|
ياادارة الموقع ممكن تفهموني ليه لغيتو موضوع استفتاء بقاء اورحيل الادارة هل لان الجمهور قال كلمته بالاجماع بعدم رغبته بقاء الادارة كما في العنوان بعد ان فتحت موضوع استفتاء لرغبة الجماهير ببقاء او رحيل الادارة وكانت الحقيقه التي لايرضاها الرئيس بعدم رغبة الجمهور ببقاء الادارة ويطالب برحيل الرئيس وسؤالي هنا موجه لادارة الموقع لماذا الغيتو الموضوع والاستفتاء هل هي سياسة تكميم الافواه |
أخي الغالي .. حسب علمي أنه يمنع وضع استفتائات من قبل الأعضاء با لمنتدى .. لإنه شيء خاص بإدارة الموقع .. و با لنسبة لإدارة الهلال فهي لديها أخطاء مثل غيرها من إدارات الأندية الأخرى .. و لكن بنفس الوقت لديها إيجابيات ..! |
هذي تسويها نهايه الموسم مو الان تسويها تبي الاصفرين يمسكو موضوعك ويلفو فيه بالقنوات ويقولون استفتاء جماهيري هلالي تطالب باقاله الرئيس الله يهديك بس بدل ماتشجع وتساند جالس تخرب |
هد اعصاب ولاتشيل هم اساسا ما احنا بحاجة استفتاء الجميع يعلم ان الاداره يجب ان ترحل فالوضع لايسر الا الفقر واتباعهم بس الاداره بالذات ماتنشال الا نهاية الموسم |
أنت بكامل قواك العقلية من بيممسك النادي بهالحالة وينكب نفسه نشوفك نهاية الموسم |
إقتباس:
|
لاجديد سياسة الموقع مجاملات وكأن الرئيس هو اللي يدفع مرتباتهم !!! هذا منتدى الهلال الرسمي ويحق للجمهور ابداء رأيه مابالك بالاستفزاز من الرئيس المفلس وجلوسه على مقعد الرئاسه طويلا رغم ان اخر 4 سنوات له كارثيه للهلال ولا بطولة دوري ولا اسيا ولا اي بطولة كبيره .. ولازال يكابر ونحن الخطأ وهو الصح للتذكير سوف تمجد ادارة الموقع في الرئيس الجديد ان اتى وتقول ان الادارة السابقه -اللتي الان تكمم الافواه عليها - وجب عليها الرحيل في ظل الاخفاق المتواصل !!! سؤال كرهني في السعودية كلها ... الى متى سياسة التملق وانتظار الشرهات الكريهه !!! ياخي منتدانا احنا ... صوتنا احنا ... روحو لعمكم وتملقو عنده الين تشبعو لكن لاتسكرو على الجماهير ناديها ... ترا مااشتهر النادي الا بجمهوره |
اعتقد الغاء موضوعك للمصلحه العامه ، لمصلحة النادي و الجماهير والرئيس وبعدين مين انت عشان تسوي استفتاء ، واغلب الجماهير اذا مستوى الهلال كويس ويلعب شجعتوه واذا تعثر قلبتوا عليه ، ترى الرئيس الي تطالب برحيله هوا نفسه الي كنت تدعيله وفرحان فيه في اسيا |
مالنا غير الدعاء... حسبي الله على إدارة الهلال ومن كمم افواهنا عنهم هنا بالمنتدى... عسى ان تلقون مثل ما فعلتموه بالهلال وجماهيره... |
إقتباس:
بعدين لعلمك ابن مساعد يستخدم سياسة الشورى للأعضاء الداعمين وما يقرر لحاله ويحترم رأي الجمهور و الأعضاء والمدرب كذلك .. تذكر إيمانا طالب فيه الجمهور وجابه .. ما له داعي النقد والنرفزه عشان لقب آسيا رآح بظلم تحكيمي لو جابها كان أصبح بطل جماهيري ! هو ما ذنبه أن المدرب قرارته عجيبة في الآونة الأخيرة ولا اللاعبين الي نزل مستواهم بعد البطولة .. هو ما قصر جاب لك أحسن مدرب روماني بعد مطالبتنا ب إبعاد سامي لقلة خبرته .. وصعب أنك تجيب مدرب كفؤ وصار للفريق دروب فترة لا تذكر وتقول أقيلوه كل شيء ممكن يتصلح شوية صبر ودعم و عقلانية و فكونا من أفكار خراب مالطا كل ما صارت هزيمة ولا شيء أقيلوا فلان وعينوا فلان وين حنا فيه ؟ |
هذي تسويها نهايه الموسم مو الان تسويها تبي الاصفرين يمسكو موضوعك ويلفو فيه بالقنوات ويقولون استفتاء جماهيري هلالي تطالب باقاله الرئيس الله يهديك بس بدل ماتشجع وتساند جالس تخرب انا اتفق معك |
احنا مع المدرب والإدارة الى نهاية الموسم مهما كانت الأسباب |
موضوع الاستفتاء ماله سنع ولا له أي داعي بعدين من الي راح يمسك النادي وهو بالوضع هذا ؟ |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 01:40 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd