نعم جميع مشاكل الهلال من الجمهور فقط فقط فقط

فالجمهور من عمل من تلك مشاكل .. والجمهور من يطالب ويصنع ويقول ويتكلم .. ويخلق المشاكل ولا توجد هناك مشكلة بالاصل


الجمهور .. يبي يتدخل بكل صغيرة وكبيرة

ونبي فلان وعلان .. ومانبي فلان وعلان ..

لو جاء واحد من جمهور احد الانديه وكتب موضوع في منتدي الهلال.. نبي نيفيز .. او كواك .. او بنتلي ..

بتلقى الف واحد وراه ايه صادق ونبي ونبي

الكون ليس له رب الا واحد

والدولة لا يراسها الا واحد

والشركة لا يراسها الا واحد

والبيت لا يراسه الا شخص واحد ..

نعم هناك استشارات ودراسات ومحاورات واراء ونقاشات ونصائح.. تطرح لاتخاذ الافضل ..

ولكن هل القرارات والنقاشات التي تدور في بيتك او شركتك او دولتك .. تناقش في الشارع وامام الملاء .. لا كلها تطرح على طاولة واحده .. لاتخرج من البيت او من الشركة او الدولة .. تطرح وتحل ويتخذ فيها القرار بدون اشهار او تفضيح كما يحدث منكم ياجمهور الهلال .. في مواقع التواصل التويتر والفيس بوك .. والواتس اب.. والمنتدي ..


----------------------------

تعودت من عام 1400 .. ان الجمهور بس يروح يشجع ويازر الفريق .. ولا يتدخل في عمل الادارة سواء صح او خطا


ورغم ان ادارات الهلال لم تحصل على اي كاس في بعض السنوات ..

الى ان الجمهور ليس له .. صلة بالقرارات .. او التدخلات .. او حتى معرفة .. مايحدث داخل اسوار النادي.. وكنا مبسوطين .. راضين عن الفريق ..


اما الان مع التويتر .. ومواقع التواصل الاجتماعي .. اصبحت الجماهير .. عبئا عن ادارة الهلال

المشكله الاكبر .. ان اصوات النشاز التي تخرج من خارج اسوار نادي الهلال .. تقلب الجماهير الان على النادي

كما هو حاصل الان .. من سيبقى ومن سيرحل .. هذا فقط يرجع للمدرب والادارة تتخذ القرار

اما مواقع التواصل .. نبي كواك .. او نيفيز او بنتلي .. هو انتم اللي راح تدربون النادي او تصرفون عليه


لا ويجيك واحد .. ثاني يقول .. لازم ابن مساعد يطلع من النادي ... يعني انت اللي بتدفع وبتراس ..


لو فيه احد يبي يراس النادي .. وبيدفع كان تقدم .. المشكله كلهم بس كلام في الجرايد وقلب الموازين على ادارة الهلال .. ولا احد يدري ماهو مصدرها .. والغالب من الانديه المنافسه للهلال


اتركوكم .. من موضوع ..ان الهلال .. لن يراسه الا امير .. كلام فارغ ..

ولحجم و عظم الجماهير الهلاليه .. اصبح هناك .. فئه همها مواقع التواصل الاجتماعية .. تنقل الاخبار من هنا وهناك سواء صحيحه او مكذبه .. او اشاعه لا يهمه امر الهلال .. وان تكلم احد على الهلال .. صدقة وقال انظروا هذا يقول ان الادارة فاشله اذن الادارة فاشله ..

لا تسيروا ورا الحاقد والحاسد والقاصي والداني..

فترة رئاسه الامير عبدالرحمن ابن مساعد .. 4 سنوات .. ومنافسين على جميع البطولات ..محلية او خارجية . طبعا لاتوجد في اي فريق اسيوي..

فريقكم كبير وعظيم .. ولكن ان يستمر الفريق كل سنه بطولتين او ثلاث .. امر مستحيل في عالم الكرة ..

فريقكم زعيم وعضيم لدرجه ان الهلال يو يبقى 10 سنوات بدون تحقيق اي بطوله لن يصل احد لهذا الرقم ..



