|
بسم الله الرحمن الرحيم السلام عليكم ورحمة الله وبركاته اللهم لك الحمد حتى ترضى ولك الحمد اذا رضيت ولك الحمد بعد الرضا الهلال متدني المستوى لاعبين مستهترين يضيعون ضربه جزاء لاعبين يتعزمون على الكوره لكن اتمنى ان يتحسن حال الفريق ! يرجع الهلال للبطولات زي ما كان!! |
الشكوى لغير الله مذله ورئيس الهلال ومدربه وبعض لاعبين الهلال وخطة العب هم اسباب نكبات الهلال هل يعقل ان يتحكم في مصير الهلال رئيس همه الاول الاتجار بالسمعة. |
حال الهلال ابداً مو عاجبنا اداره ضعيييييييييييييفه جداً جداً كثير لاعبين مستهترين صراحه ومايلعبون بروح عاليه العابد وسالم لاعبين صغار وحرام نخسرهم بتنسيق او بيع يجب ان يتعلمون كرة القدم من الصفر الشمراني اتمنى ع الاقل وضعه بالدكه او بيعه صح انه الموسم الماضي بدع لكن هذا الموسم واخر 4 مبارايات او 5 يضيع هجمات بالهبل واستهبال قدام المرمى ولا الهجمه اللي لاعبين الهلال الفرج والعابد وناصر ونيفيز يتعازمون على الكوره كل واحد مايبغى يشوت سلامات ؟! بعدين بقول كلام للعابد بالله يجيك بلنتي ومباراه نهائيه ومهزوم وتشوت الكوره كذاااااا ؟ م اقول الا الله يعيننا بسسس :( |
إقتباس:
المشكلة والمصيبة ان الرئيس يبي مايطلع من اللعبة خسران يعني بالعربي فقر وغلدمة |
ماهو رأيك في التنظيم الدفاعي للفريق ؟ وأيضاً ماهو رأيك بسرعة بناء الهجمه والارتداد للهجوم بتعاون (خط الدفاع - خط الوسط - خط الهجوم) ؟ وهل ترى بأن المدرب وفق في التبديلات التي أجراها ..؟ التنظيم الدفاعي : دون المستوى لا يوجد تفاهم بين قلوب الدفاع ارتجال كاد أن ينهي المباراة من البداية. سرعة بناء الهجمه: سيئة جدا المدرب للأسف لم يوفق في التبديلات. ماهي أبرز السلبيات والإيجابيات التي دونتها على أداء الفريق خلال المباراة ..؟ أبرز السلبيات : 1- الروح غائبة منذ نهائي آسيا 2- بعض اللآعبين لسان حاله يقول حصلت على المال والشهرة لا أريد أكثر من ذلك. 3- الأظهرة في الهلال في كلا الجهتين أدوارها الهجومية معدومة تماماً 4- جميع اللاعبين يفتقدون للتمركز والتحرك بدون كرة . 5- الإستغناء عن بنتلي غلطة فادحة . 6- سالم الدوسري ونواف العابد ونيفيز هبوط حاد في المستوى . أبرز الإيجابيات : حضور الجمهور الهلالي ماهو تقييمك لآداء لاعبي الهلال ، ومن هو اللاعب الذي ترى أنه كان من نجوم المباراة ؟ ومن اللاعب الذي ترى أنه لم يقدم المستوى المأمول ؟ أداء اللاعبين بشكل عام دون المستوى لا أعتقد أن هناك لاعب يستحق أن يكون نجم المباراه جميع اللاعبين للأسف لم يقدموا المأمول ماهي رؤيتك الخاصه عن المباراة (( مساحة حره للعضو ))؟ المباراة كانت في أرضنا كان من المفترض أن يلعب المدرب بخطة هجومية منذ البداية . لا أن ينتظر هدف ثم يبادر! اللاعبين يحتاجون لبرمجة فأدمغتهم توقفت عند نهائي آسيا وأصبحوا يهيمون على وجوههم في كل مباراة الأخطاء واردة في كل مباراة لكن أن تخسر مباراة من فريق بعشرة لاعبين وفي أرضك فهذا مؤشر خطير للأسف روح المبادرة من اللاعبين والتركيز غائب تماماً |
شكرا على ماقدمتهو ياسمو الامير عبدالرحمن بن مساعد للهلال ولو اني لم اكن اتمنى ذهابك انما المدرب لن نسى ماقدمته ويحفظه لك النادي والجمهورواتمنى منك ياسموالامير بعد مغادرتك النادي الا يكون النادي لقمه سهله للمتربصين بنادي ارجوك ياسمو الامير فلمتربصين كثر ونعرفهم زين شكرا لك ياسمو الامير عبدالرحمن بن مساعد |
مبروك استقالة الرئيس وعقبال من معه كل ابوهم والف مليون مبروك لكل الانديه اكلت بطولات من كتوفنا والله يحللك ويبيحك يا سامي الجابر |
ليلة حزينة , تمنينا نفرح بالكأس وتكون انطلاقة تجدد الروح ... لكن للأسف أتجدد احباطنا في هذا الموسم البائس . أبرز نقاط المباراة من وجهة نظري : 1. واضح وضوح الشمس أن المدرب منذ نهاية كأس آسيا , لم يعد يملك شي يقدمه للفريق .. الفريق من سيء لأسوأ .. أبداً لا تظهر عليه لمسات مدرب ( يعمل بتقدّم ) لم يعد ريجي يملك أدوات يتصاعد بها الفريق ! 2. شوتة البلنتي ... علامة استفهام كبيرة ! العابد موهبة بلاشك ومن الظلم أن نقيّم مستواه في هذه المباراة فقط .. ياما فرحنا ... لكن واضح جدا ارتباكه ووالله العظيم اتوقعت أن يضيع البلنتي ... ليه مافي تدريب على ضبط النفس في المباريات الحساسه ؟ ليه ما عندنا لاعب جامد يُعتمد عليه في التنفيذ ؟؟؟ الكل مرتبك ... ولا يوجد لاعب مختار من قِبل المدرب مسبقاً للتنفيذ ... تاركين الخيار للاعبين يتناولو الكورة !! 3. الفريق ككل .. فاقد الروح .. فاقد شحن معين لا ندري ماهو !! لكن أعيد وأكرر لمسات المدرب .. غير الموفقة .. بل والتي لم تضيف أي شي جديد .. ويبدو أن البيئة في النادي فيها خلل معين .. لا ندري ماهو . 4. طالبتم بإستقالة ابن مساعد ... هاهو فعلها للتو ! رغم أنه صرّح أكثر من مرة أنه لا يتخذ أي قرار في حالة الغضب أو الفرح .. ولكن معذور الضغط أكبر مما يُحتمل والأخطاء التي تراكمت وهو شريك فيها هذه نتائجها ! فهل ستظنون أن الهلال سيتغيّر بمجرد استقالته ؟؟ فجأة حينقلب يعني ؟؟ أنصح كل محب للهلال بأن ( يشطب ) على أي أمل في تحقيق أي شي خلال هذا الموسم ... موسم للذكرى والدروس . . وأرجوكم .. لا تقسو على لاعبينكم .. مواهب يحسدنا عليها كل نادي سعودي .. تذكروا أنهم هم ذاتهم الذين أفرحونا وأسعدونا في المرات السابقة ... الفريق مع الجماهير مع كل شي يتعلق بالهلال يحتاج مراجعة ونهوض من جديد ... :cry: .. وكأن الهلال مباراة واحدة فقط ! والله يجعل القادم أفضل ... لا بد أن نعود مهما ساءت الظروف ! |
لن يفلح الفريق وسالم الدوسري والفرج والعابد والشمراني في الملعب ... والسلام |
لايوجد في الهلال ضبط وربط الاعبين يلعبون على كيفهم لايوجد حرص على إستغلال الفرص هناك من يلعب على كيفه الثقة والروح غير موجوده المدرب جبان يخاف من للعب بمهاجمين مع ضعف الشمراني وغياب نيفز وسرحان ولف ودوران سالم الدوسري وخوف وإرتباك التويجري وشورود وجبن الشهراني وبرود العابد . المدرب منفصل عن الاعبين كلاً يغرد خارج السرب لم يكن الهلال في تأريخه بهذا الضعف والخوف وضياع الفرص وإتكالية الاعبين وعدم الإهتمام في إستغلال الفرص وتنفيذها بالدقه بل هناك كلاً يعطيها للأخر خوفاً من المسؤولية لاتوجد ثقه في النفس وهذا غير موجود بين بني هلال بل مستحدث من الذي زرعة . |
ماذا يحتاج الهلال ؟ 1- يحتاج الهلال رئيس ذوشخصيه قويه شجاعه حكيمه وذو هيبه توافقيه 2- يحتاج الى مدرب شجاع وليس جبان يفرض الانضباط على اللعيبه وبالذات العابد وسالم الدوسري والشمراني ومن يشابهونهم سلوكيا ومن يستهتر باللعب والهجمات على الخصم 3- يحتاج ان يكون هناك لائحه للانضباط وللعقوبات والمكافاءت في النادي على اللعيبه |
السلام عليكم اولا ودي اسال ادارة المنتدى متى بتتفضل علينا وتسمح بكتابة مواضيع جديده .. ................................................. ثانيا والاهم الخساره موجعه والضعف اللي في الفريق مؤلم جدا الفريق عنده العناصر اللي تقدر تتفوق علي اي فريق مو بس في السعوديه على مستوى اسيا ولكن المشكله انها سلمت لمدرب جاي عشان الفوس وما عنده طموح للنجاح ولا هي فارقه معه فاز خير وبركه انهزم ما عنده اي مشكله عشان الواحد يكون منطقي وبعيدا عن العاطفه المدرب يحجك بانه يوصل المهاجمين للمرمى ويرى ان هذا واجبه ومعلق الموضوع على اللاعبين يعني مطلع نفسه منها وما عنده استعداد يحل هالمشكله يعني لاهو اللي ركن اللاعبين المزاجيين ولعب الناس اللي مستعده تقدم نفسها وتخدم الفريق هنا يطلع لنا الدور الاداري والحزم وتفعيل مبدا الثواب والعاق ومنح الخانه للي يستحقها رجي في هالمباراه اللي كانت تمثل طوق النجاه له وللاداره وللاعبين اشرك الشامخ وترك كريري يقابل الفريق الاهلاوي لحاله مع ان المنطق يقول انه يشرك الفرج ظهير وعطيف يسانه كريري وسماراس مع نيفيز والشمراني ويفاضل بين العابد و سالم الدوسري في المباراة اللي كنا نحتاج ننزل بثقلنا كله تذكر لاعبي الالومبي وتركهم في المباريات السهلهاللي تدخلهم في جو الفريق الاول تدريجيا الفريق تايه بين اداره متساهله ومدرب ما عنده اي طموح ولاعبين اتوقع انهم ماهم مرتاحين لطريقة المدرب ولا للاحمال التدريبيه اللي مستخدمها معاهم رجي مدرب جبان من مباراة العين وضح هالشي وتاكد في باقي المباريات مصر على طريقته ولانه ما في احد يحاسبه لا اداري ولا فني وصلنا لها المستوى بالنسبه لعبدالرحمن بن مساعد حورب من داخل مجلس اعضاء الشرف والكل عارف انه لها السبب اقيل سامي وكان انتصار لبندر بن محمد وربعه وللاسف ما كان البديل في مستوى سامي اللي قالو انه بدري عليه يدرب الهلال من وجهة نظري انه الوضع تحول زي ما كان عبدالرحمن متمسك في سامي وهم رافضين صار اللحين عبدالرحمن بنمساعد يبي يقيل المدرب والشله رافضين صارت المساله عناد وتخلو عنه ولهذا وصل الفريق لهذا المستوى استقالة عبدالرحمن بن مساعد ماهي حل وخاصه في هذا التوقيت لانها زياده للمشكله وطعنه اخرى في جسد الكيان كان المفروض تكون الصدمه بتغيير المدرب ولو انها متاخره اذا كان اعضاء الشرف حريصين على الفريق يدعموه حتى نهاية الموسم وبعدها يتم التغيير تخيلو الحميداني رئيس للهلال ؟؟ اذا ما قدر يسوي شي وهو مع عبدالرحمن اش بيسوي لحاله ...؟ اسفي على الهلال وعلى ما ستؤل له الامور لا ادارة ولا مدرب وياقلب لا تحزن اتوقع ان موسمنا انتهى واسيا الله يستر من نتائجها ومن التلطيش اللي بنشوفه في كاس الملك وبقية مباريات الدوري حسبي الله على من ساهم في حرق الزعيم وتحياتي لكل الزعماء المخلصين |
تعبناااا نلوووم مين ونعاتب ميين ونحاسب مييين !! وش السبب اللي وصل بالهلال الى الدرجه هذي صابنا احبااااااااط يكفي البلنتي اللي من وقفة العابد والتسديد على المرمى حتى لو لاعب حواري ماينفذها بالطريقه هذي كيف من محترف !!!!! شي يقهههههر |
شكرا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ظ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
ريحي ذنبه انه يسمع كلام الرئيس باشراك الشمراني (راس الحربه هو من يترجم مجهود الفريق) والشمراني مفلس (امكانياته ضعيفه لاجت الكوره على رجله اليسرى ميته ...ولاعنده مهاره يتخطى مدافع ويصلح لنفسه ويشوت ...ولا عنده ارتقاء ....وحتى لاجت على رجله اليمن يشوت دغري اي حارس يعرف انه شوته سيده مايحط كوره حط ) هو عندما كان هداف الدوري بهجمات مرتده طقها والحقها ...او كره عرضيه ويزت روحه عليها احيانا تصيب او تخيب راس الحربه لابد عنده مميزات اللعب بالقدمين الا رتقاء ..مراوغ جيد ...كل هالميزات لايملك منها الا نصف واحده تسديد بليمين افضل مركز للشمراني ظهير يمين |
| الوقت المعتمد في المنتدى بتوقيت جرينتش +3.
الوقت الان » 01:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd