الى اخواني الزعماء السلام عليكم

انتم عارفين المستويات اللي يقدمها الهلال في الايام الاخيره اللي من الاكيد انها لاترضي عشاق الزعيم.

لكن من وجهة نظر بسيطه كيف يفوز الهلال بالمباراة

1- بالروح العالية من اللاعبين وخاصه روح اللعب بالنهائيات وهذي ميزه يتميز بها الهلال

2- الضغط على الظهير الايمن ( عقيل بالغيث ) لانه يلعب بخانه ليست بالخانه الاساسيه.

3- لعب الكرات البينية والساقطه بين مدافعي الاهلي والكل شاهد الضغط فريق النصر على الاهلي بالمبارة السابقه

4- التسديد من خارج المنطقه

5- عدم لعب ( برونوا سيزار ) بالمباراة هذا يعتبر في صالح الوسط الهلال
.................................................................................................... .............................
بالنهاية الى جمهور الهلال..صحيح حنا زعلانين من اللاعبين بسبب المستويات السيئه بالايام الماضية
بس مشكلتنا حب الهلال يجري بعروقنا.. وانا متاكد جمهور الهلال بيملي الملعب انشاء الله.

ولكم مني فائق التقدير والاحترام

بقولك شيء حتي لو مالعب برنو في لاعبين مميزين في الاهلي السومه هدافهم الحل عند لاعبين لان هذاي للفرصة لي مصالحة الجماهير الهلالية الغب بروح واصرار وعدم اهدار الفرص وعد اللعب بأنينية واستعراضات مالها داعي اللعب جماعي يخدم الفريق حضور جماهير النلكي وتشجيعها لي الفريق وان شاء الله بكرا نفرح

اوافقك بالراي بما قلت الا اننا اختلف معك حتى ولو لم يلعب برونو الاهلي عنده تيسير وبصاص وغيرهم عنده ظهير مميز وهو عبدالشافي واتمنى الضغط عليه من قبل العابد او سالم
ويعطيك العافيه عالموضوع والله يوفق الزعيم ان شاء الله ويفوز

دفاع الاهلي شويه مهزوز اتمنى نستغل الفرص من بداية المباه ونتحكم بالرتم
طبعا هذا ماراح يصير الا اذا ركز رباعي المقدمه ناصر وسالم ونواف وتياقو

وبالتوفيق يااااا رب نحققهـــآ

الأهلي ثقيل فنياً و يملك محترفين فايف ستار
ولكن دفاعه هش لدرجة كبيرة وتألق حارسه المعيوف هو من انقذه امام النصر بعد مشيئة رب العالمين
ولكن المعيوف شبيه بمستوى السديري لا تتنبأ متى يبدع ومتى يخفق
بالأضافه الى عدم لعب برونو سيزار لتجدد اصابته ( ان صح الخبر المنشور اعلامياً )
بالإضافة ان السومه لم تكتمل لياقته ولا يستطيع لعب مباراة كامله وهو منقطع عن اللعب وعائد من اصابه لفترة واتمنى ان يكون لذلك تأثير كبير عليه بإذن الله
تيسير الجاسم مستواه ينخفض في المباريات الكبيرة بشهادة جمهور الأهلي نفسه وآخرها مباراة النصر فلم يكن له حضور كبير في الملعب

كل ماذكرته ليس تقليل من الخصم ولكن تركيز على نقاط ضعفه ومن باب رفع مستوى التفاؤل
فلا نختلف ان الأهلي افضل من الهلال فنياً في الوقت الحالي ولكن الأمور النفسية لها تأثير كبير في النهائيات وهي من مصلحة الزعيم بشكل كبير
لو كانت مباراة دورية عادية فلن يكون لدي نفس كمية التفاؤل مثل نهائي اليوم
لكن نقول يارب .. ومن قال يارب ماخاب

كلامك سليم .. خاصتا نقطة اللعب بالروح العالية التي تشمل احترام الخصم
واستغلال الفرص السهلة والمحافظة على نتيجة الفوز واتزان الفريق طيلة شوطي المباره ...هذه مبارة نهائي
تحتاج الى تركيز عالي وتهئيه معنويه جيده للاعبين ..

مدرب نادي الاهلي ذكي ويملك عدة حلول لسد ثغرة اللاعبين الغائيبن
لديه لاعبين مميزين ويصنعون الفارق ... يجب على ادارة نادي الهلال والجهاز الفني
واللاعبين لا ينخدعون بأن غياب سيزار مؤثر ,,,

صحيح لاعب ذو امكانيات عاليه لكن بإستطاعة المدرب ايجاد اللاعب المناسب
لتعدد الخيارات له وبسبب ان مستويات نادي الاهلي بالدوري الحالية ممتازه
بدون سيزار فاللاعب لم ينضم الا متاخراً . ..

مثل ماتفضل اخي حب الزعامه هناك مؤثرات
نفسيه قد تكون من صالح الزعيم .. وبالتوفيق لهم

يعطيكم العافيه
فالنا ان شاء الله البطولة

يعطيكم العافيه
فالنا ان شاء الله البطولة

أعتقد أنه لا مقارنة بين بين الاسماء الهلالية والاسماء الاهلاوية فالتفوق واضح للهلال لكن هل سيكون اللاعبين في يومهم وهل سيوفق المدرب في توظيفهم التوظيف السليم من خلال الضغط العالي على وسط الاهلي؟
غياب الزوري اربك خانتين في الهلال الظهير الايسر والمحور المتقدم!
هذا ان دل فانما يدل على سوء الادارة التي تقضي على الهلال بكل ما تستطيع من قوة.
إن كان الرباعي نيفيز وسالم والعابد وناصر في يومهم ونفذوا ما يملي عليهم الشعار وليس السباك سيظفر الهلال بمشيئة الله بالكأس
آخر أمل أضعه في يد اللاعبين وليس في يد المدرب فهل يحسنون الى الجمهور ويبقون على امل لنهاية الموسم او حتى ترحل الادارة البائسة الفاشلة المهزوزة

مباراة صعبة

ولكن الضغط المبكر على الاهلي من بداية المباراة راح يسبب لهم ارباك رهيب وراح تكثر الاخطاء الدفاعية من دفاعهم ولنا عبرة في مباراة الشباب معهم على نهائي كاس الملك ضغطهم الشباب من البداية وحصل على ركلة جزاء مبكرا وبعدها بدا مهرجان الاهداف