لبي قلبك ورحم الله والديك

بس مع ريجي الله ينتقم منه ماضنيت حتى بطولة مصاقيل خخخخخخخخخخخخخخخخخخخخخخ

إقتباس الرسالة الأصلية كتبت بواسطة سعد الحسيني المشكلة قد تكون من اللاعبين ولكنهم لايتحملون كل شيء .. المشكلة نتحملها جميعاً " إدارة فالمقام الأول ، جمهور فالمقام الثاني ، لاعبين في المقام الثالث " واقولك ليه يا اخي اتلتيكو فيه إدارة تجبرك ترفع القبعة إحتراماً لهآ كذلك جمهور انا سبق اني ذكرت هالنادي كـ مثال لانه خسر نهائي قاري ومو قدام اي فريق عادي بل امام غريمة التقليدي يعني تخيل حجم المعاناة والقهر والإحباط في نفس اللاعبين والجماهير والإدارة لكنهم بسرعة البرق تناسو هذا ، لاعبين وجمهور وإدارة ورجعو بقوة للمنافسة وضربو غريمهم 6 مرات متتالية وجمهورهم ماترك فريقه وحيد وهجر المدرج بل العكس والمباريات شاهده على ذلك كلامي هنا ان المُلام فالمقام الأول هو الإدارة وفشلهآ الواضح في إعداد اللاعبين لينسوهم هذه الخسارة لانها مو نهاية المطاف ولا نهاية الدنيا ولا آخر لقب راح تلعب عليه !! لكن الإدارة هربت وتركت الفريق وحيداً محاطاً بـ ناس كارهين للنادي والنتيجة اللي قاعد نشوفها الان لاعبين بدون روح ومدرج خالي من الجماهير وإدارة تاركة الفريق لكارهي الفريق !! ايضاً احنا نتحمل بعض من الخطأ ، وش ذنب اللاعب بعد ان كان المدرج مليان ويدعمه ويسانده ويحفزه يشوفه خاااالي وفااااضي وهو في عز حاجتة للجمهور ودعمهم له اللاعب مايرجع اقوى الا بوجود الجمهور ودعمهم له موب مثل الان للاسف كثير من الجمهور اتجه للشتم والسخرية والتقليل من اللاعبين ومواقع التواصل الإجتماعي خير شاهد على ذلك انا وانت وكل انسان في حالة خسارته او فشلة يحتاج احد يدعمه ويوقف معه عشان ينسى هذه الخسارة المؤلمة بالنسبة له فما بالك في لاعب كان المدرج مليان وقت الانتصار ويدعمه وفجأة يصبح المدرج مهجور وهو في عز حاجته له !!

كلامك على متمه
..
صحيح جمهور الهلال واعي ومستحيل يقدر" غير هلالي "يمشي عليهم شي،.
لكن وش رايك ان فيه "اشخاص وللاسف هلاليين هم من يحركون الجمهور الان ويحاولون يبعدونهم عن الحضور !!
صحيح ان الهلال ماهو الهلال وان فيه تخبطات وامور" تقهر واخطا اداره وبربسة مدرب وتخاذل لاعبين
وعلى هالنقطه " هالاشخاص بدو يصفون حساباتهم الشخصيه مستخدمين هذه الاعذار..
وانا كمشجع هلالي طبيعي اصدق هالشخص لاني متاكد من ميوله انه هلالي وكل كلامه صحيح لكن للاسف انصدم بعد ماعرف ان هالشخص استخدم " سحب الجمهور من الحضور بس عشان يصفي حساباته الشخصيه مع اشخاص اخرين ... والضحيه الهلال للاسف...

هم اشخاص " كنت اعزهم ولهذا السبب صعب اكتب اسمائهم ..
لكن ياليتهم يتوقفون عن اثارة الجمهور وتحريضه..
وحتى اي مغرد هلالي عطاه الرئيس بلوك في تويتر
سحب معه جمهور الهلال " ويطالبهم مايحضرون"
ماهو حب في الهلال ولكن " انتقام..

لكن اطالب كل جمهور الهلال
ضرب كلام هالاشخاص في الجدار
والحضور
الهلال في اصعب الظروف الان فقط يحتاج روح جمهوره ..
وخلو اللي في تويتر " ينبح لحاله"

اختصرت الكثير واصبت الحقيقه هذا العذر صار غير مقبول كل الانديه تخسر وتعود اقوى من قبل يعني خلاص يالاعبي الهلال معاد فيها عذر . السبب الاعلام القذر يروج لمثل هذا العذر وتلقفها الاعبون والجماهير ولو كان فريقهم هو الي خرج من البطوله لابثوا فيهم الحماس والمديح ...و.....وبيقولون انا الفريق لايتاثر وهو عالمي ومن هذا المديح وسترون اذا طلع النصر كيف تتغير هذه النبره

إقتباس الرسالة الأصلية كتبت بواسطة مهتم7 كلامك على متمه .. صحيح جمهور الهلال واعي ومستحيل يقدر" غير هلالي "يمشي عليهم شي،. لكن وش رايك ان فيه "اشخاص وللاسف هلاليين هم من يحركون الجمهور الان ويحاولون يبعدونهم عن الحضور !! صحيح ان الهلال ماهو الهلال وان فيه تخبطات وامور" تقهر واخطا اداره وبربسة مدرب وتخاذل لاعبين وعلى هالنقطه " هالاشخاص بدو يصفون حساباتهم الشخصيه مستخدمين هذه الاعذار.. وانا كمشجع هلالي طبيعي اصدق هالشخص لاني متاكد من ميوله انه هلالي وكل كلامه صحيح لكن للاسف انصدم بعد ماعرف ان هالشخص استخدم " سحب الجمهور من الحضور بس عشان يصفي حساباته الشخصيه مع اشخاص اخرين ... والضحيه الهلال للاسف... هم اشخاص " كنت اعزهم ولهذا السبب صعب اكتب اسمائهم .. لكن ياليتهم يتوقفون عن اثارة الجمهور وتحريضه.. وحتى اي مغرد هلالي عطاه الرئيس بلوك في تويتر سحب معه جمهور الهلال " ويطالبهم مايحضرون" ماهو حب في الهلال ولكن " انتقام.. لكن اطالب كل جمهور الهلال ضرب كلام هالاشخاص في الجدار والحضور الهلال في اصعب الظروف الان فقط يحتاج روح جمهوره .. وخلو اللي في تويتر " ينبح لحاله"

تويتر مايأثر علي كـ شخص عادي ولله الحمد

ولكن وش شعور اللاعب اللي مثلاً يبي يدخل تويتر يشوف حسابه

كل الردود استناقص وتسفيل وإلخ !

للاسف صار الهلالي يبي ينتصر لرأيه ويثبت صحة كلامه

على حساب هذا الكيان

والان شف المنتدى كل بعد اسبوعين يطلعون بموضوع سامي !!

سامي الان في قطر وللاسف ماتدري هل من ينشر مثل هالمواضيع

هلاليين او مندسين


الله يعطيك العافية

جوانزو خسر اسيا
وعاد فريقة اقوى وتعاقد مع مهاجم وجناح
ب 123 مليون
2 فقط

والله وانا اخوك الهلال مع السباك هذا اكثر من سخيف

نمشي مع كلام الادارة وان سبب تواضع مستوى الهلال هو خسارة الاسيوية ..

طيب مرت على الفريق فترتين توقف لكاس الخليج و آسيا ،، لماذا لم تستغل الادارة والمدرب الفرصة اخراج اللاعبين من الوضع النفسي و ازالة آثار الخسارة الاسيوية ؟

الاجابة على هالسؤال توضح ان العلة إدارية وان عذر الخسارة الاسيوية ماهو الا حجة لتغطية الاخفاق الاداري والمصحوب بالتخبط التكتيكي للمدرب ريجي .

الله يكتب الي فيه الخيرلزعيمكم
اتمنئ منكم الدعاء لناوللجميع
واتمنئ من اي عضويبغئ عضويتي يعلمني

إقتباس الرسالة الأصلية كتبت بواسطة زيد الملكي جوانزو خسر اسيا وعاد فريقة اقوى وتعاقد مع مهاجم وجناح ب 123 مليون 2 فقط

عندنا اعلام سافل " يلعب على هالنقطه" لكن مشكلة بعض الاعبين ...
يصدقون كل مايقال في الاعلام
من اهم مميزات الاعب المحترف ان لايستمع للاعلام .. ويشوف قدامه فقط ويرضي جمهوره