افرجو منكم .. الوقوف بجانب الادارة والمدرب واللاعبين .. فقط قفوا معهم وانسوا امر


نبي فلان وعلان .. .. من اراد ان ينصح ينصح بالسر والخفاء .. وليس بالمجاهرة .. لان النصحيه امام الناس .. سب وتقليل ومحبطه .. وفضيحه

الذي اقصده .. لن تغيروا اي شي .. بالمنتدى او مواقع التواصل الاجتماعي .. عندما تهاجموا الادارة .. بل تزيدوها سوءاً سوءاً

ولن يتحقق ماتريدونه بل ستسقطوا الفريق


اعلم فيه ناس كثير منكم بترد على وتقول .. يعني نسكت مانتكلم .. الا تكلموا وبلغوا اخطائهم .. بالسر لا بفضحهم والتقليل منهم .

كذا واحد اعلامي منسوب انه هلالي .. يقول الادارة فاشله .. بيروح كواك .. اجل مدافعين اثنين مع فريق اسمه الزعيم والهلال من عمره هجومي اصلا .. لا اقول رائي .. انما اقول ماراه في الهلال من شجعته .. هل انت مدرب او فني ...؟
والثاني كاتب الادارة فاشله عليها ديون . كل لاعب هلالي راتبه 5 مليون بالسنه غير راتب المدرب .. والاجانب .. وماعليها ديون .. انتوا وش سويتوا يعني دعتموا الفريق .. ساهمتوا بحاجه .. فقط شخمطه في المواقع .. وراز مهنتك قبل اسمك ..
والثالث كاتب الادارة فاشله لانها لاتوقع بسرعه مع لاعبين او تنهي التعاقد .. مع احد .. ! بكره اجل بنروح معك للسوق تشترينا لاعب او تاشر عليه

فيه جماهير تطالب .. بعموري .. او جيان اسمواه .. او بخيت...؟

بصراحه لاسمعت كلامهم هذا اضحك .. خاصه اللاعبين في دولة الامارات .. اذا راتب الجندي عندهم 3 اضغاف راتب الجندي عندنا او اربع اضعاف .. يعني لاعب الكوره مثله اللاعب السعودي راتبه 5 مليون بالسعوديه اما في الامارات وقطر 20 مليون ريال .. والحسابة بتحسب .

راتب جيان بالسنه مع العين .. 69 مليون ريال هذا ميزانيه لحاله .. ولو جبناه نسقنا .. ثلاثه ارباع نادي الهلال وجبنا الكديش
-- عموري .. اقل عرض ممكن يتنازل فيه العين عنه لا يقل عن 80 مليون ريال .. وغير راتبه .. ربما 20 مليون ريال بالسنه ويليهامسون .. ونيفيز ماياخذون هذا الراتب وهم مجتمعين ..

لاتنظروا ما في ايدي الناس وتحسدوهم .. نحن دولة عظيمه لديها من اللاعبين الموهوبين افضل منهم في الامارات ودول الخليج واسيا ,. ولكن .. الجماهير تدمر اللاعبين والادارة والمدرب .. كما تفعلوا .. عندما تطبلوا او تسكتوا


الاعتدال يا جمهور الهلال الاعتدال ...


ساندوا الادارة والمدرب واللاعبين .. مهما كانت النتائج ..

اتمنى من كل قلبي ما يجي الموضوع ثائر الهميجان


ويكتب نبي لاعب الفيصلي بروناوي او جهيم الطائي .. < كل مادخل موضوع القا ها الكلمه .. بلغ الادارة بنفسك .. رح لهم .. اذا تبي تساعد الهلال اقنعهم بنفسك .. مو المنتدى هنا ماحد يقرا بس احنا .< احب امزح معك اخوي ثائر الهميجان

كلامك منطقي جداً .. لكن غاية الناس لا تدرك ..

الجماهير تعشق الهلال وبطولاته ومعتاده .. وعدم تحقيق بطوله الموسم الماضي .اثارت ردود الافعال بهذا الشكل الكبير ...
من الصعب انك تحد من هذه الاقتراحات ولكن من السهل انك توجهه رساله مثل رسالتك الجميله من قلب هلالي عاشق
تهمه مصلحة الزعيم .

انا اللي اراه والتمسه ان الاداره بدأت تسعى الى اهداف وخطوات ناجحه لمستقبل الزعيم.
ولكن تحتاج الى صبر ووقوف الجماهير معها ..

الف شكر لك ..

لتسمح لي بعدة وقفات
اولا الوقوف مع الهلال وجميع منتسبيه مطلب والنقاش مطلب ولتوضيح فكرتي سوف انقل لك ما حدث معي انا ساكن بالشرقية ذهبت للرياض وحضرت التمرين حاولت الوصول للرئيس او المدرب ومنعي الأمن وكان صحفي هلالي موجود فتكلمت معه عن مشكلة الظهير الايمن ورغبتي في مقابلة اي مسئول هلالي وللاسف لم استطع المهم قام هذا الصحفي بعرض الأسماء على سمو الرئيس وقال للصحفي الخراع لا يرغب الانتقال وبرناوي والشمري لن نفاوضه وفلان توجد معه مفاوضات والشهراني ودرويش يستطيعون اللعب بالظهير الايمن !!!
لذلك اذا كتبنا هنا فمعنا الحق في مطالبنا انا لا افرض لاعب بعينه فقط اريد لاعب لمركز الظهير الايمن يكون مركزه الحقيقي وليس ترقيع
المدرب طلب ظهير ايمن والمفرج قال سيكون هناك تعاقد مع ظهير ايمن ولكن الادارة غير مقتنعة بمركز الظهير الايمن وقد يكون المقربين الصفر سببا لهذا النقص واستمراره بالهلال !
واتفق معك بان هناك أصوات غير هلالية او يوافقون اي رأي ولكن لو كان هناك عمل صحيح لتم إسكاتهم
هناك بعض يترصدون للإدارة اتفق معك ايضا وخاصة فيمن يحاول ان يضع سامي سببا للتقسيم
الله يكتب الخير للهلال وتقبل طرحي ومشاركتي بموضوعك

أي نادي بدون جمهور لا شيء ...
أنظر إلى مانشستر يونايتد عندما أرادوا بيعه ... غضب الجماهير .............
والأمثلة كثيرة و عديدة و كم مرة شفنا جماهير تدخلوا في عمل الإدارة بإستبعاد لاعب أو جلبه .....
الهلال بجمهور راح يصنع فريق لا يقهر ... لكن بهذا الشكل لا أعتقد

انا اقول المقاطعه افضل حل يمكن تتعدل اوضاع الفريق اليوم قدام الفيصلي وقبلها قدام هجر والشباب والنصر ماقصروا فينا

السبب الاكبر الريس الله يحفظه ويبعده عن نادينا
كل موسم اسوي من الموسم الذي قبله
مرجي من الله ان يبعده عن نادينا

كل شي واضح قدامك مايحتاج تحط المشكله في الجمهور

الله يعطيكم العافيه على النقل ،،
وبالتوفيق للزعيم ،،

اي فعلا الجماهير هي من اقالت سامي والجماهير هي من جلبت ريجي وزوجته للسمسره على حساب خزينة النادي والجماهير هي من جلبت بنتلي المتهالك والجماهير هي من تريد ابعاد كواك والجماهير هي من جعلت الفريق يخسر الاسيوية وبدون تسجيل هدف واحد لمدة 180 دقيقة والجماهير اليوم اكملت على الهلال وجعلته يتعادل مع الفيصلي وبهجمتين فقط للفيصلي طوال المباراة وتسببت بخسارة الدوري رسميا

مالكم حق ياجماهير الهلال


شر البلية مايضحك

إقتباس الرسالة الأصلية كتبت بواسطة hp_sa انا اقول المقاطعه افضل حل يمكن تتعدل اوضاع الفريق اليوم قدام الفيصلي وقبلها قدام هجر والشباب والنصر ماقصروا فينا

ترى يا اخوان هذا نموذج للمشجع المخلص لفريق الهلال ، يقف معها بالاتراح قبل الافراح ، وابد لا يدعوا الى فكر المندسين ، اجل نقاطع الفريق ، هذا هو الحل ، وبعدها بتقول نقاطعه في اسيا ، اللي السبب بعد الله بوصول الهلال للنهائي وعودة هيبته في اسيا هم جمهوره ، الله المستعان .