كان يقف في طريقه ورحل .... ولكن ليس هذا موضوعنا ... الهلال لايقف على لاعب يوجد مواهب في الهلال سوف نراها بحول الله وقوته ولا نقف على اشخاص لايريدون غير مزاجيتهم على حساب الهلال فهم غير مأسوف عليهم مهما كانت اهميتهم ..... الهلال يلعب للجماعة وليس لفرد مهما كان تأثيرة اذا تأقلمت الجماعة مع بعض يختفي دور الذي يعتبر نفسه اهم من الهلال .. نداء لنواف ولغير نواف انضبظ في عملك لان هذه وظيفتك لانكم تقبضون اموال حتى الوزراء لايحصلون عليها وكذلك انضبظ لان الهلال كيان لايستهان به او يعبث به وراء هذا الكيان رجال وجماهير لاترحم المقصرين او المتهاونين او المستهترين او المزاجيين ليس لهم مكان بيننا من تعالى على الكيان فمكانه خارج هذا الكيان وغير مأسوف عليه ... الهلال الكل يتمنى ارتداء قميصه هناك لاعبين في انديه اخرى يشجعون الهلال ولكن لم يجدوا فرصة الا في اندية اخرى وهذه حقيقة .... فعلى لاعبين الهلال التمسك بالفرصة والتفكير بالكيان اكثر من المادة لان المادة تذهب وتأتي اما سمعت اللاعب وانجازاته تبقى على مدى التاريخ مع الفريق ... على اللاعبين عدم الأنجراف وراء عدو اللاعب ( الغرور التكبر التعالي المزاجية رفقاء السوء السهراستغفال الناس الدخول في منازعات مع الجمهور ) ... هذا وبالله التوفيق وصلى اللهم على نبينا محمد وعلى اله وصحبه وسلم .. |
| الوقت المعتمد في المنتدى بتوقيت جرينتش +3.
الوقت الان » 04:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd