|
لا .....لاستقالة الرئيس ..... مع التحية لكل هلالي كان لدى الهلال رئيسا في أعوام خلت الهلال يا هلاليون بدون رئيس .. لا يوجد فريق حواري بالعالم يلغي عقد أكثر من مدرب في العام الواحد لا يوجد فريق في العالم يفصل فريقه إلى فريقين بعد أن كان البيت الهلالي محصنا من الداخل في عهد الهلال الاخير تم محاربة الاعلام الهلالي المخلص ومصادقة أعداء الهلال في الهلال الحديث بدأت أخبار الهلال لدى كارهي الهلال أيها الهلاليون هل يوجد رئيس في العالم يصرح بأن نصف فريقة منقسمين على مدرب في عز التنافس في الدوري والكأس هل يوحد رئيس في العالم يصرح بأن اللاعب الاجنبي المميز ليس على درج سوبر ماركت أيها الرئيس إذا كان ليس على درج سوبر ماركت معنى ذلك أنه يحتاج لجهد مضاف لاختياره الهلال وحدة في العالم من يتحمل الخسارة والضغوط هم اللاعبون ( عدا وقت سامي كان هو من يتحمل الضغوط) الهلال وحدة من تعجز إدارته عن تحميل ضغط (90) دقيقة ويتحملها اللاعب مقتطفات * الرئاسة لدى رئيس الهلال الحضور صيفا * العمل أول شهر بعد أن تطير الطيور بأرزاقها والتنقل ما بين فرنسا والرياض وجدة * حضور مقابلة في أكشن يادوري * بعد بداية الدوري السفر في أحد البلاد الباردة وإذا حضر يكون الحضور الفعال في أحد غرف الملعب من يطالب باستقال الرئيس هل تعتقد بأن لدى الهلال إدارة فضلا عن رئيس ؟ هل في العالم فريق يقدم الفريق مع المدربين مستوى مميز ويقال المدرب كما تم مع عدد من المدربين لو كان لدى الادارة رئيس لما تُرك المدربون فريسة سهلة للاعبين كما تم ذلك مع زلاتكو وسامي وريجي الادارة أن تكون قريبا من الكل لا أن تسقط في أقل الاختبارات قدوم لاعب بدون تأشيرة دخول هل بعد ذلك رئيس أو إدارة إذا لماذا الاستقالة فاقد الشيء لا يعطيه إذا دعونا نبحث عن رئيس لا ندعو لاستقالة كرسي بدون رئيس ... |
الله يعطيك العافية الرئاسة لا تقف عند شخص ترحل ملوك دول ولا يتغير شيء ولكن ممكن ليس هذا الوقت للإستقالة الادارة فنحن في منتصف الموسم ربما لو كانت نهاية الموسم كان افضل تمنينا من ابن مساعد مواجهة جمهور الهلال كي يعرف كل شخص ماذا يريد من الآخر |
خلاص قدم الاستقاله نتمنى التوفيق للرئاسة الجديده |
يارب يستقيل ويرجع الهلال للمنصات استمراره راح يدمر الهلال |
مبرووووووووووك ياهلالييين طااااااااارر |
بالعكس انا ضدك رحيل الادارة افضل من استمرارها عطني سبب واحد لاستمرارها كل ما استمرت كل ما تدهور الفريق بتقول استقرار الفريق يستقر على ايش بالضبط البطولات وطارت وان شاءالله يجينا رئيس له هيبته ويعرف يختار الاشخاص اللي يتعامل معهم لخدمة الهلال مو لخدمة اعداء الهلال ويمكن الهلال يتأهل لادوار متقدمة في الاسيوية مو مقولة يستقيل الرئيس في هالوقت بعد ماننكر ان الامير عبدالرحمن قدم الكثير للنادي وبذل كل شي وقته وماله وصحته لكن خلاص ما توفق والله يوفقه في حياته الشخصيه والعمليه ويكمل جميلة ويشيل مدربه اللي من جاء ماشفنا خير والصراحه اشك في نواياه وانه جاي يجمع له كم قرش اجل شرط جزائي ظ© مليون بالتوفيق للملكي ويارب بعد هالنكسات يرجع لوضعه الطبيعي |
إقتباس:
رحم الله والديك |
هناك رجال بالهلال هم اكفأ من عبدالرحمن بن مساعد بمليون مرره... ولو هو كفو... يورينا دعمه مع الادارات التي تليه... ولا الشغله توقيع عقود رعايه ضخمه... ثم توريط النادي بعقود لاعبين كبيره... وبعدها تأتي الإستقاله... وخلي الهلال ينحرق باللي فيه؟ قال تعالى: (إِنَّ خَيْرَ مَنِ اسْتَأْجَرْتَ الْقَوِيُّ الْأَمِين)... صدق الله العظيم واسمحيلي يا إدارة الهلال... كنتي جبانه في دخولك للنادي... و جبانه في خروجك... ولو نظرنا لرؤساء الهلال... لوجدنا ان اغلبهم تركو النادي ورؤسهم مرفوعه... وما خربوها وانحاشو لا نامت اعين الجبناء... |
فرقااااه عيد واجمل من عشرين بطوله |
خطوات التصحيح 1-استقاله الرئيس وجت في وقتها 2-ابعاد المدرب واستلام مدرب الاولمبي حتغŒ نهايه الموسم 3-ابعاد الجاسر وتعيين التويجري او الجفن 4-ابعاد المفرج وتعيين ابو اثنين 5-جلب سامي لتدريب الفريق بعد انتهاء مدته مع الوحده الاماراتي بعد 3 اشهر 6-الوقوف وبكل قوه مع الاداره الجديده من ناحيه الحضور والمؤازره |
الحمد لله على كل حال لعل في الأمر خيرة |
الحمد لله على كل حال النفسية زفت الله يعين |
هذا الريس سلبياته اكثر من ايجابيته ,,, خسرنا لاعبين بسببه خسرنا مدربيين بسببه استهتار لا مبالاه نحتاج ريس يكون مع الفريق دائماً حاضر المباريات مع الفريق يكون حازم على لاعيبته ,, يتستقطب لاعبين عليهم القيمه ,, مدرب يكون على مستوى عالي من الفكر التتدريبي |
المشكلة مو في الرئيس ولا المدرب المشكلة في اللاعبين والله اللاعبين اليوم الشمراني إِيش بيسوي في السته والعابد من اول المباراة ضايع وبلنتي غريب عيب حتى على لاعب محترف يصوت بهدي ألطريقه وغيره وغيره مابقي الا المدرب والرئيس يشوفو البلنتي مو كل شي الادارة اللاعبين لازم يتعاقبو العله فيهم وبس |
السلام عليكم اولا ودي اسال ادارة المنتدى متى بتتفضل علينا وتسمح بكتابة مواضيع جديده .. ................................................. ثانيا والاهم الخساره موجعه والضعف اللي في الفريق مؤلم جدا الفريق عنده العناصر اللي تقدر تتفوق علي اي فريق مو بس في السعوديه على مستوى اسيا ولكن المشكله انها سلمت لمدرب جاي عشان الفوس وما عنده طموح للنجاح ولا هي فارقه معه فاز خير وبركه انهزم ما عنده اي مشكله عشان الواحد يكون منطقي وبعيدا عن العاطفه المدرب يحجك بانه يوصل المهاجمين للمرمى ويرى ان هذا واجبه ومعلق الموضوع على اللاعبين يعني مطلع نفسه منها وما عنده استعداد يحل هالمشكله يعني لاهو اللي ركن اللاعبين المزاجيين ولعب الناس اللي مستعده تقدم نفسها وتخدم الفريق هنا يطلع لنا الدور الاداري والحزم وتفعيل مبدا الثواب والعاق ومنح الخانه للي يستحقها رجي في هالمباراه اللي كانت تمثل طوق النجاه له وللاداره وللاعبين اشرك الشامخ وترك كريري يقابل الفريق الاهلاوي لحاله مع ان المنطق يقول انه يشرك الفرج ظهير وعطيف يسانه كريري وسماراس مع نيفيز والشمراني ويفاضل بين العابد و سالم الدوسري في المباراة اللي كنا نحتاج ننزل بثقلنا كله تذكر لاعبي الالومبي وتركهم في المباريات السهلهاللي تدخلهم في جو الفريق الاول تدريجيا الفريق تايه بين اداره متساهله ومدرب ما عنده اي طموح ولاعبين اتوقع انهم ماهم مرتاحين لطريقة المدرب ولا للاحمال التدريبيه اللي مستخدمها معاهم رجي مدرب جبان من مباراة العين وضح هالشي وتاكد في باقي المباريات مصر على طريقته ولانه ما في احد يحاسبه لا اداري ولا فني وصلنا لها المستوى بالنسبه لعبدالرحمن بن مساعد حورب من داخل مجلس اعضاء الشرف والكل عارف انه لها السبب اقيل سامي وكان انتصار لبندر بن محمد وربعه وللاسف ما كان البديل في مستوى سامي اللي قالو انه بدري عليه يدرب الهلال من وجهة نظري انه الوضع تحول زي ما كان عبدالرحمن متمسك في سامي وهم رافضين صار اللحين عبدالرحمن بنمساعد يبي يقيل المدرب والشله رافضين صارت المساله عناد وتخلو عنه ولهذا وصل الفريق لهذا المستوى استقالة عبدالرحمن بن مساعد ماهي حل وخاصه في هذا التوقيت لانها زياده للمشكله وطعنه اخرى في جسد الكيان كان المفروض تكون الصدمه بتغيير المدرب ولو انها متاخره اذا كان اعضاء الشرف حريصين على الفريق يدعموه حتى نهاية الموسم وبعدها يتم التغيير تخيلو الحميداني رئيس للهلال ؟؟ اذا ما قدر يسوي شي وهو مع عبدالرحمن اش بيسوي لحاله ...؟ اسفي على الهلال وعلى ما ستؤل له الامور لا ادارة ولا مدرب وياقلب لا تحزن اتوقع ان موسمنا انتهى واسيا الله يستر من نتائجها ومن التلطيش اللي بنشوفه في كاس الملك وبقية مباريات الدوري حسبي الله على من ساهم في حرق الزعيم وتحياتي لكل الزعماء المخلصين |
بآلفعل آلهلآل أصلآ بدون رئيس منذو عآمين كيف نطآلب شخص مو موجود بآلإستقآله علينآ ىلبحث فقط عن رئيس وآلمطآلبه برئيس لزعيم أسيآ |
نريد رئيس قوي الشخصية يحترمه أعضاء الشرف ولا يفرضون رأيهم عليه السفينة اللي فيها أكثر من قبطان تغرق |
العالم طايرة بالعجة و منافسيكم فرحانين أكثر منكم |
إقتباس:
اللهم اكفني شر أصحابي أما أعدائي فأنا كفيل بهم |
شكرا للجميع على المـــــــــــــــــــشاركة |
| الوقت المعتمد في المنتدى بتوقيت جرينتش +3.
الوقت الان » 06:20 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd