ازعجتونا بهالريجي كامب ؟؟ وكل شوي طالع لك واحد يقولك انتو تحبون سامي الجابر اكثر من الهلال

حبيبي جماهير الهلال تبي فريقها الاقوى والابرز ( فقط ) يوم ريجي كامب ابدع ف اول مبارياته مع الهلال ف اسيا
ماحد جاب طاري سامي كلنا فرحنا بهالمستوى وهالتالق .. لكن نكسة ريجي خلت الجماهير تتذكر العمل اللي قام فيه سامي الجابر هم يرون ان سامي الجابر كان افضل والمنطق والعقل يقول ذلك ..
باختصار نبي فريق لايقهر سواء من ابو فيصل .. او من سامي او من غيره المهم اشوف بعيوني هلال يمتعني اذا لمس الكوره .. = ( هذا مطلبنا )لاغير

الصراحه استغرب من رايك

وش المستوى اللي قدمه ريجي انا اشوف دول الالماني افضل منه بكثير حتى بالتمارين كان افضل واقوى من ريجي

حتى روح الفريق فقدناه مع ريجي

ريجي الاعلام لمع صورته قبل لايجي للهلال مع ان الدوري الروماني دوري عادي ولا هو بمستوى الدويات الاوربيه القويه

والمشكله ان ريجي نهجه دفاعي وكل مباراه يلج مرمانا هدف

والمشكله الاكبر اللي فعله ريجي بالاولمبي بعد ماكان الاولمبي مستقر وبطل كاس فيصل

اجبر الاداره على جلب مدرب رومني بدال ستامب المبدع

مدرب صارم ..!!

وهو يشاهد الاستهتار في اللاعبين وتضييع الفرص ومع ذلك يلعب بهم اساسيين .؟؟

اضف الى ذلك غياب العابد وعدم انضباطه يكافاءه ريجي باللعب اساسي

وين الصرامه اجل ..!!


مدرب يهتم باللياقة والتدريبات الشاقة ..!!

وينسى التكتيك وجمالية الاداء كرة القدم ليست ركض فقط .




بعد النهائي الآسيوي حدثت له الخيانه ..!!

اي خيانه وهو خسر من الشباب قبلها ولم يفز في مباراة كبيرة وخسر من العين

وتأهل بدعاء الوالدين امام السد والنتيجه امام سيدني فريق بعشرة مدافعين وانت تهاجم بواحد ..!!


ريجي مدرب مقلب نفخه من جاء به وجعلوا منه داهيه بواسطة تويتر والاعلام

اعطني مباراة واحده في عهد ريجي كنت تشاهد فيها الهلال الحقيقي الذي نعرفه

وان كنت تقصد اللاعبين هم السبب اين هو دور ريجي وأين بدلاءه طالما انه مسك الفريق قبل بداية الموسم


ريجي مدرب مفلس النتائج تقول هذا والمستوى ايضاً والمنطق هو اقالته لا الصبر عليه

أشكر طرحك لكن يعطى فرصة 5 مواسم الهلال فريق جاهز مثل الهلال لا يحتاج كل هذه الفترة للإعداد ... فهم محترفين لكي يثبتوا نجاحهم مع أي مدرب


اذا المدرب ريجي هو من يحتاج خمس سنوات لكي يتعلم التدريب ،،، تحياتي لك

اجل ريجي داهيه
ههههههههههههههههه

ريجي استلم فريق جاهز وماباقي له الا جولتين وصل النهائي
يعني هو ماسوا ولا شي الا بالعكس
الفريق بدا بالعد التنازلي وصام عن تسجيل الاهداف انهزمنا من الشباب وكذا مباراة مع ريجي
ومن ضمنها النهائي الاسيوي والنهائي الاخير ولي العهد
واكثر من كذا ايه وجاي تقول داهيه هههههههههه
الداهيه فرطوا به الرجاجيل يوم انه جمع فريقهم وخلاه قوه هجوميه ضاربه

كلاامك صحيح والاعبين هم من خانوا رئيس النادي والجماهير وهم من تيحمل نتائج الفريق بداية من مبارة سدني الى مبارة الاهلي بصراحه لو كان عندنا لاعبين على قدر المسولية ويقدرو ما يفعله الرئيس والجماهير مبارة سدني اثبتت ان الاعبين مايستاهلوا يلعبوا لفريق مثل الهلال .

أخي الكريم بالنسبة أن ريجي داهية نمشيها لك .....
طيب الداهية يحتاج 5 خمس سنوات عشان يصنع فريق لا يقهر, !!!!

عليك بمراجعة تجربة سامي وجيريتس

عشان اصدق ان الاعيبة تآمروا على المدرب هم أكثر من يدرك قيمة المكافآت اللي بتجيهم بسبب الفوز و تحقيق البطولة
الآعب إذا ماكان داخل نفسة ان المدرب قوي شخصية وبراسة تدريب صح بيجيه برود و لامبالاة من غير تآمر ومن هالكلام وهذي طبيعة بشرية

إقتباس الرسالة الأصلية كتبت بواسطة عين وعين قوي شخصية ؟ يارجال زوجته أقوى منه

هههههههههههههههههههههه
حكيم يا شيخ

الخيانه الحقيقيه حدثت من ريجي ...

