اتمنى يجيبون لاعب افضل منه لان الخوف انهم يمشونه ويجيبون الي اسوأ منه ووقتها نقول ياليت ما مشا نيفيز زي حادثة هرماش وبوليفار

العله ماهي بنيفيز العله في بنتلي وللتسف ريجي اللي كنا نحبه بس ريجي في انحدار للاسف

اول شي تكتيك المدرب مو مناسب لنيفيز !!
ثاني شي اتوقع ان فيه نفسيه وياليت يجيبون له دكتور نفسي يشوف مشكلته ,, مو معقوله كم مباراة لعب ومايسوي شي !!
او يجلس بالاحتياط لين يزين وضعه اذا هو مرهق ...

واضح أن ريجي يصلح مدرب لكن ليس مع الزعيم الموسم الماضي الهلال كان هجومه حريقة جاء هذا المدرب دمر كل شيء ليس نيفيز بل ناصر ايضا الهلال لم يعد يسجل واقترح على الادارة مدرب طوارئ بدل ما ندفع في مهاجم ندفع في مدرب يحسن التوظيف

باختصار الفريق يحتاج مدرب جديد ورئيس جديد اذا كان هذا هو فعلكم كم اذكرتم بسبب غضبنا اللي وصلكم وشكلها مافي تسجيل بالفتره الشتويه والشمراني شكله بيطير ويرجع للشباب والشهراني بينخطف من الهلال بسبب الديون اللي جبتها للنادي بسبب الاستثمار والقناه اللي مااشوف لها داعي في الوقت الحالي الفريق محتاج لاعبين على مستوى والاداره تجمع فلوس عشان تسوي قناه للنادي خلص الديون اول وبعدين سوي قناة مستوى الرديف امس سلملي عليه ووسلم لي على البطولات اللي راح نصبح ضيوف شرف لها

هو صح مو في مستواه وزنه زايد هو بنتلي ... بس ضد تغيره في الفتره الحاليه .. بس لازم الادارة تتكلم معاه ...

.... يوسف السالم ( وجوده زي عدمه ) 45 دقيقه ولا شي يذكر حتى الباص اللي يطلع منه " غلط "


الكعبي ، عطيف ، البقعاوي ، السواط ...... وجوه شابه قادمه

جحفلي ودرويش بداية موفقه ..

اتوقع نيفيز مغصوب على اللعب او انه مايهمه شي,,
الجمهور قاعد يحترق وهو وبنتلي والمدرب صفر مكعب
عني انا ماني مامل شي هالموسم لا دوري ولا كاس ولا اسيا..
ابريح مخي من الضغط والسكر..
الله يعنكم ياجمهور الزعيم..

نيفيز منتهي ... والمسؤول عن ملفات اللاعبين الاجانب مفروض على قولة السبيعي .. يفكر خارج الصندوق
مهوب لازم لاعبين باليورو ومايستفيد منهم الهلال ..
ليش محد يكلم السلومي وهو وكيل لاعبين وابخص من الاداره بأمريكا الجنوبيه وادرى بالدوري السعودي
لنا سنين نجيب لاعبين باليورو ويفشلون
المهاجم الكوري .. العربي .. نيفيز بالعودة الثانيه..بنتلي ..ايمانا ... وش استفدنا منهم غير خسارة فلوس ؟

اذا الادارة تفكر تجيب مهاجم اجنبي .. وصانع الالعاب نيفيز .. ماراح نستفيد شيء .. الشهراني وسالم كل 4 مباريات يصنعون هدف
ومافيه دعم للهلال .. لو فيه دعم للهلال وناس تزهلوها .. كان استغنت الادارة عن اللاعبين اللي مايفيدونهم واماكنياتهم متواضعه
لكن مافيه دعم ... وبنطلع من الموسم بلا حمص

الله يعطيكم العافية وبالتوفيق للزعيم الملكي

نحتاج الى قرار اداري سريع بالاستغناء عن نفيز مستواه لا يرضي اي هلالي يشجع الهلال الكيان

نيفيز لابد تغييره ،، لانه أصبح غير مفيد للفريق في شيء
للاسف هو يلعب على الوتر الحساس (الجمهور) .. شاف متابعينه في انستغرام وتويتر ياكثرهم .. ويحبون اي شي يسويه .. وصار يتدلع علينا ...

همسة للجمهور : انتم من تحددون معايير وسقف الأداء والمستوى والتقييم أمام اللاعبين المحليين والمحترفين ...

بمعنى : للاسف اذا اللاعب مرر الكره كوبري من الخصم او سوى مهاره ( حتى وان كانت في غير محلها او كان فريقنا متأخر بالنتيجة ) تسمع الاهات والهتافات من المدرجات !!! على ايش ياجمهورنا الواعي ؟؟؟

في الاخير اذا كانت المهارات لا تخدم فريقي طزززز فيها ... نحن فريق محترف وليس فريق حواري

اتمنى رسالتي وصلت ... !

ياحبيبي هذي ملايين تصرف وين الجلوس معه ومناقشته ؟
ماله نفس يلعب الباب يوسع جمل
جبناه يشيل الفريق نام الاخ نيفيز
اتوقع والعلم عند الله ان سرة عند سامي
فكيف العام مع سامي صاروخ ومع ريجي نايم
لا اعلم السبب
لكن خلو الادارة تعمل فهي الاعلم

ولماذا لا يعاد النظر في سبب تراجع نفيز والفريق بشكل عام

اعتقد السبب واضح ولا نفيز العام الماضي كيف كان

المشكله في المدرب من استلم الهلال هبط مستوى اللاعبين خاصه نيفيز وناصر وسالم

نيفيز قدم مستويات معر جيرتس وسامي واخذ افضل لاعب اكثر من مره الان تتطالبون في ابعاده

على كذا ابعدوا ناصر بعد وسالم اذا هي على مسالة هبوط قبل محاسبة اللاعب شوفوا المدرب

وطريقة لعبه