|
سؤال للإدارة وش وضع عيال البطه السوداء اللي من امس مواضيعهم قيد الموافقه في منتدى تقييم المواضيع وعلى اي اساس يتم تقيم المواضيع من أمس الي اليوم هناك العديد من المواضيع التي رأت النور وكانت في مجملها سب وقذف وشتم وركل قليلا من الانصاف يا ساده فالجميع له حق الحديث وطرح ما يملك في حدود الادب |
الفريق ليس في يومه وعلى اللاعبين إعادة حساباتهم فهم يمثلوا فريق كبير قبل أن يمثلوا أنفسهم والقادم أفضل إن شاء الله |
الحمد لله على رحيل الرئيس الجبان،، طوال تشجيعي للزعيم لم أشاهد رئيس معدوم الثقة مثل ابن مساعد،، بل تجرأ على هلالنا بنزعه الثقة من اللاعبين بمتابعته النهائيات من غرف تبديل الملابس.. سامي اداري او مدرب لا بد من وجوده في الهلال ,, رحل عنا اداري وتبهذلنا.. رحل عنا مدرب ومتنا على يد عبدالرحمن بن مساعد... |
الله يعطيكم العافية وبالتوفيق للزعيم الملكي |
من اليوم الهلال في مهب الريح بسبب المدرب والاعبين المزجين |
الحمدالله على كل حال وهاردلك لما يصير عندك مهاجم يقاتل على الكوره ويجيب هدف من انصاف الفرص مثل السومه هنا تحسهم المباراة لفريقك لما يصير عندك لاعبين يقدرون الشعار اللي عليهم ويحاربون عشانه هنا تحسم المباراة سالم ناصر الدكه مكانهم لين يعرفون ان الله حق ساماراس والحمد يلعبون اساسيين بدال هالأثنين العله ناصر وش اللي حصل له كان لاعب يقاتل يسجل وحنا مانتوفع انها بتجي هدف كان يجيبها هدف وش صار له بالله احد يجاوبني ! الفريق امس كان منظم ومتكتك صح بس بعض اللاعبين لا تعليق صراحه ثلاث لاعبين على مدافع اهلاوي وتتعازمون من يشوت نواف كذا تشوت البلنتي ! الفريق اللي جالس يصير له شي موب طبيعي محتاجين لاعبين من الأولمبي يتمنون نص فرصه عشان يلعبون في الفريق الأول ومستعدين للقتال عشان الشعار فقط ، ناصر الشوط الثاني احسبه طلع صراحه ماسمعنا اسمه ابد هل حنا عطيناه اكبر من حجمه لين انغر بمستواه ؟ هل اللاعب لا يريد الهلال؟ ماحد ينكر ابد انه كان افضل لاعب في الفريق وش كان ناصر ووش صار لا حول ولا قوه الا بالله وعسى الأمر فيه خيره وحسبي الله ونعم الوكيل |
للاسف فريقنا لعب البارح من بداية المباراة وهو ناقص لاعبين اثنين ( سالم وناصر ) فكيف تفوز وانت تلعب بـ 9 لاعبين رغم الافضليه لفريقنا الا ان النقص له دور كبير 9 ضد 11 ، صعبه شوي ولما انطرد الحارس ،، صرنا نلعب 9 ضد 10 يعني ،، اخف شوي ولو سجلنا البلنتي اللي اضاعة لاعب الحواري بكل استهتار لكان الوضع احسن من ما كان وغلطة المدرب انه غير تغيرات خاطئة الشامخ ماكان له داعي اخراجه المفروض اخراج اللعاب الغائب طوال المباراة ( سالم الدوسري ) وتقديم سلمان الفرج ،، واللعب بمحمور واحد ( كريري ) ودخول سمارانس دخول الشلهوب ماله اي داعي لكن مانقول غير ،، معوضين فرق بمثل هدولي اللاعبين ،، لايمكن تفوز ببطوله ولا تنافس على دوري سالم الدوسري ، نواتف العابد ، ناصر الشمراني اسوء لاعبين هذا الموسم وللاسف ، دائماً اساسيين ، وضامنين المركز لايقدمون اي شي ،، ويلعبون الكل يقول ان نيفيز ، هابط مستواه ،، وهذا الكلام غير صحيح والحقيقة ،،، ان من يلعبون بجانبه ،، هم اللي مستواهم هابط ولا يساعدوه في اللعب سالم الدوسري يلعب بحاله طول المباريات كانه لاعب في فريق حواري ،، ياسر الشهراني لافائده مرجوه منه ،،، ولا عرضيه صح في كل المباريات اللي لعبها اتمنى ان يرسلوه مع الناشئين ،، لتعليمه اساسيات ، كيفيه لعب الكور العرضيه رحم الله ايامك يا سلطان البشي ما يحتاجه الهلال مدرب ،، قوي الشخصيه ظهير ايمن صناع لعب مهاجم صريح لاعبين يلعبون باخلاص وقتاليه وحب للشعار ،، مثل سلمان الفرج وحسبي الله على من اوصل فريقنا الى هذه المرحله |
مع كثرة الصفحات ....ممكن مافي احد بيقرا هالسطور... فرجاء اللي يقراها يضغط لايك:) ..... ريجي بداياته كانت جيده...الى نهائي آسيا وبعدين بدا الهبوط... ريجي لايملك حلول للعوده للمباراه ...اذا مافاز من البدايه ولا ياتعادل او هزيمة... ومع هذا اللاعبين ماساعدوه...وحتى في هذي الحاله مفترض يكون عنده البديل الجاهز... ناصر الشمراني اضاع اكثر من كره محققه والاهلي استغل الفرص.... ولا تقريبا اللعب كان متكافئ ... الدفاع في المجمل جيد جداً...بناء الهجمة بطيئ جداً....الهلال يعاب عليه عدم استغلال الهجمة المرتده... ولو تدربو عليها اتوقع اننا نملك عناصر انجاحها بفعاليه....وشوفو هجمات ريال مدريد المرتده...السهل الممتنع ... الواحد يعرف وين يفتح خانه ويعرف متى يمرر ومتى يحتفظ... إن شاءالله يرجع الهلال لوضعه الطبيعي |
مباراة الاهلي ..... رب ضارة نافعة الهلال اكمل سنتين بدون بطولة و الاسباب كثيرة ولكن الاصلاح يبدأ من راس الهرم وهو الرئيس اللي مافي راسه كورة والحمدلله انه استقال والان يجب عودة الامير محمد بن فيصل او سعود بن تركي وطبعا تغيير كامل مجلس الادارة اللي ما يصلحون الا خويا ولا نبي مدير مركز اعلامي فالرد في الملعب بالنتائج. اللاعبين كبار السن راحوا في المباراة اليوم مثل الشلهوب وكريري وكثر خيرهم ولا بد من اعطاء الفرص للاعبي الاولمبي . مباراة العروبة لابد من اعادة الشهراني يسار ودرويش يلعب يمين وعطيف وسلمان الفرج محاور و القطام بدال نواف والكعبي بدل سالم الدوسري والابقاء على ناصر ونيفيز |
أنا اللي مستغرب منه شئ واحد بس .. شراحيلي ليش ماشارك أساسي و سامارس |
مباراة شوط اول لنا بس استعرضنا فيه فقط ... شوط ثاني الاهلي عرف كيف يسجل |
الضربات الموجعة للزعيم فريقنا تعرض لعدة ضربات موجعة وابغاكم تعطوني ارائكم بكل صراحة الضربة الاولى خسارة كاس ولي العهد الموسم الماضي قد ام النصر والضربة الثانية خسارة الدوري ومن نفس الفريق والضربة الثالثة خسارة الاسيوية وبالظلم التحكيمي الواضح من الحكم الرائع نيشيمورا والضربة الرابعة خسارة المنتخب لنهائي كاس الخليج لان اغلب اللاعبين من الهلال وهذا انا في تصوري فيه محاولات للضغط على لاعبين الهلال بالذات من ناحية اذا فشل المنتخب يقولون المنتخب هلالي والضربة الخامسة الخروج من كاس اسيا في استراليا والله اعلم ما اجزم بهذا الكلام لكن اللي انا اشوفه هو تعمد اشراك لاعبين الهلال مع ان ترتيب الهلال في الدوري في المركز الرابع وعدم اشراك لاعبي النصر لثلاثة اسباب : 1- حماية لاعبي النصر من الاصابات 2- تعمد ارهاق لاعبي الهلال ليواصل النصر مشواره في الدوري واكبر دليل على النقطة الثانية هو اجبار لاعبين الهلال على انضمامهم لمعسكر لندن اللي واجه فيه منتخبنا منتخب استراليا والمباراة ودية وكان عندنا مشاركة اسيوية ولا عليهم بفريقنا 3- الضغط على لاعبين الهلال في حال فشل المنتخب وزي ما شفنا وسمعنا بعض الجماهير قالوا المنتخب هلالي وشيلوا لاعبين الهلال من المنتخب ومن هذا الكلام واختم كلامي بأن اللاعبين ما الومهم بعد التعذيت البدني و النفسي اللي تعرضوا له من بداية الموسم وبالنسبة لريجي انا احمله 30 من مئة في اللي يحصل من تدني نتائج الفريق واتمنى من الجميع مواصلة الدعم للفريق لان اللاعبين بالذات في امس الحاجة لجمهوره لازم ننتشل الفريق بطريقتنا الخاصة في المدرجات وهذا ما هو شيء غريب علينا لان الركن الثابت للكرة السعودية هو الهلال وبالارقام فريقنا هو الطرف الثابت في المنافسات ان ما كان البطل فهو الوصيف وما قد غاب عن النهائيات بعكس بعض الناس اللي يحتفلون بعد نهاية الموسم بشهرين من فقرهم للبطولات بعد ان رزقهم الله ببطولتين صاروا متصدرين وان شاء الله يرجع الزعيم لهيبته وقوته المعهودة في اقرب وقت وبدايتها من العروبة قولو آمين |
ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ التنظيم الدفاعي سىء سرعة بناء الهجمه متوسط التبديلات موفقه ولكن متأخره ماهي أبرز السلبيات والإيجابيات التي دونتها على أداء الفريق خلال المباراة ..؟ ابرز السلبيات دخول هدفين في الشباك والايجابيات اشراك الشامخ من البديه ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ اداء اللاعبين جيدجداً نجم المباراه سلمان الفرج اللاعب الذي لم يقدم المستوى ناصر الشمراني ماهي رؤيتك الخاصه عن المباراة (( مساحة حره للعضو ))؟ رؤيتي الخاصه الهلال في الشوط الاول اضاع المباراه والفضل يعود لعدم التركيز وهذا مانبهت عليه بعد مباراة الخليج يجيب استغلال نصف الفرصه .. الحارس يتحمل الهدف الثاني الكوره كانت مرتفعه حوالي 15 متر ولم يخرج من المرمى وارتكب الخطاء ديقاو في تخليص الكوره كان مفروض اخراج الكوره على الاطراف ولكن الحارس هو السبب الرئيسي لم يكن يملك القرار للخروج .. ضياع ركلة الجزاء سببه الاستهتار وعدم الانضباط وهذي النتائج .. اتمنى ان يجلس الشمواني وسالم على دكة البدلاء حتى يكون لديهم احساس بالفريق .. المباراه كانت سهله بس المدرب ما اجاد التعامل معها مثل اشراك مهاجمين ف الفريق المنافس كان متراجع بشكل مبالغ فيه .. تحياتي للجميع وهاردلك لكل محب للهلال ... |
مستوى الهلال في نهائي الكاس الفريق كان يستحق الفوز دافع وهاجم واستحوذ لكن خانه الحظ بالاضافة الى اهدار ناصر الشمراني لكل الفرص المتاحة له للتسجيل والمدرب مشكلته هي التأخر في التبديل دائما من بداية الموسم والدفاع كان جيد ولكن غاب الهجوم عن تسجيل الاهداف ورجل المباراة هو سلمان الفرج |
ناصر الشمراني لازم يتدرب على التسديد بالقدم اليسرى عشان يزيد فرص تسجيله للاهداف لان هذا ضروري للمهاجم الهداف على طريقة ياسر القحطاني مثلا وسامراس لازم يشارك في المباريات المقبلة من البداية عشان يتأقلم مع الفريق عشان الآسيوية بالذات |
| الوقت المعتمد في المنتدى بتوقيت جرينتش +3.
الوقت الان » 12:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd