|
بعد الابقاء على كواك ورحيل بينتلي ،، الخطه المناسبه للزعيم للمنافسه على البطولات السلام عليكم ورحمة الله وبركاته قبل الدخول بالموضوع ،، هذي اخر المستجدات رسمياً : بينتلي خارج الهلال وبديلاً له سامارس رسمياً : الابقاء على كواك كـ محترف اسيوي رسمياً : بينتلي الى سيتوابوخارست بالاعاره لمدة 6 اشهر رسمياً : اجانب الهلال ،، نيفيز- ديقاو - كواك - سامارس --------------------------------------------------------------------------------------------------------- ندخل في موضوعنا موضوعنا هو نقاش حول خطة الهلال المناسبه في المباريات القادمه والمنافسه على البطولات ،، خصوصاً الملك وولي العهد ! اذا نبي الدوري لازم نفوز بجميع المباريات ومانخسر ولا وحده ولا نتعادل ،، وهذا يتطلب هجوم اكثر وانا اقترح اللعب بمهاجمين ،، سامارس والشمراني ! شمراني مهاجم صريح رأس حربه ! ،، وسامارس خلفه مهاجم ثاني ويساند لاعبي الوسط ! اما في ابطال اسيا ،، فـ مع توقف الشمراني ،، اللعب بمهاجم وحيد وهو سامارس .. ريجي كامب يتميز بالتكتيك الدفاعي كثيراً ،، والعقم الهجومي والحل الوحيد هو اللعب بمهاجمين ،، حيث كما ذكرنا الشمراني اولاً وخلفه سامارس ،، اما نيفيز فـ يلعب صانع العاب وبجانبه اما سالم الدوسري او نواف العابد ،، !! ونلعب بمحورين سعود كريري وسلمان الفرج ،، سلمان الفرج يساند نيفيز في صناعة اللعب وسعود كريري ثابت في خط المحور ، يساند كواك وديقاو في التغطيه الدفاعيه ! اما الاظهره ،، فـ اشوف ان الانسب هو الشهراني ودرويش ،، درويش يمين وشهراني يسار ،، الزوري يكون احتياطي ! الحراسه شراحيلي او سديري ! .................................................................................................... ......................... ولتكون الخطه كلآتي : http://www13.0zz0.com/2015/02/04/13/166592608.jpg .................................................................................................... ........................... الخطه كتابياًَ : الحراسه : سديري او شراحيلي الدفاع : ديقاو وكواك الاظهره : ياسر ودرويش المحاور : كريري والفرج الوسط : نيفيز والعابد أو سالم الهجوم : سامارس والشمراني ----------------------------------------------------------------------------------------------------- احتياط الدفاع : الحافظ - جحفلي سلطان احتياط الاظهره : الزوري والشامخ احتياط المحاور : القرني والفضل وعطيف احتياط الوسط : سالم الدوسري وعزوز والحمد احتياط الهجوم : الكعبي والسالم .................................................................................................... ........................... هذي وجهة نظري وتفكيري :yes: فاعطوني ارآئكم :laugh: اخوكم : ابراهيم |
يعطيك العافيه الخطه جميلة لكن يقتلها دائما مدربنا مدربنا يا عزيزي لا يسمح للوسط بمساندة الهجوم بل العكس يطلب منهم مساندة الدفاع وهذا ما نراه وكذلك صرح به نواف العابد لو اتينا بميسي لن يفلح مع ريجي للاسف نشاهد الشمراني يرجع للخلف حتى ياخذ الكورة شاهد الفريق الترشيحي حينما يبنون هجمه تجد مالا يقل عن 5 لاعبين يتواجدن في الصندوق وكذا يكون نسبة تسجيل الهدف كبيرة |
إقتباس:
انا مع اقالة المدرب ،، الموضوع في حالة الابقاء على المدرب ،، اتمنى يلعب بهالطريقه ! كـ حل وحيد وربك المعين تسلم على مرورك ^ـ^ |
..شراحيلي الزوري..دقاو..كواك..شهراني الفرج كريري نيفز سالم سماراس ناصر |
ممتاز ...ولكن انا معك في كل شي بس اذا كان نيفيز ماهو مغادر الافضل احتياط وتكون التشكيله : الحراسه : سديري او شراحيلي الدفاع : ديقاو وكواك الاظهره : ياسر ودرويش المحاور : كريري والفرج الوسط : سالم والعابد " نيفيز( اخر نصف ساعه) الهجوم : سامارس والشمراني الفرج والعابد وسالم يعطون سرعه للعب اكثر من نيفيز يقتل الهجمه ببطئه. الله يعطيك العافيه |
الله لايوفق من تسبب في ابعاد بنتلي المثالي واكواك خساره فادحه والايام سوف تثبت ذلك |
ربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين |
بالنسبه لي اتمنى يكون فيه ثلاث تشكيلات وتكون كالتالي 1- تشكيله للفرق القويه في سوء في الدوري او كاس الملك او ولي العهد وتكون كالتالي شراحيلي ( السديري) الزوري ديقاو كواك الشهراني كريري الفرج تياقو سالم ( نواف ) ساماراس ناصر 2- تشكيله للفرق المتوسطه وتكون كالتالي شراحيلي ( السديري) الشهراني ديقاو جحفلي درويش كريري نواف تياقو سالم ساماراس ناصر 3- اسيا اول 8 مباريات شراحيلي(السديري ) الزوري ديقاو كواك الشهراني كريري سلمان نواف تياقو سالم ساماراس وبعد ال8 مباريات نلعب بالتشكيله الاول |
ربي يوفق الزعيم الملكي وجميع محبيه فوق كل أرض وتحت كل سماء وكل زمان ومكان امين يارب العالمين |
كلنا نعرف وزي ما قلت أنو ريجي تكتيكو دفاعي أكتر من أنو هجومي وهادا يعني أنو أحتمال بسيط مراا يلعب من بدايه المباراه بمهاجمين؟؟!! وغير كدا أنا أختلف معاك من ناحيه الأضهره وأشوف أنو الشهراني يلعب يمين والشامخ يلعب يسار والله يقدم كل إلي فيه خير للهلال |
بأي منطق و بأي مبرر يكون صاحب السوء العظيم في الأداء في قائمة اللاعبين على أن يكون أساسي ، نيفيز لا يصلح و سوف يتدمر أي فريق يلعب به لاعب بهذا الأداء , و من قال بأن مركز المحور صالح للفرج حتى لو صرح بأنه يفضل هذا المركز خانة الظهير الأيسر و الوسط الأيسر و اللعب المتنقل خلف المهاجمين وفي الطرف الأيسر و التمركز في الفراغ الذي ينتج من مراقبة صناع اللعب ورأسي الحربه هو االأصلح له و للفريق ولن ينتعش الفريق هجوميا إلا عبر رأسي حربه و ليس واحد يتم تطويقه |
الفريق محتاج صانع لعب السواط لو يعطى فرصه مكان الغير منضبط العابد صدقوتي تشوفون اللعب صح السواط صانع لعب من طراز الكبار وهو مستقبل الزعيم بعد الشلهوب |
ام السد يري حارس لاتكفييييييي هو سسببب الخساره للهلال في الجميع المباريات كلها بالخص اسيا حسبي عليه |
موضوع جميل ومنطقي تشكر عليه يا ابراهيم خطتك تصير 4-2-2-1-1 او 4-2-2-2 اتفق معك في اغلب ما ذهبت مع التاكيد على ماذكرته سابقا من التركيز على الملك وولي العهد ,, الدوري حتى لو فزنا في جميع المباريات ما يضمن هالشي اننا بنظفر فيه ! السواط لازم ياخذ فرصة هالشخص وجدت فيه مهارات عالية بالرغم من خوضه مباراة مع الاول لاول مرة ! انا مع ذهاب ياسر لليسار لانه مكانه الافضل له ,, لكن يا ليت يتم التكتيك انه في حالة الركنيات ضد الفريق ما يكون ياسر ممسك احد ويفضل يكون عند المرمى مغطي زاوية ,, لانه لا هو اللي قدر يمسك لعيبة الخصم ويغطي عليهم بسبب قصر قامته ولا حنا اللي استفدنا منه في اماكن افضل عند المرمى !! نيفيز صراحة كان ودي يروح وان شاء الله ما نتحسف على بقاءه في قادم الايام ! اكره اشوف قدامي لاعب اجنبي محترف ما يسوي شي ,, يالله نبلعها للمحلي يجينا الاجنبي ويبزوط بعد ! |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 03:51 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd