بالرغم من الهزيمه والحزن سلماااااان الفرج
 

نعم الخساره موجعه
ولكن لاتنسينا ان نقول للمجتهد شكرا
وخير من نقول له شكرا في هذه المباراة هو
سلمان الفرج قتال وفدائيه.
لاعب من طينة الكبااار .

الله يعطيه العافيه ماقصر
الف الف شكر ياسلمان والله حزني عليك اكثر من البطوله
لاكن وش يسوي لحاله مسكين اللي معه دايخين

حرام انه وحده فتح جبهة بيمين الاهلي بس حطوا كل لاعب بخانته وحاسبوهم والتغيير يكون حسب الحاجة هذا فريق ومنظومة

لم نرى الهلال اليوم الا سالم الفرج والباقين ليسو هلال مع اعجابي بسامراس ولو يبقى شهر مع سالم الدوسري والعابد بيعدونه ماشفت مثلهم يلعبون في ملعب قولف وكورهم دائما تعدى الحفرة

الهلال روح ولعب قبل ان يكون بطولات
 

الفرج هو الاعب الوحيد اللي يستحق الشكر لاعب مقاتل على الرغم من تغيير مركزه في اكثر المباريات ولكن مستواه ثابت ويقدم اداء رائع اذا لعب محور ثاني

الفرج يحتاج الى محور دفاعي قوي مب كريري اللي أنهى حياته الكرويه باللعب للهلال وأخذ ملايين كان الاولى تدفع في لاعب شاب وله مستقبل

سلمان ماقصر

وسالم

ومهاجمنا الجديد

انتظر عليه راح يصنع الفرق

فعلاً ماقصر

والله نظرت جمهورنا رائعه

شكراً لك

و النعم بسلمان الفرج ، و والنعم بكل لاعب هلالي ،.. باذن الله كبوة جواد و القادم افضل ،..

لا زعيم الا الزعيم ، انهزام هزيمة او فوز ، باذن الله مع التفائل كل شيء يتعدل ،..

اظن هذا اول رد لي بعد ما اكتشفت ان لي حساب مفعّل :)

سلمان ماقصر وابيض وجه لاكن افضل لاعب باسياء وين راح وحنا مهزومين فاتحن كشرته يتضحك مع كل هجمه ضايعه .. اوف لو الله كتب لي وصرت مدرب ورب البيت لامشي ناصر مثل الالف اخلي افضل لاعب باسياء بحفر علشان يلعب اساسي واذا لعب يعرف وشلون يقدر النعمه الي هو به والله عجيب صار الاعب اقوى من صوت المدرب

اتركوا الترقيع والله ما لاعب كفو يلعب بالهلال الان ..

اشبااااااه رجال

ألف شكر وألف تحيه وتعظيم سلام لهذا الرحل سلمان الفرج بيض الله وجهك

والله يوفقك يابطل

ساميراس نزل آخر الشوط الثاني متحمس وكأنه ابن النادي ومتربي فيه
رسالة إلى لاعبينا المدللين ما ينفع الاخلاص والدلال المبالغ فيه
نحتاج لحماس ياسر وذكاء سامي واخلاص النعيمة ووفاء التمياط وفن الثنيان
شكرا سلمان

اللاعبين ما قصروا حتى ديقاو غلطة وحيده في هدف معتز وكواك غلطة وحيده في هدف السومه الشهراني مكلف بمركز غير مركزه وكثر خيره انه وافق يغطي خانة الظهير الايمن كريري غلطته عدم الوقوف على قوس الثمانية عشر ناصر بالتاكيد يبي يسجل لكن ضيع كرات كثيره سالم والعابد مرهقين
الفرج ونفيز وساماراس مستواه رائع
اتمنىً على المدرب ومدير الكره اشراك البقعاوي ظهير ايمن وحسين القحطاني ونواف الزعاقي محاور والمنيع او البقعاوي مهاجمين وإراحة ناصر وسالم وكريري وعلى المدرب تخفيف التمارين اللياقيه قليلا
عندها سيكون الفريق افضل
هذه كرة القدم ثلاث انفرادات وبلنتي ضايع ومن غلطتين ركب علينا هدفين بالتوفيق للهلال

شكراً لك أخينا الكريم على الموضوع المستقل لرجل يستحق , و لقد تحدثت في مواضيعي بأن يعطى سلمان الفرج التوظيف الصحيح ويختار الأماكن الخاليه و يلعب في الأطراف وخلف المهاجمين و يكون له مشاركه أكبر في كمية ونوعية صناعة اللعب في الهلال .
وهذه المباراة النهائيه هي نادره لـ: سلمان الفرج حيث إنه في مباريات مهمه عديده أو نهائيه يكون ليس في مستوى إمكانياته الكبيره ربما لأدوار تكتيكيه أو لتأثير الحمل النفسي عليه و التحفيز السيء ولكن بتيسير الله ومعونته نراه بهذه الصوره وأفضل بكثير ، مواهب الهلال تحتاج تنسيق الأدوار وحسن التوظيف و تنويع الخطط و تدوير اللاعبين , و هناك أفكار تكتيكيه رائعه تصلح للعب برأسي حربه يشغلون الدفاع و أدوار رائعه و كرات مباغته لـ: سامراس و الفرج واحد في اليمين وآخر في الشمال .