|
:: الفريق الأول بحاجة إلى إداري انضباطي :: تحية خاصة لكل الزعماء .. ربما لا يكون وقتا مناسباً لكتابة هذا الموضوع .. كلنا نعرف فهد المفرج اللاعب والانسان .. الخلوق والمحبوب .. اعرفه شخصياً .. واحبه كثيراً .. وبرأيي المتواضع .. أن الإداري يجب أن تتوفر فيه صفات وشروط .. حتى يستطيع مقارعة اللاعبين الكبار .. والتعامل معهم .. ليس تنقيصاً في حق فهد المفرج ابو عبدالله .. ولكن هناك فوارق بوجهة نظري .. من تلك الفوارق .. ان هناك لاعبين أكبر من فهد المفرج سناً وخبرة .. ومكانه جماهيرية .. لذا فالتعامل مع هؤلاء يجب أن يكون بحنكة ودراية .. وخبرة .. وحسن تصرف .. فمن باب أولى أن يكون الإداري ذو خبرة .. وله كلمته وحضوره أمام اللاعبين والجمهور .. كسبيل المثال وليس الحصر .. فهد المصيبيح .. من يعرف فهد المصيبيح عندما كان ادارياً للفئات السنية .. واطلع على عمله .. يعرف ما اعنيه وما اقصده .. حيث كان صارماً .. شخصية قيادية .. شخصية لها حضورها وكريزما خاصة .. يفرض رأيه .. ويحترم .. لذا أرى أن يكون بداية التصحيح .. بوجود إداري اكثر خبرة .. و اكثر دراية وحضور .. ويهابه الجميع .. ويكون انضباطياً بالدرجة الأولى .. |
الاداري الانضباطي يحتاج الى عضو شرف انضباطي .. لان الاعب المدلل مع اول تصادم بينه وبين الاداري المسؤل عنه رفع جواله وكلم عضو الشرف اللي بدوره يطلب من الاداري عدم التعرض للاعب"المدلل" اكيد المصيبيح شخص وجوده نادر وايامه كانو رؤساء الهلال معطينه الصلاحيات لكن المفرج ماعطوه مثل هاالصلاحيات ومعاقبة الاعب غير المنضبط عقوبه ماليه.. لان العقوبه الماليه هي اللي تردع الاعبين ... اخصم عليه واكرفه في الملعب هذا الصح... لكن توقفه وتحوله للاولمبي ماسويت شي انت عاقبة النادي .. ماعاقبة الاعب المطلوب من ادراي يضبط الاعبين بشرط عدم تدخل احد في عمله.. |
اتفق معك لكن قبل كل شي لابد الحزم من الرئيس على اللاعبين المقصرين والعدل والمساواة اذا غاب العدل مستحيل تجد عطاء وإخلاص من اللاعبين اجل نواف العابد يغيب ويرجع ويلعبونه اساسي ويسافر ويسهر الى الفجر ولا احساس ولا شي وناصر مطرود من الشباب لسوء سلوكة وتصرفاته ويخافون يأثر على المجموعه لانكر انه لاعب هداف ولاعب مميز بس وش الفايدة غير منضبط ولا يقدر يتمالك نفسسة واللاعبين يتأثرون منه وسالم لاعب مهارة لنفسة مايفيد الفريق لعبة فردي نسبة 80% وش الفايدة يقتل هجمات الفريق مشكلة الهلال محتاج مثل روح وحب واخلاص الفرج وديقاو |
شرفتني بحق .. شكرا لكلماتك واشاطرك الرأي .. على الرحب والسعة |
مهتم .. رجة .. شكرا لكم .. |
كان عندنا سامي اداري صح وانظباطي صح ولاكن رماه بن مساعد في وجه المدفع |
فهد المصيبيح منسي ....وهو من افضل الاداريين عدلا وامانه وخلقا وانظباطا ...وهو لين هين لكن في انظباط فهد المصيبيح فقده الهلال |
المشكلة في ان بعض اللاعبين ومابي اذكر اسماء خوي الامير فلان او حبيب الامير علان عضو الشرف الداعم وهذا سبب تدهور الرياضة الحل الرهيب والانجع هو اكتفاء الاندية ذاتيا من مداخيل تجارية للتخلص من ما يسمى " هيئة اعضاء الشرف" فهم يتحكمون بكل شيء وفق اهوائهم بسبب ملايينهم التي اجزم لو احدنا يملك قدرها لأنفقها على النادي وبلا منه وذلك بكل بساطة اننا عشاق للهلال ولسنا نبحث عن الشهرة والترزز |
لكن كيف سيكون انظباط في احتراف ( حرية الانتقال للاعب ) ؟ |
أخي مهموم ولحالي : كان عندنا سامي اداري صح وانظباطي صح ولاكن رماه بن مساعد في وجه المدفع .. شكرا لمرورك اسعدتني .. قد اختلف معك في بعض المصطلحات التي لا تليق بزعماء .. |
المجهر .. كلامك صحيح .. وندعو له بالتوفيق في أي مجال كان .. |
أبو مشعل .. كلامك في الصميم .. عداك العيب .. هذا مشكلة الوسط الرياضي بصفة عامة في مجتمعنا السعودي .. |
كنت اتمنى بقاء سامي كإداري وليس مدرب ولكن عنده طموح اكبر وكن حقه المفرج شخصيته ضغيفه ولا يقدر يسيطر حتا على نفسه فكيف بيسيطر على غرور الشمراني والعابد والدوسري اما لو يخلون النعيمه اداري والله ان تشوف الاعبين منضبطين لان مثل هالاشكال والمبزره ما لهم الا من يضغط عليهم لان ماهم بوجيه احترام واعتقد ان الوحيد اللي راح يربيهم هو النعيمه ولا غيره |
الادارة فن مبني على علم وليس كل شخص جيد او صالح او حتى نجم موهوب يستطيع ان يكون ادراي تحياتي |
ياليت العلة كانت في المفرج وحدة لكآن الحل بسيط وسهل ! لكن العلة والمرض اللذي فالهلآل متغلغل في جميع إدارة الهلال الحالية ! لاتحاولون تلقون التُهم على المفرج وحدة وكإنة المذنب الوحيد وسبب كل هالضياع ؟ لمى كان سامي الجابر في محل المفرج كانت لدية الصلآحيات الكاملة هذا غير دعم ابن مساعد لسامي وهذا غير القوة اللتي كانت فالهلآل اصلاً لإن كان لديهآ طموووووح وهدف تسعى إلية ! مو مثل الأن تركو الفريق لوحدة يُقاتل والمتحكم بالفريق أعضاء الشرف !! شوية منطقية وخفو على المفرج شوّي .. |
| الوقت المعتمد في المنتدى بتوقيت جرينتش +3.
الوقت الان » 04:01 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd