اللي ينتقد ناصر تراه العام هداف الدوري
اللي ينتقد تياجو ايضا العام كان هداف وشايل الفريق
شوفوا وش سوى فيهم المدمر ريجي بمباركة الادارة ولا حسيب ولا رقيب
ولا مناقشة ..
الزروي لابد ان يتغير ولا يليق بالهلال ..
ما علينا نرجع الاداري البسيط اللي اي واحد عنده متابعة ولو بسيطة
للفرق الاوربية وطريقة تعاملهم في الانتقالات والاعارة راح يكتشف
هذا الخطا ..
الهلال اعار الشعلة الحارس الشاب الواكد وهو يعرف مستواه المميز و اول
مباراة للفريق امام الشعلة!!
اليس من المفروض ان لا تتم الاعارة الا بعد مباراتنا معهم خصوصا انه
وبعد مباراتنا معهم والفترة لم تقفل !!
ولمن يقول ان الشعلة لن ينتظر اقول بعذره تتم اعارته لاي فريق اخر
مع ان هذا الاحتمال غير وارد لان الشعلة لن يضحي بحارس مميز
طوال الدوري ...


الادارة هذه لا تفكر ولا تعمل ولا تملك ابجديات العمل في الاندية
ولا يناقش المدرب والا امام الفرق الصغيرة لابد وفرض على المدرب يلعب بمهاجمين ومجلس ادارة مهمش وليس لهم دور اطلاقا ومركز اعلامي لايظهر
ويهدي من الجمهور ...

اول شي بخصوص الزوري تراه لعيب وسريع ومهاري بس العرضياااااااات تعبانه عرضيات الشامخ افضل 100% استغربت ان الزوري

اساسي بعد ما اتضح لنا مستوى الشامخ ماشاءالله وبعدين الواكد والله اني حاط يدي على قلبي اننا ما نسجل ابد حارس كبير وغلطة اعارته
والمفروض نسوي مثل ما سوى البلطان مع الاتحاد ان القميزي ما يلعب ضد فريقه القديم

نعير الواكد ونخلي الثنيان ؟؟

وموضوع ناصر وتياقو موضوع تكتيكي بحت والدليل مبدعين العام والحين متخبطين التغير المستمر بالمراكز بين الاساسين نحر
للفريق

وعلى العموم احتسبو الاجر في هلالنا على الاقل نطلع بشي ايجابي هالسنة

الحارس الواكد حتى لو ابدع مع الشعله..
ماهو ذاك الحارس اللي يعتمد عليه في المنافسات القويه..
السديري ، خالدشراحيلي
من افضل الحراس لكن المشكله في" مدرب غبي مايعرف يتعامل معهم"
مثل مااخفا الشمراني ، وتياقو
ياعزيزي لايسمى مدرب اصلآ

إقتباس الرسالة الأصلية كتبت بواسطة مهتم7 الحارس الواكد حتى لو ابدع مع الشعله.. ماهو ذاك الحارس اللي يعتمد عليه في المنافسات القويه.. السديري ، خالدشراحيلي من افضل الحراس لكن المشكله في" مدرب غبي مايعرف يتعامل معهم" مثل مااخفا الشمراني ، وتياقو ياعزيزي لايسمى مدرب اصلآ

الواكد مو ذاك الحارس ارجع شوف مباريات الاولمبي العام وشوف حارس هالموسم العتيبي المفهي وما جاء تعادل اولمبي الشباب

بعد تقدمنا بثلاث اهداف الا بسبته ساعتها تعرف قيمة الواكد

انا ما تابعت الواكد من قبل بس اللي شفته امس منه صراحة عجيب اعارته للشعلة !
حارس جاد وما عنده استهتار وممتاز حتى بصد العرضيات ,, تقوم تعيره ! لا وتبقي على الثنيان !
على الاقل كان ودي انه اخذ فرصته مع الفريق الاول دامه كان مبدع مع الاولمبي على كلام الشباب هنا ,,
السديري يا ليت ما يلعب المباراة الجاية ولا اللي بعدها حتى يتادب ويبطل حركاته الاستهتارية ويدرب نفسه على العرضيات لانه فعلا سيء في صدها.

الزوري
وش فيكم عليه
اكثر لاعب صنع اهداف في اسيا
تقولون عرضيات هذا الشهراني ما يعرف يعرض
الزوري هجومي ممتاز
الشهراني لا هجومي ولا دفاعي

انا متابع للواكد من يوم كان في شباب الهلال واستغربت يو م سمعت انهم اعاروه للشعلة
كثير من الاعبين الهلاليين ينسقون من الهلال ويبدعون في غيره والاندية تنتظر منسقي الهلال يجونهم جاهزين والهلال يبحث عن رجيع الاندية
الخوف من المشرفين على الفئات السنية ما عندك احد

بعلق على نقطة الحارس
لو انا "داخل على 40 سنة" مسكت حراسة حبدّع قدّام نجوم الهلال
ربكة هجومنا وتسرّعهم وقراراتهم الخاطئة باللمسة الاخيرة ناهيك عن ترك المرمى بكبره والتسديد باتجاه الحارس
تجعل من اي حارس عملاق وشمايكل زمانه

