|
خذلك اللاعبين ياامير عبدالرحمن وظلمتك الجماهير وانت في كرسي رئاسة النادي لاكنك كفو كفو كفو والي ماهو كفو يحسحس على راسه اين الصف الواحد ايها الهلاللين الجماهير اين العقل المقدم دائماً في القرارات اين النظره الثاقبه للمسولين عن دفة النادي !!!! هل قرار نجاح المدرب و فشله تعتمد على ارتفاع مستوى لاعب او انخفاضه !!! ان كان اقيل مدرب منتخب المانيا من زمان لقد تم ظلم المدرب و الامير عبدالرحمن ظلم جائر من جماهير الهلال الطفوليه وتبرئة اللاعبين اصحاب النكبه بدون ادني شك فلاعب يبذل له النادي ملايين ويدلل ويعطى ويمجد و في الاخر هذا هو مستواه لا جديد ابداً كره امام المرمى تضيع باقدام ركيه كانها من ورق كل شي فعله رئيس النادي قدم الكثير ولكن خذله اللاعبون لو كانت بالمدرب فقط ودون روح لاعبين لما حقق احد اي بطوله هدر طاقات وفلوس على ارباع لاعبين |
والنعم فيه بس ليش اغلب المباريات مايحضر خصوصا لما كان نائبه موقوف وليش التصاريح اللي ماكان لها داعي زي تصريح81 مليون وتصريح التحديات اللي ماكان قدها اللي قال فيها اني ارى كؤوسا وليش كان يسمح للاعلام الاصفر والاخضر بالتدخل بالنادي بدون مايطلع بيان قوي هذي الادارة ضعيفه وباهته والدليل على كذا مدرب جبان وضعيف شخصيه وكلنا شفنا نواف العابد وسالم الدوسري والشمراني كيف صار عندهم استهتار ولا انسى نيفيز والسديري فريق اصبح بال روح اسألكم بالله قيد شفتوا احد اللاعبين بعد مايجيب هدف يروح يحتفل عند السباك مثل ماكان يحتفلون اول مع كوزمين او جريتس احتى مع سامي ايش معناها اكيد المدرب غير مرغوب فيه ومين اللي جاب هالمدرب وخاف على الفلوس هو رئيس النادي |
إقتباس:
اخوي الله يصلحك عبدالرحمن بن مساعد في سبع سنين حقق سبع بطولات واضاع 19 بطولة المدرب المظلوم على قولتك اضاع الدوري من بدايته تخبط في التشكيلة لم ينتشل الفريق نفسيا حرق اغلب اللاعبين وخصوصا مفاتيح اللعب بقناعاته الغبية مثلها مثل اللي جابه للهلال اقول الله يصلحك بس |
لو كانت الجماهير ظلمته لما صبرت عليه 7 سنوات ولكن طفح الكيل ياسادة |
بالعكس اخذ حقه وزياده وحان الان ليستريح ويريح الجماهير معه |
المهم الله يوفقه والله يكتب الي فيه الخير للزعيم |
7 مواسم فرحنا فيها وتألمنا فيها اكثر ابدا الجمهور ماظلمه كثر ماظلمه من يأخذ المشوره منهم |
إقتباس:
الله يصلح الجميع لاتخاطب الناس وكانك اصلحهم هذا اولاً وثانياً اطلب الصلاح لنفسك مدرب جاي من رومانيا الاعلى منك فكر ومستوى كروي وهو افضل المدربين هناك وش هاللاعبين الي عندك يصنعون فارق داخل الملعب كلهم موجودين في الملعب لا قلي بعد معقل رجليهم هو !!! الله يصلحك انت بس |
هذا الروماني رخيص برخص زوجته وكيلة أعماله التي يتبع نصائحها أجل من أكثر من اسبوع بدأ يشحن أثاثه وسياراته لرومانيا ثم الأمير ما قصر تماماً مثل أخوه عندم رأس الهلال أخرجه الجمهور من النادي لسوء عمله لكن شكرها بعد ذلك لما دعم الإدارة التي بعده وكان عضو الشرف رقم 1 لذلك نحن نحاكم على العمل وعمل الإدارة خلال 3 سنوات الماضية لايبشر بخير أولها الناس الذي يعملون معه في مجلس الإدارة ليس لهم علاقة بالكيان وليس من ذوي التخصص وأوصلوه لهذا الواقع !! فهو بعمله أجبر نفسه على الإستقالة ولا ننسى اجتماع الإستراحة فهو ساهم بتوريطه وحصل ما حصل وتخلوا عنه !!!! رغم وعودهم بالدعم عموماً الروماني يريد أن يغادر وتبين لنا أنه إنسان رخيص نفس !! وكأنه متربي في عصابات شرق أوروبا !! فرجاء لا تلقي اللوم على الجمهور هناك حاربت الإدارة وسكت عنها وهو بنفس الوقت قربهم وأبعد الجمهور والمخلصين فصار ما صار ووقعت الفأس على الرأس |
محد ينكر اجتهاد بن مساعد والمبالغ إلي دفعها بس ما توفق وارتكب اخطاء كثيره منها تعيين سامي الجابر وبعد تعيين سامي وبعد تحسن مستوى الهلال معاه تتم اقالته بسبب اراء واهواء بعض اعضاء الشرف التوقيع مع ريجي الذي لا يملك الخبره الكافيه خمس سنين مع فريق محلي لا تعتبر خبره كافيه اعداد اللاعبين نفسيا في ثلاث نهائيات على التوالي نخسرها وفيه امور اخرى كثيره لا نبخس بن مساعد ما عمله ولكن نعطي غيره فرصه |
7 سنوات تكفي من التخبطات . 7 سنوات والهلال متدهور 7 سنوات والجماهير مقاطعه المدرجات 7 سنوات وماعندنا اظهره ولا سناتر 7 سنوات وهو يتاسف على ضياع اسيا |
هرمنا هرمنا مع هـ الادارة التجديد مطلب يجب عمل فورمات لنادي الهلال |
شكراً للي علق على الموضوع ولكن لي كلمه لايمكن ان تحصل على بطوله مالم يتفانى اللاعبون داخل المستطيل الاخضر و في الـ 90 دقيقه والاا لو تجيب لهم مورينو مدرب وبيل قيتس رئيس النادي ساعتها بيغيرون حتى الاحتياط |
الأفضل استقالة الأدارة كنا نتمنى النجاح لها ولكن عمل الأدارة اثبت فشله وتقليلك لرأي الأغلبية عيب عليك يا شاطر(جماهير طفولية) حسن الفاظك وأنت تكتب |
الله يعطيكم العافية وبالتوفيق للزعيم الملكي |
| الوقت المعتمد في المنتدى بتوقيت جرينتش +3.
الوقت الان » 08:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd