|
هــذا مـا حـصـل !! بسم الله والصلاة والسلام على رسول الله موضوعي يتكلم عن حال الهلال من وجهة نظري خلال المواسم الاخيرة وبالتحديد اخر موسمين كلنا نذكر موسم جيرتس وكيف كان الهلال في موسم جيرتس كان فريق لايقهر وكان محل إشادة من الجميع وكان الفريق متكامل فنيا وإدارياً ومالياً كان الهلال يعيش أفضل مراحلة على الاقل في العشر سنوات الأخيرة وحقق الهلال كأس ودوري بعدها حدث ماحدث من انتقال جيرتس لتدريب منتخب المغرب ومنها بدأت مشكلة الهلال ..!! لم توفق الادارة في اختيار خليفة جيرتس في الموسم اللي بعده واللي كان توماس دول وكان فريقنا يفووز بلا مستوى زادت الضغوطات على الإدارة و اقالة دول وجابت بعده هاشيك وحققنا معه كأس ولي العهد وتكرر عدم التوفيق في الموسم اللي بعده لما تعاقدت الإدارة مع كومباريه اللي ايضا ماقدم شيء يذكر مع الهلال يوم ازدادت الضغوطات على الإدارة فكرت بالتعاقد مع الأسطورة سامي الجابر ليكون مدرب للهلال وبهذا القرار تكوون الإدارة ضربت عصفورين بحجر اولا انها حققت مطالب كثير من جمهور الهلال ثانيا انها خففت على نفسها الضغط بحيث ان سامي لو نجح سيجير النجاح للإدارة ولو فشل سينسب الفشل لسامي بالنسبة للتعاقد مع ابو عبدالله كمدرب انا رأيي انه كان قرار فاشل من الإدارة ويعتبر من ضمن سلسلة فشل الإدارة لانها تسرعت في التعاقد مع مدرب لم يمارس مهنة التدريب قبل الهلال ( لاحد يجيني ويقول نادي اوكسير لانه لم يكن مدرب وانما كان احد مساعدين المدرب ) لذلك ماكان عند سامي الخبرة التدريبية اللي تساعده لقيادة نادي كبير وله جمهور كبير مثل الهلال حصل ماحصل واقيل سامي بعد اجتماع اعضاء الشرف وبعد هذا الاجتماع انقسم المدرج الهلالي اكثر قسم كان مؤيد لاقالة سامي وقسم كان ضد اقالة سامي مشكلة القسم الاخر ( اللي كانوا ضد اقالة سامي ) انهم اخذوا الموضوع بعاطفة الى درجة ان البعض اساء لرؤساء سابقين في الهلال وما تعاملوا مع سامي كأي مدرب مر على الهلال بل أن بعضهم وصل إلى مرحلة انه يتمنى عدم توفيق المدرب ريجي انتقاماً لسامي وكان ريجي هو اللي اقال سامي !! ايضا ريجي لم يوفق كثير مع الهلال وحاليا كثير من جماهير الهلال وانا واحد منهم نطالب باقالة ريجي خاصة لو عاند وأصر على ابعاد كواك واتمنى ان يكون البديل مدرب أجنبي سبق ان درب الهلال مثل جيرتس او زلاتكو او كوزمين نقطة اخيرة احب اوضحها لايعني انني اذا طالبت باقالة ريجي معناها اني ابغى سامي بديل له فيه فرق كبير بين اني اكون ضد ريجي او ان اكون مع سامي لذلك اتمنى ان لايعود سامي لتدريب الهلال الا بعد مايشتغل على نفسه ويدرب اكثر من فريق وهذا مو عيب كل المدربين الكبار بدأو من اندية صغيرة مورينيو وانشيلوتي وسيميوني رغم ان سيميوني تحديدا كان لاعب في اتليتكو مدريد ومع ذلك مادرب اتليتكو بعد اعتزاله مباشرة بل درب اكثر من فريق حتى وصل الى اتليتكو ختاما جزء من موضوعي حقائق والجزء الاخر اراء اتمنى تناقشوني في ارائي والله يوفق هلالنا دائما وابدا |
يعطيك العافيه أخوي أعتقد كفيت ووفيت في طرحك ولن أزيد على ذلك ألف شكر |
الله يعطيكم العافيه وبالتوفيق للزعيم الملكي |
سامي ذكي وبإذن الله يقدر ينجح مع الهلال بس اللاعبين خذلوه للأسف أنا ما أتكلم من عاطفة بل من واقع سامي يعرف من أين تؤكل الكتف |
اتفق معك بشكل جزءي ، كان الأفضل صحيح عدم التعاقد مع سامي الجابر لكن بوجهة نظر و قليلاً من المنطق ، الرجال شغله كان سيء جداً في البداية ، لأنه كان يدور التشكيلة الممتازة او خلنا نقول المتكاملة لعب بالتشكيلة لعب مثلاً سالم الدوسري مره يمين و مره يسار و مره قدام و مره ورا ، الشهراني غير موقعه و ياسر مسكه الدكه و لعبه مره رأس حربه و مره مهاجم ثاني و زي ما تقول يعني خربط لكن خرابيطه ذي هي الي وصلتنا لنهائي كأس آسيا الي مع عناد المدرب "بغض النظر عن الحكم" الي اصر باللعب بتشكيله " ؟ " ضاع اقولها بقناعة تامة ، لو بقي سامي الجابر ، كنا الآن بطل آسيا و متصدري الدوري. الله يعدي الجاي على خير و يرجع هلالنا كما عهدناه. |
صحيح ان سامي ماعنده خبره ولكن أفاد الهلال أكثر من دول وكومباريه وهشيك واخرتها الكمخه ريجي نعم سامي تعب على الفريق واحضر كم لاعب ولله الحمد أغلبهم نجحو مع سامي كواك وديقاو وتياجو وناصر وكريري صحيح التغير سنة الحياة ولكن هناك بعض التغيرات تفيد الفريق وبعضها يدمر الفريق مثل ماحدث مع سامي وريجي الاداره بكل ضعف اقالة سامي من دون سبب مقنع ومن كثر فرحت البعض باقالة سامي راحو وجابو مدرب سباك والحين الاداره مقتنعه انها جاب العيد بالذات بخصوص الشرط الجزائي والحين متورطه لانها ضيعت علينا الاستقرار وبطولة اسيا وشرط جزائي كبير سبحان الله على نياتكم ترزقون نعم قد نلتمس العذر اذا أخفقت الاداره بشرط اذا قدمت لنا كل شي وخسرنا ولكن الواضح لنا انها مفلسه وفرقاها عيد لنا وخير للكيان |
| الوقت المعتمد في المنتدى بتوقيت جرينتش +3.
الوقت الان » 02:58 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd