|
خذوني على قد عقلي ...!!!! السلام عليكم ورحمة الله وبركاته.. اتمنى تأخذوني على قد عقلي اذا ذكرنا عناصر الفريق الهلالي عبد الله السديري كواك الزوري الشهراني ياسر ديقاو سلمان الفرج الشلهوب نيفيز سالم الدوسري ناصر الشمراني ساماراس ابي احد يقارن هذه الاسماء بلاعبين الفرق الاخرى بالدوري بما فيهم المتصدر النصر من يقارن بمستوى كواك او ديقاو هل يقارن بمستوى عمر هوساوي في النصر او المحترف محمد حسين ..؟ ومن يقارن بمستوى ياسر الشهراني هل يقابله الغامدي ومن يقارن بمستوى سلمان الفرج هل يقارن بـــ شراحيلي ومستوى نيفيز يقارن بمستوى الراهب او ناصر الشمراني او ...او..........!!!!!! ياناس بالعقل جميع المقارنات التي ذكرتها ولا تقارن بـــ10% من مستويات لاعبين الهلال اجل المشكلة بمن؟؟ اتمنى من الادارة ان تسال وين المشكلة؟؟ بالاخير يجب ان نقارن بين من يجلس على دكة الاحتياط من الادارة حتى لو كان الفريق بنجران وليس بالرياض ومن الممكن تكون هذه من الاسباب بتدني المستوى رئيس النصر مع الفريق في جميع الاحوال والمواقع... من يقابله في دكة احتياط الهلال من الادارة ؟؟؟!!! الله يعين:wub:.... |
الله يعطيكم العافيه وبالتوفيق للزعيم الملكي |
عليكم السلام ورحمهـ اللهـ وبركاتهـ ~ بصراحهـ أخالفكـ الرأي بمعظم ما طرحت ^~^ 1)- عن نفسي من وجههـ نظري آي شخص يبي ينجح أو يواصل نجاحهـ يجب عليهـ مقارنتهـ مع نفسهـ فقط وليس مع الآخرين ! لأن الشيء اللي تبي تكون أفضل منهـ هو نفسكـ وإذا بتقعد تراقب الناس بتتعب ولا رح تستفيد شيء فالآخير ،، فـ مثلا الهلال يجب ان يقارن بين حاضرهـ وماضيهـ ،، ويكون تركيزهـ ع الإنتقال من أفضل إلى الأفضل ! لأن أصلا كيف تقارن فريقكـ بفريق مب نفس قدراتكـ ولا مكانتكـ ولا إنجازاتكـ ولا يمر بنفس ظروفكـ ولا ...الخ ! المقارنهـ يجب أن تكون بين فريقين مساوين بكل شيء عشان نقدر نطلع بنتيجهـ مفيدهـ ! 2)- أنا ضد جلوس آي شخص من الإدارهـ في دكهـ الإحتياط لعدهـ إسباب أبرزها :~ 1)- وجودهـ يسبب ضغط كبير سواء ع اللاعبين أو المدرب " أتكلم بشكل عام يعني سواء المدرب كان ريجي ولا غيرهـ " ~ 2)- وجودهـ قد يأثر ع بعض قرارات المدرب " أتكلم بشكل عام يعني سواء الرئيس الأمير عبد الرحمن ولا غيرهـ وسواء هذهـ الإدارهـ ولا غيرها " ~ فـ عشان كذا أفضل عدم تواجد آي شخص من الإدارهـ بالدكهـ ،، وأفضل كل واحد يكتفى بأداء واجبهـ ع أكمل وجههـ فمثلا المفرج هو اللي من وجههـ نظري مهمتهـ يقعد بالدكهـ ويقوم بواجبهـ بالتأثير الإيجابي ع المدرب وجعلهـ يتأخذ القرارات الصحيحهـ ،، ويجبرهـ ع الرجوع عن الخطاء وعدم تكرارهـ نفس الأخطاء بكل مباراهـ ~ مثل تغير مراكز اللاعبين + عدم اللعب بخطهـ هجوميهـ مهما كان الفريق المنافس والإكتفاء بمهاجم واحد بجميع الأحوال ! ~ أما بخصوص المشكلهـ الأساسيهـ فمن وجههـ نظري هي طريقهـ الرئيس والإدارهـ بإدارهـ أمور الفريق ! لأن لو كانت طريقتها صحيحهـ كان ما شفنا بعض اللاعبين واضح عليهم التكاسل والتخاذل أمثال