|
رساله الى ريجي! بخصوص الاعبين: الكعبي " العمار" القطام"البريك " الحافظ يمتلك فريق الهلال ثروه كبيره واعتبرهم " وقود الهلال في السنوات القادمه ان شاءالله.. "خالدالكعبي" عبدالله العمار"القطام "محمدالبريك" عبدالله الحافظ هولاء الاعبين ظهرت عليهم في الفتره الاخيره ملامح النجوميه والابداع ولمسات الاعب اللي يطمن انه قادر على اللعب في الفريق الاول وبكل ثقه .. لكن نستغرب من ريجي عدم اشراكهم! وللاسف يعطي غيرهم الفرصه بدون ذكر اسماء لاعب تابعته في الاولمبي كثير مستهتر ويعتمد على اسمه فقط! ولن ينفع الهلال بشي لكن اصرار عجيب على اشراكه! احد عنده الكعبي والعمار ومايستفيد منهم ويدعم فريقه!!! صراحه استغرب هل قصر نظرة ريجي السبب او بسبب سيطرت عزوز الدوسري على خانه ممكن يكون واحد من هالاعبين فيها! خالد الكعبي لاعب جوكر ممتاز يقدر يلعبه في ثلاث مراكز لو حب ريجي . العمار لايقل عن العابد مهاره وممكن افضل لو يعطى الفرصه. البريك يحتاج فقط التركيز وتقديم نفسه بشكل جيد ويثق بنفسه اكثر اذا جته الفرصه.. عبدالله الحافظ في مرحلة النضوج الاحترافي في مركز الدفاع يحتاج فقط الفرصه والثقه.. القطام حان الوقت لمشاهدته في الاول واعتبر التوقيع معه ضربة معلم وقرار حكيم. ! لاتجعلون هالنجوم تحترق في الانتظار فتنطفي شمعة ابداعهم ومهاراتهم. قبلهم الشلهوب و العابد وسالم والفرج لم ينتظرو طويلا وهذا سر تفوقهم ومهاراتهم. هي نظره فنيه ورهان على هالنجوم وخاصه خالدالكعبي العمار امنيه وطلب نتمنى ان يصل الى ريجي.. انظر لهم وغامر وانت مرتاح فلن تخسر لكن ستكسب اؤكد ذلك وجربهم في مباراة الزمالك ، والبايرن ... فهي فرصه لهم لاثبات ابداعهم.. |
لازم تكون هذى ثقافة اداره وتفرضه غلى اى مدرب يمسك الفريق المدرب ما همه لعبوا او لا والله بلعب هالنجوم لو خذوا فرصه كان الاداره وفرت مبالغ كثيره من لاعبين جو بملايين وراحوا ببلاش الله عليك يا كاندينو من غامر بسامى والثنيان ومجموعته 84 على ما أظن شوفوا وشسوا لاكن من يسمع |
نبي نترجم الموضوع ونرسله الى ريجي كيف!!!!! من عنده حساب ريجي في تويتر او الفيس بوك !! |
خصوصآ الكابتن خالد القطام لاعب له مستقبل كبير أراهن تذكرني ببداية الشلهوب بس مطور صاحب لمسه وصغير أصغرهم من شباب الهلال وانا اتابعه وانضم للمنتخب وبدع وماشاءالله ع الباقين أضيف لهم شراحيلي سنتر هادي وباص نضيف يحتاج ثقه اكبر وتمارين حديد عنده طول بس يحتاج بنيه أقوى كتف يطير المهاجم وفرصه ونصبر عليه كلامك سليم يازعيم وموضوعك لأمس الجرح قهر ما يعطون فرصه الحين قمة نشاطهم وحيويتهم ياليت الاداره تتدخل و التجديد في عناصر الفريق بتدريج وما نضغط عليه نطالب ببطوله وصدقوني راح تتحق بطولتين ان شاءالله محليه والآسيوية بإذن الله بتوفيق لعملاق آسيا. |
انا معك بموضوع الكعبي فقط الولد ماشاءالله عليه يقدم مستويات ممتازه وحركي و وسريع اذا ما اشركه ريجي بيكون ظلم كبير بحقه |
عبدالله الشامخ ظهير الأيسر أفضل من الزوري بمراحل ! ليه مانشاهده في الفريق الأول ؟ وكذالكك عطيف و الفضل محاور الهلال يحتاجون الفرصه فقط لكي يثبتون أنفسهم ! أتمنى مشاهدتهم مع الفريق في كأس ولي العهد |
ولاتنسون اهم لاعب في الاولمبي... عبدالكريم القحطاني... لازم يصعدون ويلعبون سوا... عشانهم يفهمون بعض... وش ذنبهم تلعبهم جمب الزوري... تمسح كل الي علمتهم في موسم واحد جمبه... مثل ما صار مع نواف العابد... كنا نشوف لعب في الفئات السنيه... لكن لعبه مع لاعبين دون مستوى الهلال في بداياته ادى إلى هبوط مستواه... |
كلامك جميل لكن مشاركة اكثر من لاعب في هذا العمر مع الفريق الأول قد تكون نتائجها عكسية على الفريق واللاعبين الصاعدين انفسهم . ياليت الإدارة الهلالية بدلاً من إعارتهم تقوم بإرسالهم لأوربا موسم او موسمين حتى ينضجون كروياً ثم مشاركتهم مع الفريق الأول بالتدريج . واللاعبين الذي اتوقع أن يكونوا من أعمدة الزعيم بالسنوات القادمة هم : الواكد ، الشامخ ، الحافظ ، الكعبي والقطام ثم المحورالقادم عبدالإله الفضل |
إقتباس:
من موجود طيب؟؟ اذا افضل لاعبين الهلال مع المنتخب!!! |
فهمتك الآن اخوي مهتم 7 اذا تقصد في هذه المرحلة من انضمام نجوم الزعيم للمنتخب فانا معك ولكن ليس بهذا العدد الذي ذكرت يكفي الحافظ ، الشامخ ، الكعبي ، القطام تحياتي لك |
إقتباس:
طبعا اكيد ماهم كلهم اساسين المباريات وديه ويقدر ريجي يشركهم على فترات بجانب الاجانب والاعبين المهمين في الفريق |
إقتباس:
|
مع ريجي أو أي مدرب انس أن لاعب من الاولمبي يعطى فرصة فالنتائج عند هؤلاء المدربين اهم من مستقبل الفريق |
طبعا في مباراة الهلال مع الزمالك ممكن يفوز الهلال او ممكن يخسر او يتعادل.. لكن مع البايرن الهلال خسران خسران لكن الاعب الصغير في السن السريع امثال الكعبي ، القطام، العمار ممكن تكسب فيه لان دفاع البايرن ثقيل تبي لك لاعب يسحبهم |
لا تخافون ستتحفكم هذه الادارة بمزايا مدهشة عندما تعير هؤلاء اللعيبة او عمل مخالصة معهم وتسريحهم للأندية الآخري وجلب رجيع الفرق الهابطة ليقودو الزعيم للهاوية. تبا ثم تبا لكم ياادارة التناقضات نريييييد هذا الجيل ليقودوا زعيمنا للمنصات |
| الوقت المعتمد في المنتدى بتوقيت جرينتش +3.
الوقت الان » 05:02 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd