السلام عليكم ورحمة الله وبركاته
لنا تقريبا شهر ونسمع ان الهلال يفاوض مهاجمين عالميين ولحد الان ماتم شي
انا ودي افهم ايش نبغى بمهاجم يكلف الخزينه ملايين ومو مضمون هو راح يتأقلم ولا راح يخسرنا على الفاضي !!
مع ان فيه مهاجمين اسيويين ممتازين وارخص
مثلا احمد خليل او علي مبخوت لو ناخذه اعاره على الأقل لاعب هداف ماعنده فلسفه قدام الباب سيجل ومزعج ليه ندور لاعب ماندري هو راح يتأقلم ولا راح يتعالى على الكره السعوديه
فيه مهاجم قطر خلفان ومهاجم استراليا تيم كاهيل و تومي يوريتش نفس الشي بدون فلسفه يسجل وما اعتقد اسعارهم راح تكون عاليه
والحين نسمع انه في حال حصول سامرس اليوناني على الجنسيه الاستراليه راح نتعاقد معاه طيب ليه غير اوروبي
مع وجود لاعبين اسيويين
الاهلي تعاقدو مع السومه اللاعب المغمور والحين هو هداف الدوري ماشاء الله وقبله عماد الحوسني محد مهتم فيه تعاقد مع الاهلي وفرق !!
ماقالو نبغى مهاجم عالمي هذا هو ادى المطلوب
المفاوض او الاداره مثل الصياد يرمي السناره بعيد وماينتبه للسمكه الكبيره الي تحته
يا ادراه ترى موشرط لاعب له اسم ولا يكون عالمي على قولتكم لأنه لو عالمي ماراح يلعب بدورينا لو نطير
اهم شي لاعب يقدم الي عنده لاعب مايعرف الا يخلص لو من نص فرصه مثل ويسلي بالرغم من امكانياته الضعيفه لكن سوى الي عليه
واعتقد بالنهايه راح يضيق الوقت و نجيب لاعب مثل احمد علي بالاسم انه مهاجم


قناة الهلال
خطوه ممتازه ومن زمان كنا بأنتظارها عشان نرتاح من عبث وغثاثة الخشبيه وmbc برو ومعلقيهم السيئين
لكن مع الاسف تفجأنا بسياسة القناه
بأن المبارايات ماراح تنقل مباشره وراح تعاد بعد 24 ساعه
وفوق كل هذا مشفره
معليش يعني انا ايش راح استفيد ادفع فلوس واشوف مباراه معاده
اذا تبغون دعم مو بهالطريقه
اعتقد من حق النادي تسويق مباراياته لأن لولا النادي ماربحت هالقنوات الرياضيه
نفترض انا مانقدر ننقلها
طيب ليه الاداره ماتتفق مع قنوات بي ان سبورت وام بي سي لنقل مبارايات الهلال المحليه والخارجيه مباشره صدقوني كل الزعماء وانا اولهم راح اشترك لأن الدوري السعودي مايهمني فيه الا الهلال وبس
ونفس الكلام دوري ابطال اسيا
ليه مايكون فيه مثلا فيه اتفاق بين قناة الهلال وبي ان ويكون المعلقين من بي ان سبورت ويتم نقل مباريات الهلال بالدوري وبتعليق محترف مثل فهد العتيبي او رؤوف
صدقوني راح نجذب حتى جماهير الانديه الثانيه وراح يسحبون على الام بي سي اذا كانت مبارياتهم ضد الهلال عشان يستمتعون بالتعليق وراح يكون فيه نسبة مشاهده عاليه واعلانات بالهبل
هو مجرد اقتراح اتمنى من احد المسؤولين يوصل اقتراح اي مشجع للأدراه
كنت اتمنى برنامج اذاعي او تلفزيون يستضيف احد من الاداره ونقترح عليهم بس يا الله ما لنا الا المنتدى

غير جبل ولا تغير فكر الادارة .. مثل ايمانا اسم كبير واخرتها ما كمل كم مبارة الا وراح للاهلي الامارتي وكان يلعب بتعالي وراح بعد تسلط الاعلام عليه بسبب الحركه المزعومه

اتفق معك في التعاقد مع لاعب معروف بالنسبة لنا ومستواه جيد ستة أشهر ونهاية السنه نقرر الا اذا كان فيه إمكانية لإحضار مهاجم متميز مثلا فريدي مونتيرو هداف سبورتنق او زورو سرياك مهاجم أندرلخت طبعا عقودهم معقوله جدا مع انديتهم ولكن لا اعلم شروطهم للعب بالخليج وهناك الكويتي يوسف ناصر انا أراه مهاجم جيد ولكن الادارة نظرتها استعلائية على اللاعبين المحليين والآسيويين
الكارثة والعلة المستعصيه على الحل مركز الظهير الأيمن هل يعقل تسع سنوات لا تستطيع الادارة احضار لاعب لهذا المركز ؟ أتمنى التعاقد مع برناوي الفيصلي ومقايضة السالم والمسلم والحمد والبيشي مع معاذ او الشهيل ليكتمل فريقنا محليا
ايضا السالم حذرنا من التعاقد معه ويحاولون فرضه على المدرب يعني زود على سؤه محاولة فرضه ! أتمنى جهيم الطائي ليكون لدينا احتياط يستطيع اللعب متى ما احتجناه وإذا كان الادارة ستكابر على خياراتها سندفع ثمن ذلك وأتمنى الا يحدث

اوما خلفان كم تبي تبي تدفع له عشان يجي !!!!

شكرا لهذا الطرح و انا اتفق معاك اتمنى مهاجم معروف وهذا الوقت غير مناسب للمغامرة
انا فرحت لما سمعت عن اديبايور اتوقع سيكون له نجاح باهر و لكن لا اعرف مدى دقة المعلومة

إقتباس الرسالة الأصلية كتبت بواسطة جعيثنكو اوما خلفان كم تبي تبي تدفع له عشان يجي !!!!

اما كم بتدفع له !!!
ترى اتكلم عن خلفان القطري ما اتكلم عن اوسامواه جيان
يقدم له عرض مناسب لقيمته السوقيه
مافيه لاعب خليجي يستاهل الملايين حاليا الا عموري هو الي ممكن تقول كم بتدفع له الباقين مستواهم متوسط الى جيد جدا ...