نهائي اسيا لا بديل عن الفوز ولم يشرك ياسر الا بالشوط الثاني ولم نشاهد الهلال قوي هجوميا الا بعد نزول ياسر ..


وكرر نفس الغلط امام الاهلي ... سامراس لم يشارك الا اخر نصف ساعه واشرك لاعبين منتهين الشلهوب والدوسري .. ولم يحرك ساكنا بعد ما اقتربت البطوله من الرحيل ...


بثلاثه اشهر خسرنا نهائيين بنفس الطريقه والاسلوب بدون اي اصلاح ... كأس ولي العهد القرعه خدمته لعب امام حطين والخليج ولم يلعب سوى مباره وحيده يطلق عليها مباره وهي امام الاتحاد وفاز بصعوبه وسط اخطاء كثيره من الدفاع .

وش خيانته ياااابو ... سلامات

انت شكلك متأثر او تخالط من يحملون الفكر ( الزعبيلي ) كثيرا

لا عبي الزعيم لا يمكن ان تصدر منهم مثل هذه التصرفات ولله الحمد

وبعدين كيف تقول ريجي ابدع اول الموسم الى نهائي اسيا

تألف من راسك انت

اي ابداع واي خرابيط يارجل

مدرب يبني خطته على فرضية ان خصمه اقوى منه مهما كان سواء الاتحاد او نجران

وعندما يضطر اثناء المبارة الى تغيير طريقة لعب الفريق لا يستطيع ( وهذه كارثه )

تدخلاته اثناء المباراة وتغييراته تكشف لك مستواه وقدرته التدريبيه ( بالنسبه للي يقولون مافي احتياط جيد ....اقول على شحم )


المدرب واضح من بداية الموسم انه غير مناسب لفريق مثل الهلال ولن ينجح معه ولو استمر 10 سنوات

ووصول الفريق للنهائى الاسيوي اتى بتوفيق الله اولا ثم بمجهود اللاعبين واخيرا

ومباراة العين في الرياض اكبر دليل على عقم وضعف تكتيك المدرب .


اما النهائي فكان الهلال ذهابا وايابا بدون مدرب للاسف



مودتي

كاتب الموضوع زي اللي رمى قنبله وهج من الموقع ليش مايتناقش ولا هو بس كلام وخلاص

من وجهه نظري
والله مدرب غبي لا تكتيك ولا شئ
مصر على 4-5-1
حتى وهو مهزوم
وملعب ساماراس بالوسط هههه

اي لاعب متخاذل يجب ان يركنه بجانبه في الاحتياط حتى يتأدب
لكنه جبان
ما قدر يواجه المتخاذلين

وين الكعبي !!
وين السواط !!
وين خالد شراحيلي !!

انا ضد تغيير المدرب
وارى ان المدرب يجب ان يبقى اكثر من موسم
ولا يجب ان تحاسبه من اول موسم
لكن هذا
الحمد لله انه فارق
الهلال معاه غير ممتع
لا مستوى ولا نتائج

معليش الله يرضى عليك تسمي ريجي مدرب؟

انا اشوفه متدرب لا يفقه شيء و فقير كروياً و تكتيكياً ، خصوصاً تشكيلته التي لم تتغير منذ ان استلم الفريق الى يوم اقالته

و اعتماده على نفس العناصر رغم وجود البدلاء ، و اجازاته المبالغ فيها !

عدم حماسه اثناء المباراة و مجرد إشارة للاعبين و يشرب من ذا الموية و يسحب على مؤتمرات!!!

اللاعبين فقدوا حماسهم فقدوا هويتهم فقدوا هدفهم بسبب هذا الارعن و لأنهم هم ايضاً رضوا بذلك دون التصرف!

و احب اذكر شيء بعد ، غياب ياسر القحطاني كان مؤثر بشكل كبير جداً ، فمن بعده استلم الكبتنية نواف العابد!

غيابه جعل هالاطفال تسترجل على نفسها و تاكل المقلب و شفنا كيف النتيجة ، بحق غياب ياسر يفرق في الفريق

يبقى مجرد رأي.

ريجي في التكتيك ممتاز
لكن فيه عيبين كبار
الاول ضعيف شخصية حيث لم نشاهد عقاب لاي لاعب متخاذل والثاني تغييراته تهبط برتم الفريق
تمنيت ان يبقى مع ادارة قوية تناقشه وتفرض النظام والانضباط لكن بماانه رحل الله يوفق البديل ويوفق الهلال

الخيانه هي أن تنسب شيء لغير فاعله،، ريجي في آسيا لعب بنفس الفريق، فاز مرتين وانهزم مرتين وتعادل مرتين، وفي النهائي لعب بمهاجم واحد رغم تخلفه ورغم أن المباراة مصيريه !!

في كأس ولي لم يقابل إلا الاتحاد ولم يفز إلا بشق الانفس رغم تجديد فريق الاتحاد !

اما الدوري فحدث ولا حرج !

هل غير في الفريق؟ .. نعم جلب بنتلي وكاد أن ينهي عقد ديقاو ثم كواك !

كفاكم تطبيل، فريجي يهتم بالهدايا والسمسره ولم نجد لا تكتيك ولا قوة شخصيه على اللاعبين .