ناصر الشمراني يحتاح صانع لعب + مدرب - صفحة رقم 2 - نادي الهلال السعودي - شبكة الزعيم

ولد الملك عبدالله · #1 17/02/2015, 12:48 AM

اللي يحتاجه ناصر .... الدكه

او يدور غير الهلال يلعب فيه

الهلال يبي لاعب مخلص مو فرد عضلات على المدربين

جمهور بن أزرق · #2 17/02/2015, 01:22 AM

ناصر الشمراني يحتاح صانع لعب + مدرب + انضباط + أخلاق

(أتاري) · #3 17/02/2015, 01:26 AM

ناصر لاعب حماسي فعلاً ولاحظنا انه اختفى من يوم جانا ريجي

مو فقط ناصر يحتاج مدرب يحمسه بالملعب

سالم يحتاج احد يفهمه يشيل الانانيه منه

الشهراني محتاج مدرب خاص فيه يعلمه ويدربه شلون يتقن العرضيات والدقة بالتمرير والتصويب

شبيه الريح* · #4 17/02/2015, 01:38 AM

العابد وسالم موهوبين وصغار ممكن يعدلهم مدرب والاداره .....لكن ابوسمره الشمراني شايب وامكاناته ضعيفه ياجماعه اربع نهائيات مايسجل
الفريق الذي يملك راس حربه متمكن يستطيع ان يصل مايريد شوف السومه جاء للاهلي وتعدل وضع الاهلي ...شوف النصر مع السهلاوي والراهب ماشين صح

فوزي الرويسي · #5 17/02/2015, 02:04 AM

ناصر يحتاج مدرب فقط يعرف يميز بين اللاعبين..يعرف ماهي مميزات كل لاعب
وعلى الاقل ان لم يفعلها لايقتلها

لعب ناصر بدون صانع لعب وبدع ولعب في ظل انانيه نيفيز ومضايقته وبدع

لكن المخرب ريجي مشكلته مهي مع ناصر وبس
حتى نيفيز غير نيفيز السنه الماضيه(تهديفيا واداء)
سالم ايضا غير سالم الموسم الماضي
ديجاو وكواك غيرهم في الموسم الماضي

المدرب السيء من عينه المخرب ريجي
مايعرف وش مميزات فريقه ومايعرف وش الخطه المناسبه له
ولايعرف كيف يهاجم وكم يتواجد بهجومه وماهي الطريقه المناسبه للهجوم
وكيف يصنع الفرص ..طبعا الكذب لن يرقع فشل هذا المخرب الذي وصلت الامور لن يخسر الهلال امام فرق تلعب ب10 لاعبين بل ويتقدم مدافعهم ويسجل في الهلال وفريقه ناقص رغم تواجد مدافعان دوليان من كبار المدافعين في العالم

5 سنوات وناصر الهداف لايحتاج لاثبات تفوقه الاكتساحي على كل المهاجمين

love the leader · #6 17/02/2015, 03:37 AM

ملك هلالي

أشكرك على الرد

أنا معاك ناصر افضل مهاجم سعودي حاليا

كفاية أنه هداف الذوري خمس مرات

وأنا معك الهلال يحتاج صانع لعب يضع المهاجم أمام الهدف

لكن أنا اللي كنت اقصده أنه صانع اللعب ماله شغل بضياع ناصر في آخر 7 مباريات اكثر من 15 هدف محقق

ناصر الشمراني مثل العابد إذا يبغي يلعب يفوز بس بعض المباريات ما تدري ايش صار له

شبيه الريح* · #7 17/02/2015, 06:13 AM

إقتباس

الرسالة الأصلية كتبت بواسطة love the leader


	ملك هلالي أشكرك على الرد أنا معاك ناصر افضل مهاجم سعودي حاليا كفاية أنه هداف الذوري خمس مرات وأنا معك الهلال يحتاج صانع لعب يضع المهاجم أمام الهدف لكن أنا اللي كنت اقصده أنه صانع اللعب ماله شغل بضياع ناصر في آخر 7 مباريات اكثر من 15 هدف محقق ناصر الشمراني مثل العابد إذا يبغي يلعب يفوز بس بعض المباريات ما تدري ايش صار له

توهم نفسك انه افضل مهاجم الراهب يسجل من ربع فرصه

لاتستغرب انا هلالي · #8 17/02/2015, 03:49 AM

مايحتاج له صانع لعب

نيفيز صانع له ببدايه مباراة الاهلي كوره قدام المرمى ومدري كيف شاتها

غير المبارايات اللي راحت صح انه يسجل لكن يضيع هجمات كثييره وسهله جداً

بمباراه الاهلي قبل الاهلي لايسجل جات له فرصتين ممكن يسجلها وينهي المباراه

حنا اصلا قلنا من قبل مباراه الاهلي انه صاير يضيع هجمات بالهبل

اتمنى اشراك ساماراس مع ناصر في المبارايات القادمه

نيفيز وسالم والعابد وظيفتهم الاساسيه الصناعه واتمنى انهم يتركون الاستعراض والبحث عن الفاولات وخاصه نيفيز

ريال مدريد والهلال · #9 17/02/2015, 06:56 AM

صح الظاهره رونالدو اسف قصدي ناصر الشمراني يحتاج لمدرب

يارجل مهاجم مستواه اقل من عادي ولا يسجل الا اهداف مقشره وانتهى وفوق ماهو فاشل مغرور وأناني

هلالي لو اشجع الحالي · #10 17/02/2015, 07:13 AM

وشذا الكلام الي تقووله معليش يعني الهلال يتعاقد مع مدرب خاص لناصر لجل يحمسه

الاعب لابد انه يقدم كل المستوى المطلوب منه في الملعب وبلامدرب وبلا كلاف فاضي

ناصر من مبارت العين الذهاب والرجال مطفي هذا لاعب نعول عليه لا بالله افلحنا

ناصر يبيله احتياط لجل يعرف قيمة اللعب اساسي واضيف عليه سالم الدوسري ايضا

عبدالله حكمي · #11 17/02/2015, 07:28 AM

ياعزيزي .. يبي لهم .. انضباط .. تعرف ماذا يعني انضباط ..!!؟

انضباط اخلاقي ..
انضباط تكتيكي ..
انضباط في الغذاء والتمرين والنوم ..
انضباط في كل ما يحيط باللاعب من مغريات واهواء ..
انضباط بمعناه .. فللأسف لا يوجد انضباط .. ونفتقد الإداري امثال فهد المصيبيح ..

شبيه الريح* · #12 17/02/2015, 08:00 AM

فوزي الرويسي هذا اي عذروب بسامي او ناصر يقعد يدور اعذار يارجل تراك كرهتنا بالهلال
الشمراني بالعربي ماينفع راس حربه رجله اليسرى ميته وارتقاء مافيش ومهاره مافيش ...لاعب لولا سرعته مايسجل وياخذ هداف الدوري بانانيته لانه لايمكن يصنع لاحد اي كوره يشوتها جت ماجت بدليل انه ياخذ هداف الدوري بدون بطوله
ترى ماجد يجيب الدوري ومعه الهداف والبلنتي عمره ماضيعه ماجد ...هذا الشمراني حتى البلنتي مايعرف يشوته وشلون هداف
تقول ريجي المخرب السباك ترى ريجي ماقال له لاجتك فرصه ضيعها يابن الحلال وش دخل المدرب بالفرص المواتيه للتسجيل
مع سامي ماسجل بالنهائي ولا مع ريجي ولا مع لوبيز .............ارحمنا شوي ترى اكثر من بالمنتدى لهم عقول ويفهمون كوره

fire wall · #13 17/02/2015, 08:24 AM

تبون الصدق والا لا

علة الهلال في :
ناصر الشمراني ( لاعب يبحث عن الامجاد الشخصيه ) ... لازم سماراس يلعب اساسي بداله.
سالم الدوسري ( مهارات عاليه ١٠٠٪ ... وفكر احترافي ٠٪ ) ... لازم الكعبي يلعب اساسي بداله.
نواف العابد ( الاعمى يقدر يشوف ان اللاعب عنده مشاكل في الانضباط والسلوك ) عبدالعزيز او الحمد بداله

وسلامكتم

أزرق 1 · #14 17/02/2015, 09:57 AM

الهلال يحتاج مدرب تكتيك ويستطيع توجيه ناصر وبقية اللاعبين ويكون اللاعبين مقتنعين في قدرات هذا المدرب
مثل الطلاب في الفصل اذا شافوا المدرس ضعيف في المعلومات او توصيلها لهم صاروا يلعبون عليه

غازي الحبردي · #15 17/02/2015, 10:48 AM

ناصر مجرد أسطوانة مديح فقط نجوميه لو أحط الزوري مكانه يمكن يسوي شيئ إستقطابه للزعيم أكبر خطأ لالعب جماعي لاكنترول جيد على الكره لاتمركز صح أخلاق زي الطينه مافيه مدرب ولالاعب ولاجمهور ماتمشكل معاهم ماعرف له غير البلطان يوم مسكه الباب