مشكلة نفسية تبدأ بسالم وتنتهي عند الجمهور

اعط الفرصة لشباب النادي المتعطّش للبطولات

جلبت ادارة الهلال الثنيان بمبلغ كلفها أكثر من 15 مليون رغم معرفتهم بموهبة الواكد ورغم معرفتهم انه لم يتبقى على عودة شراحيلي الا 4 أشهر في ذلك الوقت، ورغم أن السبيعي كان ليس بالحارس السيئ ليكون احتياطي لمدة 4 أشهر حتى عودة شراحيلي والآن ذهبت 15 مليون هباء بعد عودة شراحيلي، سيكون الثنيان الحارس الثالث والواكد خارج الفريق للأسف،
أتمنى اعارة الواكد لعام آخر وربما يعود الحارس الأول للفريق، والمبالغ المهدرة في الثنيان تم خسارة مثلها في كثير من اللاعبين مثل المسلم يدل على أن مشكلة الهلال ليست مالية بل في اتخاذ القرار والاختيار فالأموال وحدها لاتجلب البطولات ان لم يكن صرفها في مكانها المناسب، ولنا في اتليتكو مدريد مثالا وكيف استطاع الحصول على الدوري أمام برشلونه وريال مدريد العام الماضي رغم عدم مقدرتهم على دفع ما تدفعه هذه الأندية الكبيره

اخطاء هذه الاداره لا تعد ولا تحصى وحتى لو التمسنا لها العذر بمشاغلها فلماذا لا يتم تكليف طارق التويجري بإدارة الكره والحبشي بالعمل مدربا مساعدا مع ريجي
هناك أشياء بسيطة اذا قمت بها يكون مردودها جيد للفريق ولكن مشكلة ابو فيصل من مرافقيه وخاصة المقربين المتنفذين الذين يسعون لابعاد كل هلالي لتستمر عمولاتهم وتخبطاتهم
هل يعقل ان يكون المركز الشاغر الظهير الايمن بدون تعاقد وتقوم الاداره بالتعاقد مع 25 لاعب ليس بينهم ظهير ايمن ! هنا تكتشف سبب معاناة الهلال
عندما يسمع الرئيس بناء فريق ويرددها وفريقه بطل الدوري والكاس بدون هزيمه فهذه كارثه ، عندما يقول سموه لا يوجد بكرة القدم صانع لعب فهو يردد ما يسمعه من مرافقيه ومستشاريه وغير ذلك مما يوضح ضحالة فكر الاداره

والله العظيم اني اتمنى هالإدارة ترحل بشكل لا يوصف وخلاص ملينا من أخطائهم
بس مع ذلك الإنسان يكون منطقي بانتقاده وما يهاجم لمجرد انه مو متقبل الإدارة زي اغلب الردود
بالعكس انا اشوف اعارة الواكد خطوة ممتازة ليش اذا عندي حارس جيد وصغير بالسن وله مستقبل احرقه بالدكه !!!
الإعارة ممتازه لاي لاعب ماله فرصه يلعب اساسي لأنه يصقل موهبته ويخليه بجو المنافسة والمباريات ويطور مستواه ويزيد خبرته وثقته بنفسه
مشكلة اغلبكم خلاص انا كاره الإدارة معناته اي قرار بتسويه معناته غلط مو صحيح
ومع احترامي النادي اذا بيفكرون بهالطريقة ما راح يعيرون لاعب شاب يعتبر الحارس الرابع علشان يخافون من لعبه يسكرون النادي ابرك !!!
اجل وشلون بنلعب في آسيا وهالإنهزامية مسيطرة علينا
وبالنسبة للزوري اللي فرض اسمه على جميع المدربين بالنادي والمنتخب ومو عاجبكم
اعطونا بديل ممتاز له في اي نادي ؟
صحيح هو مو لاعب فايف ستار لكن مو سيء للدرجة اللي يوصف فيها
لكن سبحان الله لازم جمهور الهلال يتسلط على لاعب معين مهما يقدم حتى لو فيه ناس اسوء منه
وبما ان المرشدي راح لازم فيه ضحية جديدة

يا شباب انا مع الاعارة لكن انا اتكلم على التوقيت
انها تكون بعد مباراتنا مع الشعلة لكي لا يلعب الواكد
امامنا وهذا معروف بالاعراف الكروية خصوصا ان
فترة الانتقالات متبقي منها يومين

الاداره انتهت ماعندها اي شي وبسبب قرارات خاطئه الهلال من سئي الي اسواء
وخطاء فداح الابقاء علي المدرب الجبان واثبت فشله الان لابد تغيير المدرب
بعهد اداره من الاداراة تم اقاله بسيرو والهلال متصدر مايمنع الان ان نقيله
اللاعبين صابهم ملل من المدرب ،، واللاعبين هم نفسهم مع سامي ومع جريتس
اتمني تصحيح الخلل الواضح باقالة المدرب وتجديد الاداراه .. لكن الاداره لها رؤيه باسقاط هيبة الزعيم
خطاء فداح تقيل مدرب ماشي عال العال مع الفريق ورمم الاخطاء والان تبقي علي مدرب اثبت فشله وين العقلانيه ..؟!

وصلنا غضبكم ..................... وستشاهدون مايسركم