تياقو ! لان لو كانت طريقتها صحيحهـ كان ما شفنا المدرب يكرر أخطائهـ ويصر ع عدم تصحيحها والتعلم منها ! لان لو كانت طريقتها صحيحهـ كان ما شفنا مدير المركز الإعلامي فالح بالتقليل من جمهور فريقهـ ومب فالح بأداء واجبهـ ع أكمل وجههـ وهو الرد خصوصا بـ لغهـ الأرقام ع من يهاجم الهلال بالإعلام ويشككـ بإنجازاتهـ وتاريخهـ ! لان لو كانت طريقتها صحيحهـ كان ما شفنا أحد تجرأ ع ظلم الهلال خصوصا التحكيم وتكرار مهازلهـ في كل موسم ! لان لو كانت طريقتها صحيحهـ كان شفنا أحد تجرأ يتمادى ويتعدى حدودهـ علينا !! عموما أنا اللي مصبرني ان باقي لها موسم ونص بسسس ،، عسى ربي يعديهم ع خير ~ وأهم شيء عندي الهلال يحافظ ع وجودهـ الدائم بآسيا ولا بنحرم من ميزتهـ هذهـ ~ بالتوفيق لهلالنا سواء ببقاء هالإداراهـ ولا رحيلها ،، وربي يكتب اللي فيهـ الخير لنا ~ عوافي ع الطرح أخوي ~ |
كلهم يستاهلون اللعب أساسيين ماعدا الزوري و الشلهوب... الزوري: لأنه فنيا ضعيف... ومب قد المسؤوليه... مستواه متذبذب وإتكالي وينكب اللاعبين الي حوله بالملعب... الشلهوب: لاعب كبير واحترمه جدا... لكن اتمنى اعطاء الفرصه للصغار... او ينزل الشوط الثاني او عند اللزوم... |
في اللاعبين لاعبين الهلال مدري هو جايهم احباط او ما يبون المدرب او ما يبون الرئيس او احد يحرضهم بس المهم لاعبين الهلال ماهم زي الجيل السابق لاعبين الهلال السابقين يفوزون من غير مدرب لاعبين الهلال ينجح معهم اي مدرب ويمكن تكون العله في الاحتراف خرب اللاعبين خلى الواحد عمره20سنه ويلعب بالملايين يمكن بس لاعبين الفرق الثانيه ياخذون زيهم واكثر الله المستعان والله يوفق الهلال ولا يحيجه لاحد |
ابا خذك على قد عقلك صحيح ان الهلال يتفوق عناصريا ويحتاج فقط الى عمل اداري وفني ولكن ليس بالضروره ان يجلس الرئيس في دكة البدلاء في الدول المتغدمه ما يعرفون هالكلام لانهم يتعاملون مع لاعبين محترفين وهؤلاء اللاعبون ماذا سيصنعوا اذا جاء التخصيص هل سنطلب من رئيس النادي او رئيس الشركه ان يجلس علي الدكه تخيل الوليد او سلطان بن محمد او عبدالرحمن الجريسي وهم جالسون على دكه البدلاء يجب على كل لاعب ان يعرف قيمة ومعنى الاحتراف |
مانبيهم يجلسون فالدكة ، نبيهم بس يقومون بعملهم على أكمل وجة !! موب فالحين فـ الترزز بالقنوات والتقرب من كل البرامج والصحف الصفرآء ! وترك الفريق وحيداً لا عضيد ولا سند له ؟ ليس من مهام الرئيس الجلوس في تكة البدلاء ولاتعتقد أنها مصدر قوة للفريق بل لو كان الفريق منظماً كما كان لرأيته فريق قوي وله هيبتة لإن الهيبة من الميدآن وليست بجلوس الرئيس فالدكة !! وبعدين من هو النصر عشان يُقارن فالهلال ؟ فريق داج والله ثم والله مامشى الا بالحظ والتحكيم والآسيوية جايه وبنشوف لعبهم الا اذا انهم مسوين رشوة لفرق مجموعتة كما سووها مع القذر نيشيمورا .. الله يصبرنآ على إدارتنا الحالية ويعين هلالنا في كل حال |
إقتباس:
لاعبي النصر الواحد منهم يحرث الملعب ويبحث عن الهدف باي وسيلة كانت حتى لو يضطر للتمثيل على الحكم ومستعد يرمي نفسه من بعد مترين الى منطقة الجزاء ليحصل على ضربة جزاء اذا لم يستطيع التسجيل يلعبون بحماس منقطع النظير لانه يوجد بكة الاحتياط من يتابعهم ويوريهم العين الحمرا في حال التراخي اما لعيبتنا للاسف تجدهم يتبادلون الابتسامات ف حال ضياع الفرص وعدم التعاون فيما بينهم وكل واحد يبي يسجل هدف بطريقته الخاصه ولايوجد من يوجهم او يتفاهم معهم على دكة الاحتياط كل اللي نشوفه يستبدلهم السباك وهم في طريقهم للخروج وقبل جلوسهم على دكة الاحتياط يضمهم الاخ ولو فيه احد يتفاهم معهم ويقول للمحسن احسن وللسيئ اسأت وتم ركنه بالاحتياط كان شفت فعلا التفوق اما على هالحال لاترتجي شي من لاعبين لايبالون ولايهمهم سوى الرواتب فقط اما المدرب يعلم بان كاس ولي العهد الطريق ممهد له حتى النهائي ولكن الله يستر بالنهائي لذا اقولها ولااحد يزعل مني من الزعماء والله ثم والله اني اتمنى هزيمتنا من الخليج ولاننهزم من الفقراوين او الاهلاوين بالنهائي فوالله ستكون كارثه بحقنا وبحق كل محب للزعيم. خاتمه اتمنى من كل قلبي عودة نواف بن سعد لانه روح الهلال |
إقتباس:
عافاك ربي شكرا على مرورك والله يوفق الجميع لما يحبة ويرضى... |
إقتباس:
شكرا على الطرح.. اولا / في كورة القدم يجب ان تكون المقارنة والا ماكان هناك تدعيم وجلب لاعبين وغيرة وحتى تنجح ويكون هناك تحفيز يجب ان تضع مقارنة وحلوووول.. بنسبة لجلوس الاداري واهميتة كبيرة جدا لدفع الهمة لاعطاء الاحساس بالاعبين ان هناك اهتمام بهم لان عقلية الاعب السعودي بالذات لم تصل للاحتراف بالمعنى الحقيقي صحيح طرحك والمشكله اذا ليست بالاعبين هذا ما اردت الوصول له ان المشكلة تكمن في الادارة والمدرب مشكور على الطرح الجميل والعقليه المتفتحه يعطيك العافية |
إقتباس:
يعني الاعب الهلالي لا توجد عنده روح؟؟ والله هذه الطامه الاكبرى اذا لاعب الهلال ليس لدية روووح :mad: |
المقارنه ان الهلال بحاجه اولا لروووح الزعيم الغائبه وثانيا لمدرب يعرف يوظف الاعبين صح بالملعب وثالثا مدير كره صاره للفريق يتوصل مابين المدرب والاعب.. الف تحيه ع الطرح الرائع |
إقتباس:
توظيف الاعبين كلا في مركزة هذا اولا ثانيا وقت دخوله وخروجه وكل هذا الامور ترجع للمدرررررررررررررررب الف شكر على المرور |
إقتباس:
وفي مقوله تقول ( قبل العلاج تشخيص االمشكله حتى يسهل علاجها) |
إقتباس:
في البداية الشكر لك انك تاخذني على قد عقلي وابي ترد علي مرة ثانيه وتاخذني على قد عقلي ( هل عقلية الاعب المحترف السعودي مثل عقليه الاعب الاروبي..؟) اتوقع الجواب لا اذا العقليه تختلف وبهذا الاختلاف من يقومها اكيد الاداري المتمثل بالرئيس الحاجة الاخرى اذا انت موظف هل تقارن نفسك بالموظف الياباني؟؟ العقليه ياناس تختلف اختلاف كلي بيننا وبينهم اجل ليش نكون عالم ثالث او من الممكن عالم عاشر على وضعنا |
| الوقت المعتمد في المنتدى بتوقيت جرينتش +3.
الوقت الان » 11:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd